Qeysər Xəlilov

Qeysər (Qeysəl) Xəlilov
Qeysər (Qeysəl) Xəlilov
	Xəlilov Qeysər Veysəl oğlu
	Qeysər Xəlilov, 1991-ci il.
	1992 — 21 iyul 1992-ci il
Sələfi	vəzifə təsis olunub
	12 mart 1991 — 12 sentyabr 1991
Sələfi	vəzifə təsis olunub
	1990 — 12 mart 1991
Xələfi	komitə ləğv edilib
Şəxsi məlumatlar
Doğum tarixi	9 oktyabr 1929
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	7 aprel 2000 (70 yaşında)
Vəfat yeri	Bakı, Azərbaycan
Əvvəlki adı	Qeysəl
Vətəndaşlığı	SSRİ→ Azərbaycan
Təhsili	• S.M.Kirov adına Azərbaycan Dövlət Universiteti, hüquq fakültəsi (1947–) • aspirantura
Elmi dərəcəsi	fəlsəfə elmləri doktoru
Elmi adı	professor
Təltifləri

Qeysər Xəlilov (1929–2000) — fəlsəfə elmləri doktoru, professor, Azərbaycan SSR əməkdar elm xadimi. Uzun müddət Azərbaycan SSR “Bilik” cəmiyyəti idarə heyəti sədrinin birinci müavini^[1] olmuş, sonra bir müddət Azərbaycan Respublikası Dövlət Televiziya və Radio Verilişləri Komitəsinin sədri vəzifəsində çalışmış, daha sonra isə bir sıra digər məsul vəzifələr tutmuşdur.

Haqqında məlumatlar

9 oktyabr 1929-cu il tarixdə Nuxada (indiki Şəki) sənətkar ailəsində anadan olub.

Təhsili

1947-ci ildə Nuxa şəhər M.Qorki adına 10 №-li orta məktəbini bitirib və S.M.Kirov adına Azərbaycan Dövlət Universitetinin hüquq fakültəsinə daxil olub. Sonra isə aspiranturada təhsil alıb.

Əmək fəaliyyəti

1952-ci ildə Azərbaycan SSR radio verilişləri komitəsində redaktor vəzifəsində əmək fəaliyyətinə başlayıb. Əvvəl müxtəlif vaxtlarda gah pioner və məktəblilər, gah da komsomolçu-gənclər şöbəsində çalışıb. Sonra isə təbliğat-təşviqat şöbəsinə rəhbərlik edib.

1963 – 1990-cı illərdə Azərbaycan SSR “Bilik” cəmiyyəti idarə heyəti sədrinin birinci müavini,

1990 – 1991-ci illərdə Azərbaycan Respublikası Dövlət Televiziya və Radio Verilişləri Komitəsinin sədri (12 mart 1991-ci il tarixədək), Azərbaycan Respublikası Dövlət Teleradio Verilişləri Şirkətinin sədri (12 mart 1991-ci il tarixdən sonra),

1991 – 1992-ci illərdə Azərbaycan Respublikası prezidentinin müşaviri,

1992-ci ildə Azərbaycan Respublikası Nazirlər Kabineti yanında Tarix və Mədəniyyət Abidələrinin Mühafizəsi və Bərpası Komitəsinin sədri olub.

1993-cü ildə əmək təqaüdünə çıxıb.

Elmi fəaliyyəti

1961-ci ildə “Azərbaycan sovet ziyalılarının təşəkkülü və inkişafı” mövzusunda namizədlik dissertasiyasını,

1982-ci ildə isə doktorluq dissertasiyasını müdafiə edib.

1989-cu ildə professor elmi adını alıb.

40-dan çox elmi əsərin, 10-a qədər monoqrafiyanın müəllifidir.

Mükafatları

Azərbaycan SSR əməkdar elm xadimi (1990).

Vəfatı

7 aprel 2000-ci il tarixdə – 70 yaşında, Bakıda vəfat edib.

Şəkillər

Nazim Hacıyev və Qeysər Xəlilov, 1950-ci illər.
S.Ələsgərov,_Qeysər_Xəlilov,_İ.Rzayev, 1977-ci il.
eysər Xəlilov və Bəxtiyar Vahabzadə, 1981-ci il.

İstinadlar və qeydlər

↑ Azərbaycan SSR “Bilik” cəmiyyəti idarə heyətinin sədri vəzifəsinə ənənəvi olaraq Azərbaycan SSR EA-nın prezidentləri seçilirdi.

Ədəbiyyat

Tahirzadə S. Gənc alim = Ҝәнс алим // Məhyəddin Abbasov (redaktor) Nuxa fəhləsi : qəzet. — Nuxa: Nuxa mətbəəsi, 1961. — В. 8 dekabr. — № 145 (6.214). — Səh. 4.
Məmmədov Ə., Xalıqov F. Xəlilov Qeysər // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 258-259. — 1.000 nüsx.
Mete Ə. Xəlilov Qeysər Veysəl oğlu // O torpağın övladları. — Bakı: Nurlan, 2006. — Səhifələrin sayı: 608. — Səh.: 305. — 500 nüsx.

[1] Azərbaycan SSR “Bilik” cəmiyyəti idarə heyətinin sədri vəzifəsinə ənənəvi olaraq Azərbaycan SSR EA-nın prezidentləri seçilirdi.

[1]