Qiymət Məhərrəmli

Qiymət Məhərrəmli
Məhərrəmli Qiymət Məmmədiyə qızı
Qiymət Məhərrəmli.
Doğum tarixi	2 dekabr 1963 (1963-12-02)
Doğum yeri	Vərəzət, Vartaşen rayonu, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	filologiya üzrə fəlsəfə doktoru
İş yeri	AMEA Folklor İnstitutu, Güney Azərbaycan folkloru şöbəsi (aparıcı elmi işçi)
Təhsili	• Bakı Məktəbəqədər Pedaqoji Texnikumu (1993–1995)  • Nəsrəddin Tusi adına Azərbaycan Dövlət Pedaqoji Universitetini, filologiya fakültəsi, bakalavriatura (1995–2000)  • Nəsrəddin Tusi adına Azərbaycan Dövlət Pedaqoji Universitetini, filologiya fakültəsi, magistratura (2000–2002)
facebook səhifəsi

Qiymət Məhərrəmli — filologiya üzrə fəlsəfə doktoru, AMEA Folklor İnstitutunun Güney Azərbaycan folkloru şöbəsinin aparıcı elmi işçisi, şair və publisist.

Haqqında məlumatlar

2 dekabr 1963-cü il tarixdə Vartaşen rayonunun Vərəzət kəndində anadan olub.

Təhsili

1995-ci ildə Bakı Məktəbəqədər Pedaqoji Texnikumunu bitirib.

1995 – 2000-ci illərdə Nəsrəddin Tusi adına Azərbaycan Dövlət Pedaqoji Universitetinin filologiya fakültəsinin bakalavriatında,

2000 – 2002-ci illərdə isə magistraturasında təhsil alıb.

Əmək fəaliyyəti

1998 – 2001-ci illərdə “Maarifçi” qəzetində əvvəl şöbə müdiri, sonra isə baş redaktor vəzifəsində çalışıb.

2001 – 2014-cü illərdə AMEA M.Füzuli adına Əlyazmalar İnstitutunda işləyib; o cümlədən, əvvəl böyük laborant, sonra kiçik elmi işçi, elmi işçi, böyük elmi işçi vəzifəsini tutub.

2014-cü ildən AMEA Folklor İnstitutunun Güney Azərbaycan folkloru şöbəsinin aparıcı elmi işçisidir.

Elmi fəaliyyəti

2007-ci ildə «Şahin Fazil “Divan”ı və klassik ədəbi ənənələr» mövzusunda namizədlik dissertasiyasını müdafiə edib.

Ədəbi yaradıcılığı

1998-ci ildən Azərbaycan Yazıçılar Birliyinin və Azərbaycan Jurnalistlər Birliyinin üzvüdür.

Azərbaycan dilində 7 şeir kitabı (altısı Bakıda, biri Sankt-Peterburqda), rus dilində (Gürcüstanda) və İranda ərəb əlifbası ilə şeir kitabları çap olunub.

Digər

2008-ci ildən “Elimiz.Günümüz” adlı elmi-ədəbi, mədəni-kütləvi müstəqil qəzetin təsisçisi və baş redaktoru,

2015-ci ildə nəşrə başlayan “Yurd yaddaşı” adlı türkoloji jurnalın redaktorudur.

Ailəsi

Ailəlidir, 3 oğlu var.

Ədəbiyyat

1. Məmmədov Ə., Xalıqov F. Məhərrəmli Qiymət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 365-366. — 1.000 nüsx.
2. "Məhərrəmli Qiymət Məmmədiyə qızı, filologiya üzrə fəlsəfə doktoru". http://www.folklor.az/ (azərb.). Azərbaycan Milli Elmlər Akademiyası Folklor İnstitutu. 9 Jul 2018 – 7 Feb 2020 tarixində arxivləşdirilib.
3. "Folklor İnstitutunun fəlsəfə doktorları/Məhərrəmli Qiymət Məmmədiyə qızı". http://www.science.gov.az (azərb.). Azərbaycan Milli Elmlər Akademiyası. 14 Apr 2018 – 26 Oct 2020 tarixində arxivləşdirilib.
4. Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı; “Nurlar”, Bakı - 2011.
5. Orsər R. Qiymət Məhərrəmli // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 679. — 500 nüsx. — ISBN 978-9952-8176-5-2.