Əsgər Əyyubov

Əsgər Əyyubov
Əyyubov Əsgər Cabbar oğlu
Əsgər Əyyubov.
Doğum tarixi	3 avqust 1926(1926-08-03)
Doğum yeri	Nuxa (indiki Şəki), Şəki qəzası, Azərbaycan SSR, SSRİ
Vəfat tarixi	27 mart 2000 (73 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Təhsili	• Nuxa Pedaqoji Texnikumu (–1944)  • S.M.Kirov adına Azərbaycan Dövlət Universiteti (1946–1951)  • SSRİ Elmlər Akademiyası Coğrafiya İnstitutu, aspirantura (1951–1954)
Mükafatları

Əsgər Əyyubov (1926–2000) — coğrafiya elmləri doktoru, professor, Azərbaycan SSR Dövlət mükafatı laureatları, AMEA Coğrafiya İnstitutunun iqlimşünaslıq şöbəsinin müdiri.

Haqqında məlumatlar

3 avqust 1926-cı il tarixdə Nuxada (indiki Şəki) anadan olub.

Təhsili

5 №-li Nuxa şəhər orta məktəbində oxuyub.

1944-cü ildə Nuxa Pedaqoji Texnikumunu bitirib.

1946 – 1951-ci illərdə S.M.Kirov adına Azərbaycan Dövlət Universitetində (fiziki-coğrafiya ixtisası üzrə),

1951 – 1954-cü illərdə SSRİ Elmlər Akademiyasının Coğrafiya İnstitutunun aspiranturasında təhsil alıb.

Elmi fəaliyyəti

1954-ci ildə «Azərbaycanın kurort və istirahət yerlərinin müqayisəli iqlim səciyyəsi» mövzusunda namizədlik namizədlik dissertasiyasını,

1971-ci ildə isə «Azərbaycan SSR-in iqlim ehtiyatları və onların kənd təsərrüfatında istifadəsi» mövzusunda doktorluq dissertasiyasını müdafiə edib.

1978-ci ildə professor elmi adını alıb.

Bir elmlər doktorunun, iki elmlər namizədinin elmi rəhbəri olub.

200-dən artıq elmi əsəri və 7 monoqrafiyası çap edilib.

Əmək fəaliyyəti

1955 – 2000-ci illərdə Azərbaycan SSR EA/AMEA Coğrafiya İnstitutunda işləyib; o cümlədən,

1955 – 1973-cü illərdə əvvəl kiçik elmi işçi, sonra isə baş elmi işçi,

1973 – 2000-ci illərdə isə müxtəlif vaxtlarda təbiəti mühafizə, meteorologiya və kənd təsərrüfatı iqlimşünaslığı, iqlimşünaslıq şöbələrinin müdiri olub.

Təltif və mükafatları

• Azərbaycan SSR Dövlət mükafatı – “Azərbaycanın iqlimi” monoqrafiyasına görə (1972);
• SSRİ Coğrafiya Cəmiyyətinin F.P.Litke adına qızıl medalı – “Azərbaycan iqliminin bonitirovkası” monoqrafiyasına görə (1976);
• SSRİ XTNS-nin “Bürünc” medalı – “Azərbaycan SSR-in aqroiqlim rayonlaşdırılması” xəritəsinə görə (1976);
• Azərbaycan “Təhsil” Cəmiyyətinin birinci mükafatı – Azərbaycan Respublikasının aqroiqlim atlasına görə (1994).

Vəfatı

27 mart 2000-ci il tarixdə – 73 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Əyyubov Əsgər // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 117-120. — 1.000 nüsx.
2. Şükürov R., Orsər R. Əyyubov əsgər Cabir oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 176. — (Ş 4702060200). — 1.000 nüsx. — ISBN 978995244710.
3. Haqverdiyev H.T., Həsənov M .S., Məmmədova E.T. Əyyubov Əsgər Cabbar oğlu (1926 – 2000) // Azərbaycanın coğrafiyaçı alimləri. — Azərbaycan МЕA akademik H.Ə.Əliyev adına Coğrafiya İnstitutu. — Bakı: Elm, 2013. — Səhifələrin sayı:  204. — Səh.: 48 – 49. — 300 nüsx. — ISBN 978-9952-453-15-7. Arxivləşdirilib; arxivləşdirmə tarixi: 28 Mar 2018 - 30 Jan 2020.
4. Mete Ə. Təbiət “həkimi” – Əyyubov qardaşları // O torpağın övladları. — Bakı: Nurlan, 2006. — Səhifələrin sayı:  608. — Səh.: 272-274. — 500 nüsx.
5. Əsgər Əyyubov // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII  c. — Səh. 522ƏYYUBOV Əsgәr Cabbar oğlu. — ISBN 978-9952-441-13-0.