Gülyaz Məmmədova

Gülyaz Məmmədova
Məmmədova Gülyaz Zakir qızı
Gülyaz Məmmədova.

Gülyaz Məmmədova — tanınmış müğənni, Azərbaycan Respublikasının xalq artisti. Azərbaycan Respublikasının xalq artisti Gülyanaq Məmmədovanın böyük bacısıdır.

Haqqında məlumatlar

1 may 1970-ci il tarixdə Şəki rayonunun Böyük Dəhnə kəndində anadan olub.

Təhsili

1977 – 1987-cı illərdə Böyük Dəhnə kənd 1 №-li orta məktəbində,

1988 – 1992-cı illərdə A.Zeynallı adına Musiqi Texnikumunda,

2002 – 2008-ci illərdə M.Əliyev adına Azərbaycan Dövlət Mədəniyyət və İncəsənət Universitetinin musiqi sənəti fakültəsində (solo oxu (xanəndəlik) ixtisası üzrə) təhsil alıb.

Əmək fəaliyyəti

1991 – 2014-cü illərdə R.Behbudov adına Azərbaycan Dövlət Mahnı Teatrının solisti olub.

1992-ci ildən Azərbaycan Milli Opera və Balet Teatrının  solistidir.

İkinci iş yerləri

1997-ci ildən Azərbaycan Milli Konservatoriyası nəzdində fəaliyyət göstərən Musiqi Kollecində dərs deyir.

Təltif və mükafatları

• “Azərbaycan Respublikasının əməkdar artisti” fəxri adı (1998);
• Azərbaycan Respublikası Prezidentinin mükafatı (2002, 2012);
• “Azərbaycan Respublikasının xalq artisti” fəxri adı (2014).

Filmoqrafiya

1. Bəylik dərsi (film, 2007) – vokal ifaçısı.

Ədəbiyyat

1. Mete Ə. Rəşid Behbudov adına Azərbaycan Dövlət Mahnı Teatrının solistləri // O torpağın övladları. — Bakı: Nurlan, 2006. — Səhifələrin sayı:  608. — Səh.: 524-526. — 500 nüsx.
2. Məmmədov Ə., Xalıqov F. // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 266. — 600 nüsx. — ISBN 5-8066-1708-4.