Azad Əhmədov

Azad Əhmədov
Əhmədov Azad Allahyar oğlu
Azad Əhmədov.

Azad Əhmədov (1939–1990) — rabitəçi-mühəndis, Bakı şəhər Mərkəzi Telefon Qovşağının baş mühəndisi. Daha əvvəllər Bakı şəhər Oktyabr (indiki Yasamal) rayon telefon qovşağının rəisi və s. bu kimi bir sıra məsul vəzifələrdə də çalışmışdır.

Haqqında məlumatlar

18 sentyabr 1939-cu il tarixdə Nuxada (indiki Şəki) anadan olub.

Təhsili

1947 – 1957-ci illərdə M.Qorki adına Nuxa 10 №-li orta məktəbində,

1957 – 1960-cı illərdə Bakı Elektrotexniki Rabitə Texnikumunda təhsil alıb.

1964-cü ildə Ç.İldırım adına Azərbaycan Politexnik İnstitutunun axşam şöbəsinə daxil olub.

Hərbi xidmətdə

1960 – 1963-cü illərdə həqiqi hərbi xidmətdə olub.

Əmək fəaliyyəti

1963-cü ildən Nuxa şəhər ATS-ində elektromexanik,

1964 – 1968-ci illərdə Bakı şəhərindəki 65 indeksli ATS-də böyük elektromexanik,

1968 – 1969-cu illərdə Bakı şəhərindəki 93 indeksli ATS-də böyük mühəndis,

1969 – 1977-ci illərdə Mərkəzi Telefon Qovşağında baş mühəndis, daha sonra müxtəlif illərdə Bakı şəhər Oktyabr (indiki Yasamal) rayon telefon qovşağının rəisi, Tikilən Müəssisələrin Direktorluğunun rəisi, Bakı şəhər Telefon Şəbəkəsinin mərkəzi abonent şöbəsinin rəisi, Mərkəzi Telefon Qovşağının baş mühəndisi vəzifəsində çalışıb.

Vəfatı

15 oktyabr 1990-cı il tarixdə – 51 yaşında, Bakıda faciəli şəkildə vəfat edib.

Ailəsi

Ailəli idi. 2 övlad atası olub.

Ədəbiyyat

1. Bəşirov R., Hacıyev N. Əhmədov Azad Allahyar oğlu // Unudulmaz illər. — Bakı: “Qismət” mətbəəsi, 2007. — Səhifələrin sayı:  200. — Səh.: 168.
2. Əhmədov Azad Allahyar oğlu // Məzunlar / Akif Əli (tərtibçi). — Bakı: Elm və təhsil, 2012. — Səhifələrin sayı:  356. — Səh.: 102. — ISBN 978-9952-8176-4-5.