Minəvvər Vahabova

Minəvvər Vahabova
	Vahabova (Kaşıyeva) Minəvvər Nadir qızı
	Minəvvər Vahabova.
Doğum tarixi	18 noyabr 1965
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	Azərbaycan ; ABŞ
Təhsili	• Şəki Pedaqoji Texnikumu (1982–1986) • M.F.Axundov adına Azərbaycan Pedaqoji Rus dili və Ədəbiyyatı İnstitutunda (1987–1992) • Kinqsboro ictimai kolleci (Nyu-York, ABŞ) bakalavriat (ing.: Kingsborough community college continuing education • Turo kolleci (Nyu-York, ABŞ) magistratura ing.: Touro College
Mükafatları
facebook səhifəsi

Minəvvər Vahabova — ABŞ azərbaycanlı icmasının tanınmış üzvü, diaspor fəalı, pedaqoq və jurnalist. 2007-ci ildən Nyu-York ştatında, 2018-ci ildən isə Nyu-Cersi ştatında yaşayır.

Haqqında məlumatlar[redaktə | HTML redaktə]

18 noyabr 1965-ci il tarixdə Nuxada (indiki Şəki) anadan olub.

Təhsili[redaktə | HTML redaktə]

1982-ci ildə Şəki şəhər 5 №-li orta məktəbinin səkkizinci sinfini bitirib.

1982 – 1986-cı illərdə Şəki Pedaqoji Texnikumunda,

1987 – 1992-ci illərdə M.F.Axundov adına Azərbaycan Pedaqoji Rus dili və Ədəbiyyatı İnstitutunda (indiki Bakı Slavyan Universiteti),

2007-ci ildən sonra əvvəl Kinqsboro ictimai kollecində (Nyu-York, ABŞ) bakalavr pilləsi üzrə, sonra isə Turo kollecində (Nyu-York, ABŞ) magistr pilləsi üzrə təhsil alıb.

Diaspor fəaliyyəti[redaktə | HTML redaktə]

2008 – 2015-cı illərdə ABŞ Azərbaycan İcmasında həftəsonu məktəbində uşaqlara könüllü olaraq azərbaycan dili dərsi deyib.

2013-cü ildə Azərbaycan–Amerika Qadın Cəmiyyətini yaradıb.

2013 – 2019-cu illərdə Nyu-Yorkda fəaliyyət göstərmiş “Nyu-York Azərbaycan Evi”nin təsisçisi və sahibi olub.

Jurnalistlik fəaliyyəti[redaktə | HTML redaktə]

2011 – 2013-cı illərdə “Radio Türküm” internet radiosunda həftədə iki dəfə Azərbaycan saatının aparıcısı olub. Həmçinin, müxtəlif vaxtlarda Palitra.az saytında “Uzaqdakı yaxınlar” rubrikası altında yazıları dərc olunub.

Təltif və mükafatları[redaktə | HTML redaktə]

“Şəms” Milli Mükafatı (2019);
“Diaspor fəaliyyətində xidmətə görə” medalı (2019).

Ailəsi[redaktə | HTML redaktə]

Ailəlidir, bir oğlu və bir qızı var.

Qardaşı Nəsib Kaşıyev Birinci Qarabağ müharibəsində – Şuşada şəhid olub.

Ədəbiyyat[redaktə | HTML redaktə]

Azərbaycanlı qadın Amerika filmində - FOTO : [arx. 10 Nov 2020 - 18 Jan 2021] // Baku.ws. — Müraciət tarixi: 18.01.2022.

Videolar[redaktə | HTML redaktə]