Nazim Rəsulov

Nazim Rəsulov — tanınmış keçmiş hərbçi, Qarabağ qazisi və polis işçisi. Birinci Qarabağ müharibəsində Azərbaycanın Milli Qəhrəmanı Mikayıl Cəbrayılovla (1952–1990) çiyin-çiyinə vuruşmuş, onun şəhid olmasından sonra meyitini qorumuş və düşmənin əlinə keçməsinə imkan verməmişdir.

Nazim Rəsulov
Rəsulov Nazim Rəsul oğlu
Nazim Rəsulov
Nazim Rəsulov.
Doğum tarixi	28 iyul 1968 (1968-07-28)
Doğum yeri	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	• C.Naxçıvanski adına hərbi məktəb (1982–1985)  • Şəki Texnologiya Texnikumunu, gömrükxana işi və hüquq şöbəsi (1998–2001)
Hərbi fəaliyyəti
Döyüşlər	Qarabağ döyüşləri (1990–1994)
facebook səhifəsi

Haqqında məlumatlar

28 iyul 1968-ci il tarixdə Şəkidə anadan olub.

Təhsili

1975 – 1982-ci illərdə Şəki şəhər 19 №-li orta məktəbində,

1982 – 1985-ci illərdə C.Naxçıvanski adına hərbi məktəbdə,

1998 – 2001-ci illərdə Şəki Texnologiya Texnikumunun gömrükxana işi və hüquq şöbəsində təhsil alıb.

Hərbi xidmətdə

1986 – 1988-ci illərdə həqiqi hərbi xidmətdə olub.

1990 – 1994-cü illərdə Qarabağ döyüşlərində iştirak edib.

Əmək fəaliyyəti

1989-cu ilin mart ayından Azərbaycan SSR DİN Şəki şəhər Milis Şöbəsində milis nəfəri,

1990 – 2002-ci il tarixlərində Şəki şəhər rayon milis/polis şöbəsinin Müvəqqəti /Saxlama Təcridxanasının rəisi,

2002 – 2016-cı illərdə Azərbaycan Respublikası Daxili İşlər Nazirliyi Baş Pasport Qeydiyyat və Miqrasiya İdarəsinin Şimal Qərb Bölgəsi üzrə regional şöbəsinin dəftərxana rəisi vəzifəsində çalışıb.

2016-cı ildə öz xahişi ilə DİN-dən təqaüdə çıxıb.

Digər

Sərbəst güləş üzrə idman ustalığına namizəddir.