Rəsul Rəsullu

Rəsul Rəsullu (1908–1962) — tanınmış pedaqoq və jurnalist, filologiya elmləri namizədi, Lenin adına Azərbaycan Dövlət Pedaqoji İnstitutunun dosenti, Azərbaycan SSR əməkdar müəllimi.

Rəsul Rəsullu
Rəsullu Rəsul Yusif oğlu
Rəsul Rəsullu, 1947-ci il.
Doğum tarixi	10 sentyabr 1908(1908-09-10)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	30 aprel 1962 (53 yaşında)
Vəfat yeri	Bakı, Azərbaycan SSR, SSRİ
İş yeri	Lenin adına Azərbaycan Dövlət Pedaqoji İnstitutu (dosenti)
Elmi dərəcəsi	filologiya elmləri namizədi
Elmi adı	dosent
Təhsili	• Bakı müəllimlər seminariyası (1924–1927)  • Azərbaycan Pedaqoji İnstitutu, dil-ədəbiyyat fakültəsi (1936–1940)  • aspirantura, qiyabi (+1940–)
Evladları	Yaşar, Xəyyam, Mayıs, Cavidan
Mükafatları

Haqqında məlumatlar

10 sentyabr 1908-ci il tarixdə Nuxada (indiki Şəki) ipək əyirici fəhlə ailəsində anadan olub.

Təhsili

Rəsul Rəsullunun hərbi sənədlərindəki gənclik şəkli.

1921 – 1924-cü illərdə Nuxada orta məktəbdə,

1924 – 1927-ci illərdə Bakı müəllimlər seminariyasında,

1936 – 1940-cı ildə Lenin adına Azərbaycan Dövlət Pedaqoji İnstitutunun dil-ədəbiyyat fakültəsində,

1940-cı ildən sonra isə aspiranturada (qiyabi) təhsil alıb.

Əmək fəaliyyəti

Kiçik yaşlarından Nuxadakı ipək fabriklərində fəhlə işləyib.

Jurnalistlik fəaliyyəti

1921-ci ildən başlamaqla “Şəki fəhləsi”/“Nuxa işçisi”/“Nuxa fəhləsi” qəzetinin müxbiri idi. Sonralar uzun müddət bu qəzetin redaksiyasında çalışmış, 1940-cı illərdə bir müddət qəzet onun imzası ilə də çap edilmişdir.

1933 – 1934-cü illərdə isə “İpəkçi” qəzetinin də redaktoru olmuşdur.

Pedaqoji fəaliyyəti

1927 – 1936-cı illərdə, müxtəlif vaxtlarda indiki Qax, Zaqatala və Nuxa rayonlarında pedaqoji sahədə əmək fəaliyyəti ilə məşğul olub; o cümlədən,

1927 – 1929-cu illərdə Zaqatala qəzasının İlisu kənd məktəbində müəllim,

1929 – 1930-cu illərdə Zaqatala-Şəki mahalı maarif şöbəsində inspektor,

1931 – 1936-cı illərdə Nuxadakı bir çox məktəb və texnikumlarda müəllim vəzifəsində çalışıb.

1940 – 1953-cü illərdə Nuxa Dövlət Müəllimlər İnstitutunun direktoru,

1953 – 1958-cu illərdə Həsən bəy Zərdabi adına Kirovabad Pedaqoji İnstitutunun Nuxa filialının direktoru olub.

1958-ci ildən V.Lenin adına Azərbaycan Dövlət Pedaqoji İnstitutunun Azərbaycan ədəbiyyatı kafedrasının dosenti idi.

Elmi fəaliyyəti

“Süleyman Sani Axundovun dramaturji yaradıcılığı” mövzusunda elmi dissertasiya üzərində işləyib.

1951-ci ildə namizədlik dissertasiyasını müdafiə edib.

Nizami Gəncəvinin 800 illiyinə həsr olunmuş “Ölməz sənətkar” adlı monoqrafiyanın, S.S.Axundovun dramaturgiyasına həsr edilmiş 4 elmi məqalənin, həmçinin Azərbaycan dilinin və ədəbiyyatının araşdırılması mövzusunda 25 elmi məqalənin, rus yazıçılarından N.V.Qoqolun, F.N.Radişşevin, L.N.Tolstoyun, A.P.Çexovun, M.Mayakovskinin və M.Qorkinin həyat və yaradıcılıqlarını əks etdirən 20-dən çox elmi məqalənin müəllifidir.

