Fərhad Əzizov

Fərhad Əzizov
Əzizov Fərhad Şirin oğlu
Fərhad Əzizov
Fərhad Əzizov.
Doğum tarixi	8 dekabr 1946 (1946-12-08)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Şəki Regional Elmi Mərkəzi (elmi işlər üzrə direktor müavini)
Elmi dərəcəsi	biologiya elmləri namizədi
Təhsili	• M.Əzizbəyov adına Azərbaycan Neft və Kimya İnstitutu, kimya-texnologiya fakültəsi (1964–1969)  • Azərbaycan SSR EA Genetika və Seleksiya İnstitutu, aspirantura (1976–1980)

Fərhad Əzizov — biologiya elmləri namizədi, AMEA Şəki Regional Elmi Mərkəzinin elmi işlər üzrə direktor müavini, Şəki “Sahibkarlar Assosiasiyası”nın təsisçisi və prezidenti.

Haqqında məlumatlar

8 dekabr 1940-cı il tarixdə Nuxada (indiki Şəki) anadan olub.

Təhsili

1964 – 1969-cu illərdə M.Əzizbəyov adına Azərbaycan Neft və Kimya İnstitutunun kimya-texnologiya fakültəsində,

1976 – 1980-cı illərdə Azərbaycan SSR EA Genetika və Seleksiya İnstitutunun aspiranturasında təhsil alıb.

Əmək fəaliyyəti

1969 – 1970-ci illərdə Sumqayıt Kimya zavodunda aparatçı,

1970 – 1974-cü illərdə “Neft Kimya Avtomat” Elmi-Tədqiqat Layihə İnstitutunda mühəndis vəzifəsində işləyib.

1974-cü ildə Azərbaycan SSR EA Şəki Zona Elmi Bazasında kiçik elmi işçi vəzifəsinə qəbul edilib.

1989-2014-cü illər ərzində Azərbaycan SSR EA/AMEA Genetik Ehtiyatlar İnstitutu Şəki Elmi Tədqiqat Bazasında böyük elmi işçi vəzifəsində çalışıb.

2014-cü ildən AMEA Şəki Regional Elmi Mərkəzinin elmi işlər üzrə direktor müavinidir.

Pedaqoji fəaliyyəti

2002 – 2006-cı illərdə Şəki Pedaqoji Texnikumunda və Şəki Musiqi Texnikumunda ümumi biologiya fənnindən dərs deyib.

Elmi fəaliyyəti

1983-cü ildə Daşkənddə Özbəkistan SSR EA Bioüzvi Kimya İnstitutunun Elmi Şurasında dissertasiya işini müdafiə edib və biologiya elmləri namizədi elmi dərəcəsini alıb.

16-sı xaricdə olunmaqla, çapdan çıxmış 31 elmi əsərin və 4 müəlliflik şəhadətnaməsinin 1 patentin müəllifidir.

Digər

2001-ci ildə “Bioflor” Ekoloyi Tərbiyə İctimai Birliyini,

2002-ci ildə “Şəki Sənətkarlar Assosiasiyası”nı,

2003-cü ildə Şəki “Ailə Turizm Assosiasiyası”nı,

2004-cü ildə Şəki “Sahibkarlar Assosiasiyası”nı təsis edib.

Təltif və mükafatları

• AMEA həmkarlar təşkilatının fəxri fərmanı (2016).

Ədəbiyyat

1. Məmmədov Ə., Xalıqov F. Əzizov Fərhad // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 131-133. — 600 nüsx. — ISBN 5-8066-1708-4.
2. Şəki REM-in fəlsəfə doktorları : Əzizov Fərhad Şirin oğlu : [arx. 14.09.2021] // Azərbaycan Milli Elmlər Akademiyası. — Müraciət tarixi: 17.09.2021.
3. Direktor müavini Əzizov Fərhad Şirin oğlu : Fərhad Şirin oğlu Əzizov : [arx. 30 Jun 2017 - 6 Feb 2019] // Azərbaycan milli Elmlər Akademiyası Şəki Regional Elmi Mərkəzi. — Müraciət tarixi: 17.09.2021.