Hikmət Əbdülhəlimov

Hikmət Əbdülhəlimov — ədəbiyyatşünas, folklorşünas, Azərbaycan Yazıçılar Birliyinin üzvü. Sovet dövründə Şəki Şəhər Komsomol Komitəsinin birinci katibi və digər bir sıra məsul partiya və dövlət vəzifələrində çalışmışdır.

Hikmət Əbdülhəlimov
Əbdülhəlimov Hikmət Əhməd oğlu
Hikmət Əbdülhəlimov.
Anadan olub	17 iyul 1939 (1939-07-17)
Anadan olduğu yer	Nuxa (indiki Şəki), Azərbaycan SSR, SSRİ
Həyat yoldaşı	Hüsniyə Qafarova
Uşaqları	İlqar, Gülnarə
Atası	Əhməd Abduləlimov
Anası	Firuzə Abduləlimova
Vətəndaşlıq	SSRİ→ Azərbaycan
Peşəsi	dövlət qulluqçusu
Milliyyəti	azərbaycanlı
İxtisası	politoloq
Təhsili	Bakı Ali Partiya Məktəbi
Mükafatları
facebook səhifəsi

Haqqında məlumatlar

17 iyul 1939-cu il tarixdə Nuxada (indiki Şəki) anadan olub.

Hərbi xidmət

1958 – 1961-ci illərdə hərbi xidmətdə olub.

Təhsili

1965 – 1969-cu illərdə Bakı Ali Partiya Məktəbində ali siyasi təhsil alıb; məktəbi fərqlənmə diplomu ilə bitirib.

Əmək fəaliyyəti

1956-cı ildə 3 saylı Nuxa baramaaçan və ipəkburan fabrikində fəhlə işləyib.

1962 – 1965-ci illərdə Şəki İpək Kombinatı Komsomol Komitəsinin katibi,

1969 – 2014-cü illərdə, müxtəlif vaxtlarda, Şəki Şəhər Komsomol Komitəsinin birinci katibi, Şəki Şəhər Partiya Komitəsinin təbliğat və təşviqat, təşkilat şöbələrinin müdiri, Şəki Şəhər Mədəniyyət şöbəsinin müdiri, Şəki Şəhər İcra hakimiyyətində ümumi şöbənin müdiri, Bakı Telefon Rabitəsi İstehsalat Birliyinin kadrlar şöbəsinin rəisi, həmin Birliyinin baş direktorunun müşaviri vəzifəsində çalışıb.

İctimai fəaliyyəti

2014-cü ildən Azərbaycan Respublikası Rabitəçi Veteranlar Şurası İctimai Birliyinin sədr müavinidir.

Ədəbi fəaliyyəti

1987 – 2020 illər ərzində 243 min nüsxə tirajla nəşr edilmiş 19 kitabın, o cümlədən, “Şəkinin gülüş çələngi” (Bakı, 1987/1988), “Saa quzu kəsərəm” (Bakı, 1992), “Şəki lətifələri” (Bakı, 1994), “Şəki gülməçələri” (Bakı, 1998) folklor toplularının, Azərbaycan MEA Nizami adına Ədəbiyyat İnstitutunun buraxdığı “Azərbaycan folkloru antologiyası” – İV kitab və “Şəki folkloru” toplusu – I cildin həmmüəllifi, “Şəki folkloru” toplusunun II – III cildlərinin, “Şəki folklor örnəkləri” toplusunun I cildinin toplayıcısı və tərtibçisidir. Türkiyədə nəşr olunan “Türk Dünyası” jurnalında, Azərbaycanda nəşr olunan “525-ci qəzet”, “Ədəbiyyat”, “Naxçıvan”, “Zarafat” və s. qəzetlərdə Şəki folkloruna dair materialları dərc edilib, respublika radiosunun “Xeyrə qənşər” xalq yaradıcılığı proqramında çıxışları olub. 40-dan artıq elmi və elmi-publisistik məqalənin müəllifidir. “Ünsiyyət körpüsü”, “Qəhrəman ana, qayğıkeş qadın”, “Əbədiyyətə qovuşan insan” kitabları da onun tərtibatında və ön sözü ilə işıq üzü görüb.

Təltif və mükafatları

• “Qırmızı Əmək bayrağı” ordeni;
• “Şərəf Nişanı” ordeni (1974);
• “Vladimir İliç Leninin anadan olmasının 100 illiyi ilə əlaqədar” yubiley medalı;
• Azərbaycan Yazıçılar Birliyi Bədii Ədəbiyyatı Təbliğ Bürosunun “Yaddaş” mükafatı (2003);
• “Şöhrət” ordeni (2011).

Ədəbiyyat

1. Məmmədov Ə., Xalıqov F. Əbdülhəlimov Hikmət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 108-109. — 1.000 nüsx.
2. AZƏRBAYCAN FOLKLORU ANTOLOGИYASI (XVIII kitab ŞƏKИ FOLKLORU) / Toplayanı, tərtib edəni, söyləyicilər, toplayıcılar, qaynaqlar haqqında məlumatın, qeyd və şərhlərin müəllifi: Hikmət Əbdülhəlimov. — Azərbaycan Milli Elmlər Akademiyası Folklor İnstitutu. — Bakı, 2008. — Səhifələrin sayı:  536. Arxivləşdirilib; arxivləşdirmə tarixi: 20 Sep 2018 - 24 Nov 2019.
3. "Hikmət Əbdülhəlimov-70". http://www.anl.az/ (azərb.). “Ədəbiyyat” qəzeti. 17 iyul 2009. 21 oktyabr 2020-cı il tarixində arxivləşdirilib.
4. "Bu gün Hikmət Əhməd oğlu Əbdülhəlimovun doğum günüdür". az.baku-art.com (azərb.). az.baku-art.com. 7/07/2019 08:36. 1 avqist 2019-cu il tarixində arxivləşdirilib.
5. Orsər R. Hikmət Əbdülhəlimov // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 418-422. — 500 nüsx. — ISBN 978-9952-8176-5-2.