Rəsul Rəsullu
Rəsul Rəsullu | |
---|---|
Rəsullu Rəsul Yusif oğlu | |
![]() | |
Rəsul Rəsullu. | |
Doğum tarixi | 10 sentyabr 1908 |
Doğum yeri |
Nuxa (indiki Şəki), Nuxa qəzası, Yelizavetpol quberniyası, ![]() |
Vəfat tarixi | 30 aprel 1962 (53 yaşında) |
Vəfat yeri |
Bakı, ![]() ![]() |
İş yeri | Lenin adına Azərbaycan Dövlət Pedaqoji İnstitutu (dosenti) |
Elmi dərəcəsi | filologiya elmləri namizədi |
Elmi adı | dosent |
Təhsili |
• Bakı müəllimlər seminariyası (1924–1927) • Azərbaycan Pedaqoji İnstitutu, dil-ədəbiyyat fakültəsi (1936–1940) |
Evladları | Xəyyam[qeyd 1], Mayıs, Yaşar |
Mükafatları |
![]() ![]() ![]() |
Rəsul Rəsullu (1908–1962) — tanınmış pedqoq və jurnalist, filologiya elmləri namizədi, Lenin adına Azərbaycan Dövlət Pedaqoji İnstitutunun dosenti, Azərbaycan SSR əməkdar müəllimi.
Haqqında məlumatlar
10 sentyabr 1908-ci il tarixdə Nuxada (indiki Şəki) ipək əyirici fəhlə ailəsində anadan olub.
Təhsili
1921 – 1924-cü illərdə Nuxada orta məktəbdə,
1924 – 1927-ci illərdə Bakı müəllimlər seminariyasında,
1936 – 1940-cı ildə Lenin adına Azərbaycan Dövlət Pedaqoji İnstitutunun dil-ədəbiyyat fakültəsində təhsil alıb.
Əmək fəaliyyəti
Kiçik yaşlarından Nuxadakı ipək fabriklərində fəhlə işləyib.
Jurnalistlik fəaliyyəti
1921-ci ildən başlamaqla “Şəki fəhləsi”/“Nuxa fəhləsi”/“Nuxa fəhləsi” qəzetinin müxbiri olub, sonra bir müddət qəzetin redaksiyasında çalışıb, 1940-cı illərdə bir müddət bu qəzet onun imzası ilə çap olunub.
1933 – 1934-cü illərdə “İpəkçi” qəzetinin redaktoru olub[qeyd 2].
Pedaqoji fəaliyyəti
1927 – 1936-cı illərdə, müxtəlif vaxtlarda indiki Qax, Zaqatala və Nuxa rayonlarında pedaqoji sahədə əmək fəaliyyəti ilə məşğul olub; o cümlədən,
- 1927 – 1929-cu illərdə Zaqatala qəzasının İlisu kənd məktəbində müəllim,
- 1929 – 1930-cu illərdə Zaqatala-Şəki mahalı maarif şöbəsində inspektor,
- 1931 – 1936-cı illərdə Nuxadakı bir çox məktəb və texnikumlarda müəllim vəzifəsində çalışıb.
1940 – 1953-cü illərdə Nuxa Dövlət Müəllimlər İnstitutunun direktoru,
1953 – 1958-cu illərdə Həsən bəy Zərdabi adına Kirovabad Pedaqoji İnstitutunun Nuxa filialının direktoru olub.
1958-ci ildən V.Lenin adına Azərbaycan Dövlət Pedaqoji İnstitutunun Azərbaycan ədəbiyyatı kafedrasının dosenti idi.
Elmi fəaliyyəti
1951-ci ildə namizədlik dissertasiyasını müdafiə edib.
Nizami Gəncəvinin 800 illiyinə həsr olunmuş “Ölməz sənətkar” adlı monoqrafiyanın və onlarla elmi məqalənin müəllifidir.
Digər
1925 – 1926-cı illərdə “R.R.” ədəbi imzası ilə “Şəki fəhləsi” qəzetində məqalələri dərc olunub[1].
SSRİ Silahlı Qüvvlərinin əvvəl siyasi rəhbər (rus.: Полити́ческий руководи́тель (сокр. политрук))[2][qeyd 3], sonra isə kapitan[3] hərbi rütbəsinə malik olub.
Nuxa Dövlət Müəllimlər İnstitutunun direktoru vəzifəsində işləyərkən – 1943-cü ilin yanvar ayında, aylıq maaşının 10 faizini müharibə qurtaranadək döyüş maşınlarının düzəldilməsi nəfinə vermək niyyətində olduğunu bəyan etmiş, digər ali məktəb rektorlarını da bu cür hərəkət etməyə çağırmışdır[qeyd 4].
