Teymur Cabbarlı

Teymur Cabbarlı
Cabbarlı Teymur Cabbar oğlu
Teymur Cabbarlı
Teymur Cabbarlı.
Anadan olub	1901(1901-Şablondakı doğum və ya ölüm tarixində texniki yanlışlıq var!-00)
Anadan olduğu yer	Nuxa (indiki Şəki), Yelizavetpol quberniyası, Rusiya İmperiyası
Vəfat edib	26 noyabr 1970 (69 yaşında)
Dəfn yeri	Bakı
Həyat yoldaşı	Məhruzə
Uşaqları	Qorxmaz və Solmaz
Atası	Cabbar Abbas oğlu
Anası	Sitarə Ağamirzə qızı
Vətəndaşlıq	SSRİ
Təhsili	• Ali Pedaqoji İnstitut, fizika-riyaziyyat fakültəsi (1922–1925)  • Marksizim-leninizm axşam universiteti (1939–1940)
Mükafatları

Teymur Cabbarlı (1901–1970) — tanınmış pedaqoq, partiya işçisi və rəhbər kadr. Şəki şəhər İcra hakimiyyətinin sabiq başçısı Murad Cabbarlının babasıdır.

Haqqında məlumatlar

1901-ci ildə Nuxada (indiki Şəki) dabbaqçı ailəsində anadan olub.

Təhsili

1908 – 1914-cü illərdə Nuxadakı “Vətən” məktəbində,

1914 – 1919-cu illərdə ibtidai məktəbdə,

1919-cu ilin yayında müəllim hazırlayan üçaylıqlıq kursda,

1922 – 1925-ci illərdə Bakıda Ali Pedaqoji İnstitutun fizika-riyaziyyat fakültəsində,

1939 – 1940-cı illərdə Marksizim-leninizm axşam universitetində təhsil alıb.

Əmək fəaliyyəti

1919 – 1921-ci illərdə Nuxada ibtidai məktəbdə müəllim,

1921 – 1922-ci illərdə nümunə-zəhmət məktəbində müəllim,

1925 – 1926-cı illərdə Gəncə Pedaqoji Texnikumunda riyaziyyat müəllimi,

1926 – 1930-cu illərdə Gəncə Kənd Təsərrüfatı Texnikumunda riyaziyyat müəllimi,

1930 – 1932-ci illərdə Gəncə Sənaye Texnikumunda riyaziyyat müəllimi və tədris hissə müdiri,

1926 – 1930-cu illərdə Gəncə/Bakı Elektromexanika Texnikumunun direktoru,

1932-ci ilin sentyabrından – 1939-cu ilə qədər İxtisasartırma İnstitutunda metodist,

1939-cu ildən İxtisasartırma İnstitutunda riyaziyyat kafedrasının müdiri,

1942-ci ilin yanvar – mart aylarında Azərbaycan K(b)P Bakı şəhər Oktyabr rayon komitəsində təbliğat şöbəsinin müdiri,

1942-ci ilin mart ayından 1945-ci ilin fevral ayına qədər Azərbaycan K(b)P MK-də təşviqat sektorunun rəhbəri,

1945-ci ilin fevral ayından 1945-ci ilin sonunadək Azərbaycan K(b)P Bakı şəhər komitəsində təşkilat şöbəsinin rəhbəri,

1946-cı ildən Azərbaycan SSR Nazirlər Soveti yanında Mədəniyyət işləri üzrə komitənin sədr müavini vəzifəsində çalışıb.

Elmi fəaliyyəti

1936-cı ildən 1941-ci ilin mart ayına qədər Azərbaycan SSR Dövlət Elmi-Tədqiqat Məktəb İnstitutunda çalışıb; o cümlədən, əvvəlcə kiçik elmi işçi, sonra baş elmi işçi vəzifəsini icra edən şəxs,

1940-cı ildən 1941-ci ilin mart ayına qədər institutun direktoru,

1941-ci ilin mart ayından 1942-ci ilin yanvar ayına qədər riyaziyyat üzrə elmi kabinəsinin rəhbəri olub.

İctimai-siyasi aktivliyi

1939-cu ildə Bakı şəhər Oktyabr rayon Sovetinin,

1948-ci ildə Bakı şəhər Voroşilov rayon Sovetinin deputatı seçilib.

Təltif və mükafatları

• “Qafqazın müdafiəsinə görə” medalı (1944);
• “Əmək rəşadətinə görə” medalı (1945).
• “Şərəf Nişanı” ordeni (1946).

Ailəsi

Atası Cabbar Abbas oğlu dabbaqçı idi. 1926-cı ildən sonra yaşının çoxluğu səbəbindən heç yerdə işləməyib. 1944-cü ildə vəfat edib.

Anası Sitarə Ağamirzə qızı evdar qadın olub və 1938-ci ildə vəfat edib.

Ailədə 6 uşaq olublar (Hüseynbala (1898–1942), Teymur (1901–1970), Mustafa (1903–1963), Süleyman (1905–?), Qurban (1908–1973), Məmməd (?–?) ).

1928-ci ildə ailə qurub. Həyat yoldaşı Məhruzə Abdurəhman qızı Azərbaycan SSR Ali Sovetinin əfv komissiyasında katib işləyib.

Qorxmaz adlı oğulları və Solmaz adlı qızları olub.

Vəfatı

26 noyabr 1970-ci il tarixdə – 69 yaşında, Bakıda vəfat edib. Bakıda da dəfn olunub.

Ədəbiyyat

1. Cabbarlıların şəxsi işi : [rus.]. — Müraciət tarixi: 08.08.2023.