Aydın Kaşiyev

Aydın Kaşiyev (1933–2000) — 1967 – 1970-ci illərdə Azərbaycan KP Nuxa/Şəki şəhər komitəsinin birinci katibi olmuş, həmçinin, 1967-ci ildə Azərbaycan SSR Ali Sovetinin deputatı seçilmiş şəxs.

Aydın Kaşiyev
Kaşiyev Aydın Rizvan oğlu
Aydın Kaşiyev, 1997-ci il.
Doğum tarixi	20 aprel 1933(1933-04-20)
Doğum yeri	Bakı, Azərbaycan SSR, ZSFSR, SSRİ
Vəfat tarixi	22 avqust 2000 (67 yaşında)
Vəfat yeri	Şəki, Azərbaycan SSR, SSRİ
Dəfn yeri	Şəki, Sona qəbiristanlığı
Uşağı	Ləman Kaşiyeva
Atası	Rizvan Kaşiyev
Anası	Rübabə Hüseynova
Təhsili	• Azərbaycan Politexnik İnstitutu (–1956)  • Sov.İKP yanında Ali Partiya Məktəbi (–1964)
Mükafatları

Haqqında məlumatlar

20 aprel 1933-cü il tarixdə Bakıda anadan olub.

Təhsili

1956-cı ildə Azərbaycan Politexnik İnstitutunu,

1964-cü ildə isə Sov.İKP yanında Ali Partiya Məktəbini bitirib.

Əmək fəaliyyəti

Aydın Kaşyev 1967-ci ildə (“İpəkçi” qəzetində dərc olunmuş foto).

1956 – 1959-cu illərdə Azərbaycan dəmir yolunda stansiya növbətçisi, dispetçer, stansiya rəisinin baş köməkçisi, mühəndis vəzifələrində işləyib.

1960-ci ildə Azərbaycan KP MK-ya, təlimatçı vəzifəsinə irəli çəkilib.

1964 – 1967-ci illərdə Azərbaycan KP MK-nın partiya orqanları şöbəsində əvvəl məsul təşkilatçı, sonra isə inspektor vəzifəsində çalışıb.

17 fevral 1967-ci il tarixdən 1970-ci ilin oktyabrına qədər Nuxa/Şəki şəhər komitəsinin birinci katibi olub.

İctimai aktivliyi

Azərbaycan dəmir yolunda işləyərkən (1956 – 1959) bir neçə dəfə ilk komsomol və partiya təşkilatlarına katib seçilib.

1967-ci ildə Nuxa rayonundan Azərbaycan SSR Ali Sovetinin deputatı seçilib. Ali Sovetdə sənaye, nəqliyyat və rabitə komissiyasının üzvü olub.

Vəfatı

22 avqust 2000-ci il tarixdə – 67 yaşında, Bakıda vəfat edib. Şəkidə dəfn olunub.

Ailəsi

Atası Rizvan Kaşiyev Nuxada və Bakıda uzun müddət müəllim işləmişdir.

Anası Rübabə Hüseynova həkim olub.

Qızı Ləman Kaşiyeva Azərbaycan Dövlət İqtisad Universitetinin dosentidir.

Həmçinin, bax:

• Azərbaycan KP Şəki şəhər komitəsinin birinci katibləri.

Ədəbiyyat

1. Birinci katib (azərb.) // İpəkçi : qəzet. — Nuxa, 1967. — В. 11 mart. — № 8 (874). — Səh. 1.
2. Məmmədov Ə., Xalıqov F. Kaşiyev Aydın // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 212-213. — 600 nüsx. — ISBN 5-8066-1708-4.