Ağa Tahirov

Ağa Tahirov
	Tahirov Ağa Mövsüm oğlu
	Ağa Tahirov.
Doğum tarixi	1923
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	1998 (74 yaşında)
Vəfat yeri	Şəki, Azərbaycan
Dəfn yeri	Çöl qəbiristanlığı, Şəki, Azərbaycan
Vətəndaşlığı	SSRİ → Azərbaycan
Təhsili	Azərbaycan Dövlət Rəssamlıq Məktəbi (1940–)
Mükafatları
Atası	Tahirov Mövsüm Mahmud oğlu
Anası	Tahirova (Şahmailova) Səyyad

Ağa Tahirov (1923–1998) — tanınmış rəssam, SSRİ Rəssamlar İttifaqının üzvü və Azərbaycan SSR əməkdar rəssamı.

Haqqında məlumatlar[redaktə | HTML redaktə]

1923-cü ildə Nuxada (indiki Şəki) anadan olub.

Təhsili[redaktə | HTML redaktə]

1930 – 1940-cı illərdə Nuxa şəhər 7 №-li orta məktəbində təhsil alıb. Atası Mövsüm Tahirov məşhur tarzən Əhmədbəy Tahirovun qardaşı, anası Səyyad Tahirova (Şahmailova) isə bir Samux bəyinin qızı idi.

1940-cı ildə Azərbaycan Dövlət Rəssamlıq Məktəbinə daxil olub.

Əmək fəaliyyəti[redaktə | HTML redaktə]

1941-ci ildə hələ Ə.Əzimzadə adına Bakı Rəssamlıq Məktəbində təhsil alarkən, eyni vaxtda hərbi zavodda da işləyib. Rəssamlıq Məktəbini bitirdikdən sonra isə ilk illər Sabir adına Nuxa Dövlət Dram Teatrının, sonralar isə V.İ.Lenin adına Nuxa İpək Kombinatının rəssamı olub və sonuncu vəzifəsində təqaüdə çıxanadək çalışıb.

Təltif və mükafatları[redaktə | HTML redaktə]

İşləri dəfələrlə ümumittifaq və beynəlxalq tətbiqi incəsənət və rəssamlıq sərgilərində mükafatlara layiq görülüb.

1975-ci ildə ipək parça üçün hazırladığı “Buta” kompozisiyası Almaniya Demokratik Respublikasının Leypsiq şəhərində keçirilən beynəlxalq ticarət sərgisinin qızıl medalına layiq görülüb.

“Azərbaycan SSR əməkdar rəssamı” fəxri adı (1978).

Digər[redaktə | HTML redaktə]

1974-cü ildən SSRİ Rəssamlar İttifaqının üzvü olub.

Vəfatı[redaktə | HTML redaktə]

1998-ci ildə – 74 yaşında, Şəkidə vəfat edib. Çöl qəbiristanlıqda dəfn olunub.

Ədəbiyyat[redaktə | HTML redaktə]

Məmmədov Ə., Xalıqov F. Tahirov Ağa // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 384. — 600 nüsx. — ISBN 5-8066-1708-4.