Sakit İsmayılov

Sakit İsmayılov
İsmayılov Sakit İsmayıl oğlu
Sakit İsmayılov.
Doğum tarixi	7 yanvar 1985(1985-01-07)
Doğum yeri	Beşevlər (indiki Aran) kəndi, Şəki rayonu, Azərbaycan SSR, SSRİ
Vəfat tarixi	13 oktyabr 2020 (35 yaşında)
Vəfat yeri	Ağdərə rayonu, Azərbaycan
Dəfn yeri	Dovşan düzü qəbiristanlığı, Şəki, Azərbaycan
Vətəndaşlıq	Azərbaycan
Mənsubiyyəti	Azərbaycan Ordusu
Uşaqları	Xəyal və Mələk
Anası	Güldərən
Həyat yoldaşı	Gülmira İsmayılova
Hərbi fəaliyyəti
Qoşun növü	Quru Qoşunları
Xidmət illəri	2003–2004; 2010–2020
Rütbə	kiçik çavuş
Təltifləri

Sakit İsmayılov (1985–2020) — Vətən müharibəsində şəhid olmuş Azərbaycan Silahlı Qüvvələrinin kiçik çavuşu.

Haqqında məlumatlar

7 yanvar 1985-ci il tarixdə Şəki rayonunun Beşevlər (indiki Aran) kəndində anadan olub.

Təhsili

1991 – 1999-cu illərdə Aran kənd orta məktəbində,

1999 – 2002-ci illərdə isə Şəki Peşə Kollecində təhsil alıb.

Hərbi xidmətdə

2003-cü ildə həqiqi hərbi xidmətə çağırılıb və 2004-cü ilin iyul ayında xidmətini başa vurub.

2010-cu ilin yanvar ayının 21-də Silahlı Qüvvələrin Təlim və Tədris Mərkəzində MAHHXHQ hazırlıq kursuna manqa komandiri ixtisası üzrə daxil olub. Həmin kursu aprel ayının 10-da bitirib və «N» saylı hərbi hissə komandirinin sərəncamına göndərilib. Həmin hərbi hissədə manqa komandiri vəzifəsində xidmət edib.

2020-ci ilədək müxtəlif hərbi hissələrdə manqa komandiri vəzifəsində xidmətini davam etdirib. 27 sentyabr 2020-ci ildə başlayan Vətən müharibəsi zamanı xidmət etdiyi hərbi hissənin tərkibində döyüşlərə qatılıb.

Vəfatı

13 oktyabr 2020-ci il tarixdə – 35 yaşında, Ağdərə istiqamətində gedən döyüşdə şəhid olub.

23 oktyabr 2020-ci il tarixdə Şəkidəki Dovşan düzü qəbiristanlığının şəhidlər üçün ayrılmış hissəsində təntənəli şəkildə dəfn edilib.

Təltif və mükafatları

• “Azərbaycan Silahlı Qüvvələrinin 95 illiyi (1918-2013)” yubiley medalı (26.06.2013);
• 3-cü dərəcəli "Qüsursuz xidmətə görə" medalı (26.06.2019);
• “Vətən uğrunda” medalı – ölümündən sonra (15.12.2020);
• “İgidliyə görə” medalı — ölümündən sonra (24.06.2021);
• “Suqovuşanın azad olunmasına görə” medalı — ölümündən sonra (24.06.2021).

Ailəsi

Anası Güldərən 2004-cü ildə vəfat edib.

Ailədə iki qardaş bir bacı olublar.

2006-ci ildə ailə həyatı qurub, bir oğlu və bir qızı var.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : SAKİT İsmayıl oğlu İsmayılov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
3. Azərbaycan Respublikası Prezidentinin Silahlı Qüvvələrin hərbi qulluqçularının “İgidliyə görə” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
4. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.