İbrahim Mustafayev (ipəkçilik və toxuculuq sənayesi üzrə mütəxəssis)

İbrahim Mustafayev
Mustafayev İbrahim Nurməmməd oğlu
İbrahim Mustafayev, 2007-ci il.
“Xalq Üçün Mallar” Dövlət Konsernin İdarə Heyətinin sədrinin müavini 1991 — 1994
Azərbaycan SSR Yerli Sənaye nazirinin müavini 1977 — 1984
Şəxsi məlumatlar
Doğum tarixi	10 may 1938 (1938-05-10)
Doğum yeri	Nuxa, Nuxa rayonu, Azərbaycan SSR, SSRİ
Təhsili	Nuxa Toxuculuq Texnikumu (1957–1959) Daşkənd Toxuculuq İnstitutu (1960–1965)
Təltifləri

İbrahim Mustafayev — ipəkçilik və toxuculuq sənayesi üzrə görkəmli mütəxəssis; müxtəlif vaxtlarda Azərbaycan SSR Yerli Sənaye nazirinin müavini, V.İ.Lenin adına Şəki İstehsal İpək Birliyinin baş direktoru, “Xalq Üçün Mallar” Dövlət Konsernin İdarə Heyəti sədrinin müavini və s. vəzifələrdə çalışmışdır.

Haqqında məlumatlar

10 may 1938-ci il tarixdə Nuxada (indiki Şəki) anadan olub.

Təhsili

1945 – 1957-ci illərdə əvvəl M.Qorki adına Nuxa şəhər 10 №-li orta məktəbində, sonra isə Nuxa şəhər 11 №-li orta məktəbində orta təhsil,

1957 – 1959-cu illərdə Nuxa Toxuculuq Texnikumunda texnik-texnoloq ixtisası üzrə, orta-ixtisas təhsili,

1960 – 1965-ci illərdə isə Daşkənd Toxuculuq İnstitutunda toxuculuq üzrə mühəndis-texnoloq ixtisası üzrə ali təhsil alıb.

Əmək fəaliyyəti

1959 – 1960-cı illərdə V.İ.Lenin adına Nuxa İpək kombinatında toxucu, baramaaçan, usta köməkçisi,

1965 – 1967-ci illərdə texnoloji istehsal sahəsində usta, baş mühəndisin müavini,

1967 – 1977-ci illərdə baş mühəndis,

1977 – 1984-cü illərdə Azərbaycan SSR Yerli Sənaye nazirinin müavini,

1984 – 1989-cu illərdə V.İ.Lenin adına Şəki İstehsal İpək Birliyinin baş direktoru,

1989 – 1994-cü illərdə Azərbaycan SSR Yüngül Sənaye Nazirliyində şöbə müdiri, “Xalq Üçün Mallar” Dövlət Konserninin İdarə Heyəti sədrinin müavini vəzifəsində çalışıb.

Təltif və mükafatları

• “Şərəf nişanı” ordeni.

Ədəbiyyat

1. Məmmədov Ə., Xalıqov F. Mustafayev İbrahim // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 296-297. — 600 nüsx. — ISBN 5-8066-1708-4.