Abid Şərifov

Abid Şərifov
Şərifov Abid Qoca oğlu
Abid Şərifov.

Abid Şərifov — tanınmış dövlət xadimi, Azərbaycan Respublikası baş nazirinin sabiq müavini.

Haqqında məlumatlar

6 yanvar 1940-cı il tarixdə Nuxada (indiki Şəki) anadan olub.

Təhsili

1957-ci ildə Nuxa şəhər M.Qorki adına 10 №-li orta məktəbini,

1962-ci ildə isə Çingiz İldırım adına Azərbaycan Politexnik İnstitutunun mülki tikinti fakültəsini bitirib.

Əmək fəaliyyəti

1962-ci ildə Bakı Baş Tikinti İdarəsində iş icraçısı, böyük iş icraçısı, texniki istehsalat şöbəsinin rəisi, baş mühəndis əvəzi,

1972-ci ildən isə 23 saylı tikinti idarəsinin rəisi vəzifəsində işləyib.

Daha sonralar Azərbaycan SSR Nazirlər Sovetinin əsaslı tikinti şöbəsində böyük referent, “Azərnəqliyyattikinti” trestinin rəisi,

1988-ci ildən "Azərnəqliyyatyoltikinti" Layihə-Sənaye Tikinti Birliyinin rəisi,

1991 – 1993-cü illərdə Türkiyədə Çerkesköy – Kapıkulu şəhərləri arasında dəmir yolunu elektrikləşdirən tikinti idarəsi rəisinin müavini,

1993-cü ildən “Azərnəqliyyatyoltikinti” Dövlət Şirkətinin prezidenti,

1995 – 2018-ci illərdə isə Azərbaycan Respublikası baş nazirinin müavini olub.

Ailəsi

Evlidir, 2 övladı var.

Təltif və mükafatları

• “Şərəf Nişanı” ordeni (1976);
• “Oktyabr İnqilabı” ordeni (1980);
• “Şərəf” ordeni (2010);
• “Şöhrət” ordeni (2015);
• Geniş lentli “Gündoğar” ordeni (Yaponiya) – 2016.

Ədəbiyyat

1. Məmmədov Ə., Xalıqov F. // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 525-526. — 1.000 nüsx.
2. Mete Ə. Daim axtarışda... Tikmişəm ki, izim qala // O torpağın övladları. — Bakı: Nurlan, 2006. — Səhifələrin sayı:  608. — Səh.: 249-251. — 500 nüsx.
3. Bəşirov R., Hacıyev N. Şərifov Abid Qoca oğlu // Unudulmaz illər. — Bakı: “Qismət” mətbəəsi, 2007. — Səhifələrin sayı:  200. — Səh.: 170-176.
4. Abid Şərifov // Məzunlar / Akif Əli (tərtibçi). — Bakı: Elm və təhsil, 2012. — Səhifələrin sayı:  356. — Səh.: 69-71. — ISBN 978-9952-8176-4-5.
5. Şərifov Abid Qoca oğlu // Məzunlar / Akif Əli (tərtibçi). — Bakı: Elm və təhsil, 2012. — Səhifələrin sayı:  356. — Səh.: 235-242. — ISBN 978-9952-8176-4-5.