Şəkinin Orta əsrlər tarixi (Tağı Musəvinin tədqiqatları üzrə)

Şəkinin Orta əsrlər tarixi (Tağı Musəvinin tədqiqatları üzrə)
“Şəkinin Orta əsrlər tarixi (Tağı Musəvinin tədqiqatları üzrə)” kitabı, üz qabığının görünüşü.
Müəlliflər	Həsənov R., Məmmədov A.
Orijinalın dili	azərbaycanca
Ölkə	Azərbaycan
Şəhər	Bakı
İl	2023
Rəssam	Asim Abbasov
Nəşriyyat	Elm və təhsil
Nəşr	AMEA Şəki Regional Elmi Mərkəzi
Səhifə	150
Tiraj	500
ISBN 978-9952-568-30-1
elektron versiyası

Şəkinin Orta əsrlər tarixi (Tağı Musəvinin tədqiqatları üzrə) — AMEA Şəki Regional Elmi Mərkəzi Tarixi irs və etnoqrafiya şöbəsinin müdiri Rahim Həsənovun və M.F.Axundzadə adına Şəki Mədəniyyət Mərkəzinin əməkdaşı Aydın Məmmədovun birlikdə tərtib etdikləri kitab. 2023-cü ilin iyun ayının 22-də Bakıda “Elm və təhsil” nəşriyyat-poliqrafiya müəssisəsində çap olunub. Kitabın nəşrinə AMEA Şəki Regional Elmi Mərkəzi Elmi Şurasının 21 aprel 2023-cü il tarixli 3 №-li protokoluna əsasən icazə verilmişdir. Kitabın elmi redaktoru tarix elmləri doktoru, professor Mehman Süleymanovdur. Kitab 150 səhifədən ibarətdir və Ümummilli lider Heydər Əliyevin 100 illik yubileyinə ithaf edilir. Kitaba millət vəkili Vüqar İsgəndərov ön söz yazıb.

Kitabda tədqiqatçı alim Tağı Musəvinin 1969-cu ildə “Şəki fəhləsi” qəzetində hissə-hissə çap olunmuş “Şəkinin orta əsrlər tarixi haqqında” adlı geniş məqaləsinin elmi-tənqidi mətni, XVI – XVIII əsrlər Şəkisinə aid tərcümə etdiyi rəsmi sənədlər öz izahları ilə birlikdə geniş oxucu kütləsinə təqdim olunur. Tağı Musəvinin bu araşdırmalarında əsasən XVI əsrin başlanğıcı ilə XVIII əsrin 40-cı illəri arasındakı dövrdə Şəki ilə Səfəvilər dövləti arasındakı münasibətlər, Şəkinin Səfəvilər dövlətində mövqeyi, bölgədə baş verən ictimai-siyasi prosseslər və s. məsələlər yer almışdır.

Ədəbiyyat

1. Şəkinin Orta əsrlər tarixinə dair kitab çapdan çıxıb : [arx. 28.06.2023] // Mədəniyyət qəzeti. — 2023. — 27 iyun. — Müraciət tarixi: 28.06.2023.

Həmçinin, bax:

Digər

• Şablon:ŞOƏT (TMTÜ)