Aydın Əhmədov

Aydın Əhmədov
	Əhmədov Aydın Qaffar oğlu
	Aydın Əhmədov
	Aydın Əhmədov
Doğum tarixi	20 iyun 1934
Doğum yeri	Nuxa, Nuxa rayovu, Azərbaycan SSR, ZSFSR, SSRİ
Vəfat tarixi	1 dekabr 2009 (75 yaşında)
Vətəndaşlıq	SSRİ→ Azərbaycan
Elm sahəsi	geofizika
İş yeri	Azərbaycan Geofizika Elmi-Tədqiqat İnstitutu
Elmi dərəcəsi	geologiya-mineralogiya elmləri doktoru

Aydın Əhmədov (Əhmədov Aydın Qaffar oğlu; d. 20 iyun 1934-cü ildə, Nuxa, Nuxa rayonu, Azərbaycan SSR, ZSFSR, SSRİ − ö. 1 dekabr 2009-cu il, Bakı, Azərbaycan Respublikası) — geologiya-mineralogiya elmləri doktoru, Azərbaycan Geofizika Elmi-Tədqiqat İnstitutunun sabiq laboratoriya müdiri, Amerika geoloq-neftçi cəmiyyətinin üzvü, “Şəkidən başlandı uzaq səfərlər” elmi-populyar kitabının müəllifi.

Haqqında məlumatlar

1934-cü ildə Nuxada anadan olub.

Təhsili

1958-ci ildə S.M.Kirov adına Azərbaycan Dövlət Universitetini bitirib.

1962 – 1965-ci illәrdә Moskvada Ümumittifaq Geofizika ETİ-nin aspiranturasında təhsil alıb.

Əmək fəaliyyəti

1958 – 1962-ci illərdə Türkmənistanda, Özbəkistanda və Rusiyada (Sibirdə) geoloji-geofiziki kəşfiyyat ekspedisiyalarında çalışıb.

1965 – 1971 illәrdә Azәrbaycan SSR EA Geologiya İnstitutunun baş mühәndisi, elmi işçisi,

1971 – 2007-ci illәrdә Geofizika ETİ-nin baş elmi işçisi, laboratoriya müdiri, aparıcı elmi işçisi vәzifәlәrindә çalışıb.

Elmi fəaliyyəti

1968-ci ildə namizədlik,

1991-ci ildə isə doktorluq dissertasiyası müdafiə edib.

100-dәn çox elmi әsәrin, o cümlәdәn 1 monoqrafiyanın, 9 ixtiranın müәllifidir.

Əsas elmi nailiyyətləri

Elmi fəaliyyəti əsasən neft kəşfiyyatı problemlərinə həsr olunub. O, neft və qaz kəşfiyyatı üçün tomoqrafiya prinsipi əsasında yeni üsul - “Sınan dalğalarla dinamik eninə profilləmə metodu”nu kəşf etmişdir. Bu üsulla Qərbi Özbəkistanda 21 qaz və “Şəki” adlandırılmış neft yatağı tapılmışdır.

Əsas elmi əsərlərinin adları

1.Geofiziki məlumatlar və onların interpretasiyası, Bakı, "Qanun", 2001. [1]

İstifadə edilmiş mənbələr

ƏHMƏDOV Aydın Qafar oğlu // Azərbaycan Milli Ensiklopediyası : ensiklopediya : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2016. —VII c. — Səh. ?. — ISBN 978-9952-441-12-3.
Məmmədov Ə., Xalıqov F. Əhmədov Aydın // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 194 – 196. — 1.000 nüsx.