İzzət Əfəndiyeva

İzzət Əfəndiyeva — fizika üzrə elmlər doktoru, dosent, Bakı Dövlət Universiteti fizika fakültəsinin fiziki elektronika kafedrasının professoru və Bakı Dövlət Universiteti Fizika Problemləri İnstitutunun əməkdaşı.

İzzət Əfəndiyeva
Əfəndiyeva İzzət Məmməd qızı
İzzət Əfəndiyeva.
Doğum tarixi	10 sentyabr 1950 (1950-09-10)
Doğum yeri	Kirovabad (indiki Gəncə), Azərbaycan SSR, SSRİ
Vətəndaşlıq	SSRİ → Azərbaycan
Elmi dərəcəsi	fizika üzrə elmlər doktoru
Elmi adı	dosent
Təhsili	S.M.Kirov adına Azərbaycan Dövlət Universitetini, fizika fakültəsi, rus bölməsi (1967–1972)
Atası	Məmməd Əfəndiyev
Anası	Nailə Babayeva
Mükafatları
Adının digər versiyaları	Izzet Efendiyeva, Izzat Afandiyeva, Иззәт Әфәндијева, Иззет Эфендиева, Иззат Афандиева

Haqqında məlumatlar

10 sentyabr 1950-ci il tarixdə Kirovabadda (indiki Gəncə) anadan olub.

Təhsili

1967-ci ildə Kirovabad şəhər 1 №-li orta məktəbini bitirib.

1967 – 1972-ci illərdə S.M.Kirov adına Azərbaycan Dövlət Universitetinin fizika fakültəsində (rus bölməsində) təhsil alıb.

Əmək fəaliyyəti

1972 – 1974-cü illərdə Kirovabad şəhər 17 №-li dəmiryolu məktəbində fizika müəllimi,

1974 – 1977-ci illərdə Azərbaycan SSR Elmlər Akademiyası Fizika İnstitutunun Xüsusi konstruktor bürosunda mühəndis işləyib.

1977-ci ildən S.M.Kirov adına Azərbaycan Dövlət Universitetində (daha sonrakı M.Ə.Rəsulzadə adına Bakı Dövlət Universiteti, yaxud Bakı Dövlət Universiteti) müxtəlif vəzifələrdə çalışıb; o cümlədən,

1977 – 1989-cu illərdə yarımkeçiricilər fizikası elmi-tədqiqat laboratoriyasında kiçik elmi işçi,

1989 – 1997-ci illərdə elmi-tədqiqat hissəsində nəşriyyat və sərgi işləri üzrə qrup rəhbəri, 1-ci prorektorun müavini,

1997 – 2018-ci illərdə böyük elmi işçi, aparıcı elmi işçi, baş elmi işçi,

2012 – 2018-ci illərdə elmi-tədqiqat hissəsinin rəisi olub.

Elmi fəaliyyəti

1987-ci ildə “Keçid elementləri əsasında olan mürəkkəb oksidlərin – polyar dielektriklərin optik xassələri və elektron quruluşu” (01.04.10-yarımkeçiricilər və dielektriklər fizikası) mövzusunda namizədlik dissertasiyasını,

2013-cü ildə isə “Al-TiW-PtSi/n-Si, Al-TiW-Pd 2Si/n-Si, Al-TiW/n-Si, AlNi/n-Si, Al-TiCu/n-Si elektron quruluşu və daşınma mexanizmləri” (2211-01-bərk cisim fizikası) mövzusunda doktorluq dissertasiyasını müdafiə edib.

2009-cu ildə “Yarımkeçiricilər və dielektriklər fizikası” ixtisası üzrə dosent elmi adını alıb.

110-dan çox elmi əsərin müəllifidir. 2 elmlər namizədi və 3 magistr dissertasiyasına rəhbərlik edib.

İctimai-siyasi aktivliyi

1992 – 1997-ci illərdə “Bakı Universitetinin Xəbərləri” jurnalının məsul katibi,

1989 – 2005-ci illərdə Radiotexnika, Elektronika və Rabitə Elmi-Texniki Cəmiyyətin Rəyasət Heyətinin üzvü olub.

2007-ci ildən Yeni Azərbaycan Partiyasının üzvüdür.

Təltif və mükafatları

• “Bakı Dövlət Universitetinin 100 illiyi (1919-2019)” yubiley medalı (2019).

Ədəbiyyat

1. Məmmədov Ə., Xalıqov F. Əfəndiyeva İzzət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 182. — 1.000 nüsx.
2. Əfəndiyeva İzzət Məmməd qızı : [arx. 8 Jul 2022 - 1 Aug 2024] // static.bsu.az. — Müraciət tarixi: 28.08.2024.