Rasim İsayev

Rasim İsayev
	İsayev Rasim Qurban ölu
	Rasim İsayev.
Doğum tarixi	19 avqust 1979 (44 yaş)
Doğum yeri	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Milliyyəti	azərbaycanlı
Təhsili	Mingəçevir Dövlət Texniki Universiteti, energetika və mexanika fakultəsi (1997–1999)

Rasim İsayev — şahmat üzrə idman ustalığına namizəd, Şəki Şahmat məktəbinin məşqçi-müəllimi, Şəki şəhər İcra Hakimiyyəti başçısının 1 №li Sahə İnzibati Ərazi Dairəsinin İpəkçilər və Dulusçular məhəlləsi üzrə nümayəndəsi.

Haqqında əlavə məlumatlar

19 avqust 1979-cü il tarixdə Şəkidə anadan olub.

Hərbi xidmətdə

1997 – 1999-cu illərdə Azərbaycan Respublikası Müdafiə Nazirliyi Hava hücumundan müdafiə qoşunlarının N saylı hissəsində hərbi xidmət keçib.

Təhsili

1996-cı ildə Şəki Fizika-Riyaziyyat və Humanitar profilli litseyi bitirib.

2002 – 2006-cı ilərdə Mingəçevir Dövlət Texniki Universitetinin energetika və mexanika fakultəsində təhsil alıb.

Əmək fəaliyyəti

1999 – 2002-ci illərdə Şəki Şahmat Məktəbində məşqçi-müəllim vəzifəsində çalışıb.

Ali məktəbdə oxuduğu müddətdə günorta növbəsində Mingəçevir Şahmat məktəbində məşqçi – müəllim vəzifəsində və axşam növbəsində isə Mingəçevir Azyolmaş Neft avadanlıqlarının təmiri zavodunda elekrik qaynaqçısı vəzifəsində çalışıb.

Ali məktəbi bitirdikdən sonra isə “Şəki Elektrik Stansiyasi” MMC-də elektrik çilingəri vəzifəsində çalışıb; o cümlədən,

2020-ci il üçün həmin müəssisədə elektrik sexinin növbə rəisi idi.

İctimai-siyasi aktivliyi

2019-cu il bələdiyyə seçkilərində Şəki şəhər bələdiyyəsi üzvlüyünə namizəd olub, lakin seçilməyib.

Ailəsi

Ailəlidir, iki övladı var.

Ədəbiyyat

“Şəki Bələdiyyəsi” qəzetinin saytı, Şəki bələdiyyəsi üzvlüyünə namizədlər, 2-ci səhifədə.
"ŞƏKİ BƏLƏDİYYƏSİ ÜZRƏ NAMİZƏDLƏR ( 55 namizəd )". https://www.infocenter.gov.az (azərb.). İnformasiya Mərkəzi. 21 Jun 2021 tarixində arxivləşdirilib.