İctimai-siyasi fəaliyyəti
28 aprel 1920-ci il tarixdə Azərbaycanda sovet hakimiyyətinin qurulmasından ilk günlərindən komsomol sıralarına qatılıb.
1947-ci ildə 123 nömrəli Nuxa şəhər üçüncü seçki dairəsindən Azərbaycan SSR Ali Sovetinin deputatı seçilib.
Təltif və mükafatları
- “Azərbaycan SSR əməkdar müəllimi” fəxri adı (1942);
- “Əməkdə fərqlənməyə görə” medalı (1944);
- “Qafqazın müdafiəsinə görə” medalı (1945).
Vəfatı
30 aprel 1962-ci il tarixdə – 53 yaşında, uzun sürən xəstəlikdən sonra Nuxada (indiki Şəki) vəfat edib.
Qeydlər
- ↑ Xəyyam orta məktəb yaşında olarkən – 1955-ci ildə, fəciəvi şəkildə həlak olmuşdur, Qara dənizdə boğulmuşdur.
- ↑ Hal-hazırda yalnız “İpəkçi” qəzeti redaksiyasının arxivində saxlanılan “İpəkçi” qəzetinin 1933 – 1934-cü illərdə çap olunmuş nüsxələri, vaxtilə, Rəsul Rəsullunun şəxsi arxivində olmuşdur, lakin onun vəfatından sonra – 1960-cı illərdə, ailəsi tərəfindən qəzetin o vaxtkı redaktoru Salis Məmmədova təhvil verilmişdir.
- ↑ Syasi rəhbər (rus.: Полити́ческий руководи́тель (сокр. политрук)) hərbi rütbəsi SSRİ Silahlı Qüvvələrində yalnız 1943-cü ilədək mövcud olub.
- ↑ Böyük Vətən müharibəsinin 40 illiyi münasibəti ilə Azərbaycan KP MK Şəki Şəhər Komitəsi, “Şəki fəhləsi” qəzetinin redaksiyası və "Bilik" cəmiyyəti tərəfindən buraxılmış vərəqədə göstərilir ki,
1943-cü ilin yanvar ayından etibarən Şəkidəki müəllimlər institutunun direktoru Rəsul Rəsullu yoldaş aylıq maaşının 10 faizini müharibə qurtaranadək faşizmə qarşı döyüş maşınları düzəldilməsi nəfinə vermək üçün təşəbbüs qaldırmış və bütün ali məktəb rektorlarını bu cür yardım etməyə çağırmışdı
İstinadlar
- ↑ Məmmədli Q., 1977, s. 98.
- ↑ Память народа (1).
- ↑ Память народа (2).
Ədəbiyyat
- Расуллы Расул Юсуф-оглы : [arx. 18.07.2021] : [rus.] // Память народа. — Müraciət tarixi: 18.07.2021.
- Расуллы Расул Юсиф-оглы : [arx. 18.07.2021] : [rus.] // Память народа. — Müraciət tarixi: 18.07.2021.
- Rəsul Yusif oğlu Rəsullu (nekroloq) = Рәсул Јусиф оғлу Рәсуллу // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1962. — В. 5 may. — № 52 (6.276). — Səh. 1.
- Məmmədli Q. İmzalar. — təkrar (2010). — Azərbaycan Dövlət Nəşriyyatı, 1977. — Səh.: 98. Arxivləşdirilib; arxivləşdirmə tarixi: 12 iyun 2020.
- Şükürov R., Orsər R. Rəsullu Rəsul Yusif oğlu // İşıq məbədi. — Bakı: İdeal-Print, 2010. — Səhifələrin sayı: 310. — Səh.: 114-116. — (Ş 4702060200). — 1.000 nüsx. — ISBN 978995244710.
- R
- Şəxslər (familiya sırası ilə)
- Şəkidən çıxmış alimlər
- Şəkidən çıxmış pedaqoqlar
- Şəkidən çıxmış jurnalistlər
- 1908-ci ildə doğulanlar
- 10 sentyabrda doğulanlar
- Sentyabrda doğulanlar
- 30 apreldə vəfat edənlər
- Apreldə vəfat edənlər
- 1962-ci ildə vəfat edənlər
- Azərbaycan SSR əməkdar müəllimləri
- "Əməkdə fərqlənməyə görə" medalı ilə təltif edilənlər
- "Qafqazın müdafiəsinə görə" medalı ilə təltif edilənlər
- Alimlər
- Şəxslər (ad sırası ilə)
- “İşıq məbədi” kitabına istinad olunan məqalələr