Dünyamin Yunusov

Dünyamin Yunusov
Yunusov Dünyamin Nurqələm oğlu
Dünyamin Yunusov.
Doğum tarixi	10 yanvar 1951(1951-01-10)
Doğum yeri	Böyük Dəhnə, Nuxa (indiki Şəki) rayonu, Azərbaycan SSR, SSRİ
Vəfat tarixi	28 mart 2017 (66 yaşında)
Vəfat yeri	Bakı, Azərbaycan
İş yeri	Azərbaycan Dillər Universiteti (elmi işlər üzrə prorektor)
Elmi dərəcəsi	filologiya elmləri doktoru
Elmi adı	professor
Təhsili	Azərbaycan Pedaqoji Xarici Dillər İnstitutu (1968–1973)

Dünyamin Yunusov (1951–2017) — filologiya elmləri doktoru, professor, Azərbaycan Dillər Universitetinin elmi işlər üzrə prorektoru.

Haqqında məlumatlar

10 yanvar 1951-ci il tarixdə Nuxa (indiki Şəki) rayonunun Böyük Dəhnə kəndində anadan olub.

Təhsili

1957 – 1967-ci illərdə Böyük Dəhnə kənd orta məktəbində,

1968 – 1973-cü illərdə Azərbaycan Pedaqoji Xarici Dillər İnstitutunda təhsil alıb.

Hərbi xidmətdə

1973 – 1974-cü illərdə həqiqi hərbi xidmətdə olub.

Elmi fəaliyyəti

1985-ci ildə “Müasir ingilis dilində “that” bağlayıcılı və onsuz tamamlıq budaq cümləli tabeli mürəkkəb cümlələrin intonasiya variativliyi” mövzusunda namizədlik dissertasiyanı,

2007-ci ildə “Müxtəlifsistemli dillərdə mürəkkəb sintaktik vahidlərin variativliyi” mövzusunda doktorluq dissertasiyasını müdafiə edib.

Əmək fəaliyyəti

1973-cü ildən Azərbaycan Pedaqoji Xarici Dillər İnstitutunun ingilis dilinin qrammatikası kafedrasında işləməyə başlayıb. O cümlədən, əvvəl müəllim, sonra baş müəllim,

1988-ci ildən dosent,

2008-ci ildən professor vəzifəsini tutub.

25 noyabr 2015-ci il tarixdən 2016-cı ilin dekabrınadək Azərbaycan Dillər Universitetinin rektoru vəzifəsini icra edib.

Digər

Azərbaycan Dillər Universitetin “Dil və Ədəbiyyat” jurnalının baş redaktoru olub.

Vəfatı

28 mart 2017-ci il tarixdə – 66 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Yunusov Dünyamin // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 556-557. — 1.000 nüsx.
2. ADU-nun prorektoru Dünyamin Yunusov vəfat edib : [arx. 29 Mar 2017 - 13 Jun 2017] // [Trend ttps://az.trend.az/]. — 2017. — 29 mart. — Müraciət tarixi: 09.01.2022.