Akif Salam

Akif Salam
	Salamov Akif Salam oğlu
	Akif Salam, 1990-cı il.
Anadan olub	24 iyul 1950 (74 yaş)
Anadan olduğu yer	Kiçik Dəhnə, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	• S.M.Kirov adına Azərbaycan Dövlət Universiteti (indiki Bakı Dövlət Universiteti), jurnalistika fakültəsi (1967–1972) • Bakı Ali Partiya Məktəbi, ideoloji kadr ixtisası, qiyabi (1983–1986)
Mükafatları	;

Akif Salam — Azərbaycan Respublikasının əməkdar jurnalisti, “Şəki” qəzetinin baş redaktoru.

Haqqında məlumatlar

24 iyul 1950-ci il tarixdə Nuxa (indiki Şəki) rayonunun Kiçik Dəhnə kəndində anadan olub.

Təhsili

1957 – 1967-ci illərdə Kiçik Dəhnə kənd orta məktəbində,

1967 – 1972-ci illərdə S.M.Kirov adına Azərbaycan Dövlət Universitetinin (indiki Bakı Dövlət Universiteti) jurnalistika fakültəsində,

1983 – 1986-cı illərdə isə Bakı Ali Partiya Məktəbində təhsil alıb.

Əmək fəaliyyəti

1972-ci ildən “Şəki fəhləsi”/“Şəki” qəzetinin redaksiyasında işləyir; o cümlədən, əvvəlcə ədəbi işçi, sonra şöbə müdiri, məsul katib, redaktor müavini vəzifəsində çalışıb.

1990-cı ildən isə redaktor olub.

1992-ci ildən isə həmin qəzetin baş redaktorudur.

2010 – 2022-ci illərdə həm də millət vəkili Cavanşir Feyziyevin köməkçisi vəzifəsində çalışıb.

İkinci iş yerləri

Müxtəlif illərdə “Azərbaycan gəncləri” və “Naxçıvan” qəzetlərinin, AZƏRTAC və SİA informasiya agentciklərinin Şəki-Zaqatala bölgəsi üzrə xüsusi müxbiri, Şəki Texniki Kollecində müəllim, “Bilik” Maarifçilik Cəmiyyətinin mühazirəçisi olub.

2010 – 2023-cü ilə kimi Azərbaycan Respublikası Milli Məclisinin deputatı Cavanşir Feyziyevin köməkçisi vəzifəsində çalışıb.

Digər

Uzun müddət “Şəki fəhləsi”/“Şəki” qəzetinin nəzdində fəaliyyət göstərən “Səbuhi” ədəbi məclisinə rəhbərlik edib.

Təltif və mükafatları

Ümumittifaq LKGİ-nın Ulyana Qromova adına mükafatı;
“Qızıl qələm” mükafatı;
“Azərbaycan Respublikasının əməkdar jurnalisti” fəxri adı (2015).
“Tərəqqi” medalı (2020).

İctimai-siyasi aktivliyi

YAP üzvüdür.

Ailəsi

Ailəlidir, altı övladı var.

Ədəbiyyat

Orsər R. Akif Salam // Şəkidən gələn səslər. — Bakı: Elm və təhsil, 2018. — I cild. — Səhifələrin sayı: 856. — Səh.: 531-534. — 500 nüsx. — ISBN 978-9952-8176-5-2.