Allahyar Əhmədov

Allahyar Əhmədov (1896–1980) — sovet dövründə Şəkidə tanınmış partiya və dövlət məmuru; Şəki qəza İcraiyyə Komitəsi sədri, Nuxa şəhər Soveti icraiyyə komitəsinin sədri, V.İ.Lenin adına ipək kombinatı partiya komitəsinin katibi və s. məsul vəzifələrdə çalışmışdır.

Allahyar Əhmədov
Əhmədov Allahyar Ramazan oğlu
Allahyar Əhmədov
Allahyar Əhmədov.
Anadan olub	1896(1896-Şablondakı doğum və ya ölüm tarixində texniki yanlışlıq var!-00)
Anadan olduğu yer	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	1980(1980-Şablondakı doğum və ya ölüm tarixində texniki yanlışlıq var!-00) (84 yaşında)
Vəfat etdiyi yer	Şəki, Azərbaycan SSR, SSRİ
Atası	Nəhayət Əhmədova
Mükafatları

Haqqında məlumatlar

1896-cı ildə Nuxada (indiki Şəki), fəhlə ailəsində anadan olub.

Əmək fəaliyyəti

12 yaşından Nuxadakı ipək fabriklərində işləyib.

1923 – 1930-cu illərdə bir sıra məsul vəzifələrdə çalışıb; o cümlədən, zavod komitəsinin sədri, toxucular ittifaqının sədri, pedaqoji məktəbdə direktor müavini, xalq hakimi, prokuror köməkçisi, Şəki qəza İcraiyyə Komitəsi sədrinin müavini, sonra isə sədri olub.

1942 – 1946-cı illərdə Nuxa şəhər Soveti icraiyyə komitəsinin sədri,

Daha sonra on il V.İ.Lenin adına ipək kombinatı partiya komitəsinin katibi vəzifəsində çalışıb.

1967-ci ildən Ümumittifaq əhəmiyyətli fərdi pensiyaçı idi.

İctimai-siyasi fəallığı

1917 – 1920-ci illərdə Nuxa fəhlə tətillərinin fəal iştirakçısı və təşkilatçısı olub.

1920-ci ildən kommunist partiyasının üzvü olub.

Təltif və mükafatları

• “Qırmızı Əmək Bayrağı” ordeni (SSRİ);
• “Qırmızı Ulduz” ordeni;
• medallar.

Vəfatı

1980-cı ildə – 84 yaşında, Şəkidə vəfat edib.

Ədəbiyyat

1. A.R.Əhmədov (nekroloq) (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1980. —20 fevral  c. — № 5 – 6 (1363). — Səh. 3.
2. Məmmədov Ə., Xalıqov F. Əhmədov Allahyar // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 185. — 1.000 nüsx.

Həmçinin, bax:

• Qədir Əhmədov