Gülyanaq Məmmədova

Gülyanaq Məmmədova
	Məmmədova Gülyanaq Zakir qızı
	Gülyanaq Məmmədova, 2015-ci il.

..

Gülyanaq Məmmədova — tanınmış müğənni, Azərbaycan Respublikasının və Özbəkistan Respublikasının xalq artisti, Rəşid Behbudov adına Azərbaycan Dövlət Mahnı Teatrının vokalisti. Azərbaycan Respublikasının xalq artisti Gülyaz Məmmədovanın kiçik bacısıdır.

Haqqında məlumatlar

10 iyun 1973-cü il tarixdə Şəki rayonunun Böyük Dəhnə kəndində anadan olub.

Təhsili

1980 – 1990-cı illərdə Böyük Dəhnə kənd 1 №-li orta məktəbində,

1992 – 1996-cı illərdə A.Zeynallı adına Bakı Musiqi Məktəbinin muğam şöbəsində,

1996 – 2002-ci illərdə Azərbaycan Dövlət Mədəniyyət və İncəsənət Universitetinin dram-kino aktyorluğu fakültəsinin musiqili teatr aktyorluğu şöbəsində (bakavriat və magistratura) təhsil alıb.

Əmək fəaliyyəti

1990 – 1992-ci illərdə M.F.Axundzadə adına Şəki Şəhər Mədəniyyət Evində işləyib.

1993-cü ildən Rəşid Behbudov adına Azərbaycan Dövlət Mahnı Teatrının vokalistidir.

Təltif və mükafatları

“Azərbaycan Respublikasının əməkdar artisti” fəxri adı (1998);
Azərbaycan Respublikası Prezidentinin mükafatı (2002, 2012);
“Azərbaycan Respublikasının xalq artisti” fəxri adı (2014);
“Özbəkistan Respublikasının xalq artisti” fəxri adı (2022).

Filmoqrafiya

Bəylik dərsi (film, 2007) – vokal ifaçısı.

Ədəbiyyat

Mete Ə. Rəşid Behbudov adına Azərbaycan Dövlət Mahnı Teatrının solistləri // O torpağın övladları. — Bakı: Nurlan, 2006. — Səhifələrin sayı: 608. — Səh.: 524-526. — 500 nüsx.
Məmmədov Ə., Xalıqov F. . . // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 267. — 600 nüsx. — ISBN 5-8066-1708-4.

.