Digər

1925 – 1926-cı illərdə “R.R.” ədəbi imzası ilə “Şəki fəhləsi” qəzetində məqalələri dərc olunub.

SSRİ Silahlı Qüvvlərinin əvvəl siyasi rəhbər (rus.: Полити́ческий руководи́тель (сокр. политрук)), sonra isə kapitan hərbi rütbəsinə malik olub.

Nuxa Dövlət Müəllimlər İnstitutunun direktoru vəzifəsində işləyərkən – 1943-cü ilin yanvar ayında, aylıq maaşının 10 faizini müharibə qurtaranadək döyüş maşınlarının düzəldilməsi nəfinə vermək niyyətində olduğunu bəyan etmiş, digər ali məktəb rektorlarını da bu cür hərəkət etməyə çağırmışdır.

İctimai-siyasi fəaliyyəti

28 aprel 1920-ci il tarixdə Azərbaycanda sovet hakimiyyətinin qurulmasından ilk günlərindən komsomol sıralarına qatılıb.

1938-ci ildən ÜİK(b)P partiyasının üzvü olub.

1947-ci ildə 123 nömrəli Nuxa şəhər üçüncü seçki dairəsindən Azərbaycan SSR Ali Sovetinin deputatı seçilib.

1948-ci ildə Nuxa şəhər Sovetinin deputatı, şəhər sovetinin icraiyyə komitəsinin heyətinin üzvü və maarif üzrə daimi komissiyasının sədri seçilib.

1951-ci ildə yenidən Nuxa şəhər Sovetinin deputatı seçilib.

Təltif və mükafatları

• Azərbaycan SSR Mərkəzi İcraiyyə Komitəsinin Fəxri fərmanı – “Nuxa fəhləsi” qəzetinin 10 illiyi münasibəti ilə (1931);
• “Azərbaycan SSR əməkdar müəllimi” fəxri adı (1942);
• “Əməkdə fərqlənməyə görə” medalı (1945);
• “Qafqazın müdafiəsinə görə” medalı (1946);
• “1941 – 1945-ci illər Böyük Vətən müharibəsində fədakar əməyinə görə” medalı (1946).

Vəfatı

30 aprel 1962-ci il tarixdə – 53 yaşında, uzun sürən xəstəlikdən sonra Nuxada (indiki Şəki) vəfat edib. Vida mərasimi M.F.Axundov adına kinoteatrda təşkil olunub.

1 may 1962-ci il tarixdə dəfn edilib.

Ədəbiyyat

1. Расуллы Расул Юсуф-оглы  : [arx. 18.07.2021] : [rus.] // Память народа. — Müraciət tarixi: 18.07.2021.
2. Расуллы Расул Юсиф-оглы  : [arx. 18.07.2021] : [rus.] // Память народа. — Müraciət tarixi: 18.07.2021.
3. Rəşidov Ə. Azərbaycan SSR Ali Soveti deputatlığına namizədlər:Əməkdar müəllim // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1947. — В. 25 yanvar. — № 14 (3922). — Səh. 2.
4. Nuxa şəhər Sovetinə seçilmiş deputatlar = Нуха шәһәр Советинә сечилмиш депутатлар // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1948. — В. 18 yanvar. — № 8 (4.067). — Səh. 1.
5. Nuxa şəhər sovetinin birinci sessiyası = Нуха шәһәр Советинин биринҹи сессиясы // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1948. — В. 24 yanvar. — № 10 (4.069). — Səh. 1.
6. Rəsul Yusif oğlu Rəsullu (nekroloq) = Рәсул Јусиф оғлу Рәсуллу // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1962. — В. 5 may. — № 52 (6.276). — Səh. 1.
7. Məmmədli Q. İmzalar. — təkrar (2010). — Azərbaycan Dövlət Nəşriyyatı, 1977. — Səh.: 98. Arxivləşdirilib; arxivləşdirmə tarixi: 12 iyun 2020.
8. Şükürov R., Orsər R. Rəsullu Rəsul Yusif oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 114-116. — (Ş 4702060200). — 1.000 nüsx. — ISBN 978995244710.