Mirzə Fətəli Axundovun ev muzeyi

Mirzə Fətəli Axundovun ev muzeyi
	Muzey
	Mirzə Fətəli Axundovun ev muzeyi
	Ümumi görünüş.Ümumi görünüş.
Ölkə	Azərbaycan
Şəhər	Şəki
Tikinti tarixi	≈1800
	Xronologiya:; 1940 — Evdə Mirzə Fətəli Axundovun ev muzeyi açılıb.; 1975 — Birotaqlı pavilyon-ekspozisiya zalı əlavə edilib.; 2011 – 2012 — Əsaslı təmir olunub.;
Status	xatirə muzeyi
Material	çiy kərpic
Açılış tarixi	1940
Eksponat sayı	421
Direktoru	Xəlilova Ulduz Orxan qızı
Ünvan	Şəki şəhəri, M.F.Axundzadə küçəsi, 1.
Telefon	+994242443708
Sayt	muzeyin rəsmi facebook səhifəsi
	41°12′08″N 47°11′57″E / 41.202175°N 47.199150°E

Mirzə Fətəli Axundovun ev muzeyi — Şəkidə Azərbaycan Respublikası Mədəniyyət Nazirliyi Şəki Regional Mədəniyyət İdarəsinin tabeçiliyində fəaliyyət göstərən xatirə muzeyi. “Yuxarı Baş” Milli Tarix-Memarlıq Qoruğu ərazisində yerləşir. 1940-cı ildə Azərbaycan SSR Xalq Komissarları Sovetinin qərarı ilə təşkil edilmişdir və Azərbaycanda açılmış ilk xatirə muzeyidir^[1]. Mirzə Fətəli Axundovun anadan olduğu, habelə 1812 – 1814 və 1826 – 1832-ci illərdə yaşadığı təqribən 1800-cü ildə çiy kərpicdən tikilmiş 2 otaqlı və üstü kirəmitlə örtülmüş tarixi evdən və 1975-ci ildə həmin evə əlavə edilmiş birotaqlı pavilyon-ekspozisiya zalından ibarətdir. 2011 – 2012-ci illərdə əsaslı təmir edilib. 2022-ci ilin birinci yarısı üçün muzeyin fond və ekspozisiyasında Mirzə Fətəli Axundovun həyat və fəaliyyətinə, yaşadığı dövrə aid eksponatların sayı 421 olub. Muzeydə vaxtaşırı olaraq Mirzə Fətəli Axundova həsr edilmiş müxtəlif mədəni, maarifləndirici tədbirlər keçirilir və tematik sərgilər təşkil olunur^[2]^[3]^[4].