Aydın Məmmədov2019.png
Logo1234.png
Şəki Ensiklopediyasına maliyyə dəstəyi göstərmək istəyən hər bir şəxs
4169 7413 0538 5039 (08/22 VISA)
Kapital Bank kart hesabımıza istədiyi məbləğdə ianə köçürə bilər.   Daha ətraflı...
Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasına məxsusdur.

Rəsul Rəsullu

Şəki Ensiklopediyası səhifəsi
Jump to navigation Jump to search
Rəsul Rəsullu
Rəsullu Rəsul Yusif oğlu
Rəsul Rəsullu
Rəsul Rəsullu.
Doğum tarixi 10 sentyabr 1908(1908-09-10)
Doğum yeri Nuxa (indiki Şəki), Nuxa qəzası, Yelizavetpol quberniyası, Flag of Russia.svg Rusiya İmperiyası
Vəfat tarixi 1962(1962-Şablondakı doğum və ya ölüm tarixində texniki yanlışlıq var!-00) (54 yaşında)
Vəfat yeri Bakı, Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Elmi dərəcəsi filologiya elmləri namizədi
Elmi adı dosent
Təhsili

 • Bakı Pedaqoji Texnikumu (1924–1927)

 • Azərbaycan Pedaqoji İnstitutu (1936–1940)
Uşaqları Xəyyam[qeyd 1], Mayıs, Yaşar
Mükafatları "Azərbaycan SSR əməkdar müəllimi" fəxri adı
"Əməkdə fərqlənməyə görə" medalı"Qafqazın müdafiəsinə görə" medalı

Rəsul Rəsullu (1908–1962) — filologiya elmləri namizədi, Azərbaycan SSR əməkdar müəllimi, “İpəkçi” qəzetinin ilk redaktoru, Nuxa İkiillik Müəllimlər İnstitutunun birinci və sonuncu direktoru. Həyatının son illərində V.Lenin adına Azərbaycan Pedaqoji İnstitutun Azərbaycan ədəbiyyatı kafedrasında dosent vəzifəsində çalışmışdır.

Haqqında məlumatlar[redaktə | HTML redaktə]

10 sentyabr 1908-ci il tarixdə Nuxada (indiki Şəki) fəhlə ailəsində anadan olub.

Təhsili[redaktə | HTML redaktə]

1921 – 1924-cü illərdə Nuxada orta məktəbdə,

1924 – 1927-ci illərdə Bakı Pedaqoji Texnikumunda,

1936 – 1940-cı ildə Azərbaycan Pedaqoji İnstitutunda təhsil alıb.

Əmək fəaliyyəti[redaktə | HTML redaktə]

1927 – 1929-cu illərdə Zaqatala qəzasının İlisu kəndində müəllim,

1929 – 1930-cu illərdə Zaqatala-Şəki mahalı maarif şöbəsində inspektor vəzifəsində çalışıb.

1931 – 1936-cı illərdə Nuxadakı bir çox məktəb və texnikumlarda müəllimlik etməklə yanaşı,

1933 – 1934-cü illərdə həm də “İpəkçi” qəzetinin redaktoru olub.

1940 – 1953-cü illərdə Nuxa İkiillik Müəllimlər İnstitutunun direktoru,

1953 – 1958-cu illərdə Həsən bəy Zərdabi adına Pedaqoji İnstitutun (Kirovabad – indiki Gəncə) Azərbaycan ədəbiyyatı kafedrasında dosent,

1958 – 1959-cu illərdə isə V.Lenin adına Azərbaycan Pedaqoji İnstitutun (Bakı) Azərbaycan ədəbiyyatı kafedrasında dosent vəzifəsində çalışıb.

Elmi fəaliyyəti[redaktə | HTML redaktə]

1945-ci ildə namizədlik dissertasiyasını müdafiə edib.

Nizami Gəncəvinin 800 illiyinə həsr olunmuş “Ölməz sənətkar” adlı monoqrafiyanın və onlarla elmi məqalənin müəllifidir.

Digər[redaktə | HTML redaktə]

1925 – 1926-cı illərdə “R.R.” ədəbi imzası ilə “Şəki fəhləsi” qəzetində məqalələri dərc olunub[1].

Bəzi məlumatlara əsasən bir müddət “Şəki fəhləsi” qəzetinin də redaktoru olub[qeyd 2].

SSRİ Silahlı Qüvvlərinin əvvəl siyasi rəhbər (rus.: Полити́ческий руководи́тель (сокр. политрук))[2][qeyd 3], sonra isə kapitan[3] hərbi rütbəsinə malik olub.

Nuxa İkiillik Müəllimlər İnstitutunun direktoru vəzifəsində işləyərkən – 1943-cü ilin yanvar ayında, aylıq maaşının 10 faizini müharibə qurtaranadək döyüş maşınlarının düzəldilməsi nəfinə vermək niyyətində olduğunu bəyan etmiş, digər ali məktəb rektorlarını da bu cür hərəkət etməyə çağırmışdır[qeyd 4].

1947-ci ildə Nuxa şəhər üçüncü seçki dairəsindən Azərbaycan SSR Ali Sovetinin deputatı seçilib.

Hal-hazırda yalnız “İpəkçi” qəzeti redaksiyasının arxivində saxlanılan “İpəkçi” qəzetinin 1933–1934-cü illərdə çap olunmuş nüsxələri, vaxtilə, Rəsul Rəsullunun şəxsi arxivində olmuşdur, lakin onun vəfatından sonra – 1960-cı illərdə, ailəsi tərəfindən qəzetin o vaxtkı redaktoru Salis Məmmədova təhvil verilmişdir.

Təltif və mükafatları[redaktə | HTML redaktə]

Vəfatı[redaktə | HTML redaktə]

1962-ci ildə – 54 yaşında, Bakıda vəfat edib.

Qeydlər[redaktə | HTML redaktə]

  1. Xəyyam orta məktəb yaşında olarkən – 1955-ci ildə, fəciəvi şəkildə həlak olmuşdur, Qara dənizdə boğulmuşdur.
  2. “Şəki fəhləsi” qəzetinin 50 illiyi münasibəti ilə çap olunmuş kitabçada, qəzetin keçmiş redaktorlarından biri kimi Rəsul Rəsullunun da fotoşəkli dərc edilib.
  3. Syasi rəhbər (rus.: Полити́ческий руководи́тель (сокр. политрук)) hərbi rütbəsi SSRİ Silahlı Qüvvələrində yalnız 1943-cü ilədək mövcud olub.
  4. Böyük Vətən müharibəsinin 40 illiyi münasibəti ilə Azərbaycan KP MK Şəki Şəhər Komitəsi, “Şəki fəhləsi” qəzetinin redaksiyası və "Bilik" cəmiyyəti tərəfindən buraxılmış vərəqədə göstərilir ki,
    " 1943-cü ilin yanvar ayından etibarən Şəkidəki müəllimlər institutunun direktoru Rəsul Rəsullu yoldaş aylıq maaşının 10 faizini müharibə qurtaranadək faşizmə qarşı döyüş maşınları düzəldilməsi nəfinə vermək üçün təşəbbüs qaldırmış və bütün ali məktəb rektorlarını bu cür yardım etməyə çağırmışdı "

İstinadlar[redaktə | HTML redaktə]

Ədəbiyyat[redaktə | HTML redaktə]

  1. Расуллы Расул Юсуф-оглы : [arx. 18.07.2021] : [rus.] // Память народа. — Müraciət tarixi: 18.07.2021.
  2. Расуллы Расул Юсиф-оглы : [arx. 18.07.2021] : [rus.] // Память народа. — Müraciət tarixi: 18.07.2021.
  3. Məmmədli Q. İmzalar. — təkrar (2010). — Azərbaycan Dövlət Nəşriyyatı, 1977. — Səh.: 98. Arxivləşdirilib; arxivləşdirmə tarixi: 12 iyun 2020.
  4. Şükürov R., Orsər R. Rəsullu Rəsul Yusif oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 114 – 116. — (Ş 4702060200). — 1.000 nüsx. — ISBN 978995244710.