Diqqət! 4 aprel 2024-cü il tarixdən saytın yeni versiyası sheki.org domenində fəaliyyət göstərir. Bu köhnə versiyadır və yenilənməsi məhdudlaşdırılıb...
Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur!

Qurtuluş Süleymanlı

Şəki Ensiklopediyası səhifəsi
Jump to navigation Jump to search
Qurtuluş Süleymanlı
Cabbarov Qurtuluş Məmmədiyyə oğlu
Qurtuluş Süleymanlı
Qurtuluş Süleymanlı.
Doğum tarixi 29 oktyabr 1942(1942-10-29)
Doğum yeri Nuxa (indiki Şəki) Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Vəfatı 14 dekabr 2020 (78 yaşında)
Vəfat yeri Şəki, Flag of Azerbaijan.svg Azərbaycan
Dəfn yeri Məhəmməd əfəndi qəbiristanlığı, Şəki, Flag of Azerbaijan.svg Azərbaycan
Atası Məmmədiyyə Cabbarov
Vətəndaşlığı Flag of the Soviet Union.svg SSRİFlag of Azerbaijan.svg Azərbaycan
Təhsili

 • V.İ.Lenin adına Azərbaycan Dövlət Pedaqoji İnstitutu, dil və ədəbiyyat fakültəsi (–1968)

 • Bakı Ali Partiya Məktəbi (1973–1975)
Fəaliyyət illəri 1957–2010
İlk əsəri “Ana” şeiri

Qurtuluş Süleymanlı (1942–2020) — tanınmış şair, yazıçı və publisist, təhsil, mədəniyyət, partiya və həmkarlər təşkilatı işçisi. Müxtəlif illərdə Şəki şəhər mədəniyyət şöbəsinin müdiri, Şəki rayon radio verilişləri redaksiyasının böyük redaktoru və s. vəzifələrdə çalışmışdır.

Haqqında məlumatlar

29 oktyabr 1942-ci il tarixdə Nuxada (indiki Şəki) anadan olub.

Təhsili

1968-ci ildə V.İ.Lenin adına Azərbaycan Dövlət Pedaqoji İnstitutunun dil və ədəbiyyat fakültəsini bitirib.

1973 – 1975-ci illərdə Bakı Ali Partiya Məktəbində təhsil alıb.

Əmək fəaliyyəti

1960-cı ildə V.İ.Lenin adına Nuxa İpək kombinatında toxucu kimi əmək fəaliyyətinə başlayıb.

1965-ci ildən, əvvəl Nuxa şəhər Mədəniyyət evində təlimatçı, sonralar isə Nuxa şəhər mədəniyyət şöbəsində inspektor, radio verilişləri redaksiyasının böyük redaktoru, Şəki şəhər partiya komitəsinin təbliğat-təşviqat şöbəsində təlimatçı, Mədəniyyət İşçiləri Həmkarlar İttifaqı Şəki Rayon Komitəsinin sədri, Şəki şəhər mədəniyyət şöbəsinin müdiri, Şəki şəhər İcra hakimiyyətinin humanitar şöbəsində baş məsləhətçi, Şəki şəhər təhsil şöbəsində inspektor, AMEA Şəki Regional Elmi Mərkəzində elmi işçi vəzifələrində çalışıb.

Yaradıcılıq fəaliyyəti

1957-ci ildə – 7-ci sinifdə oxuyarkən, “Nuxa fəhləsi” qəzetində dərc olunmuş “Ana” şeiri ilə ədəbi fəaliyyətə başlayıb. Həmin ildə “Səbuhi” ədəbi məclisinə üzv qəbul edilib. Şeirləri, hekayələri, oçerkləri, publisist yazıları müxtəlif illərdə yerli (“İpəkçi”, “Şəkinin səsi”, “Şəki”), digər bölgə (“Mingəçevir işıqları”) və respublika (“Ədəbiyyat və İncəsənət”, “Azərbaycan müəllimi”, “Sərbəst düşüncə”, “Ocaq”, “Sovet kəndi”, “İnşaatçı”, “Ekran-efir”, “İdman”, “Gənc müəllim”, “Mədəniyyət”, “Azərbaycan gəncləri”) qəzetlərində, respublika jurnallarında (“Azərbaycan qadını”, “Mədəni maarif işi”, “Təşviqatçı”, “Göyərçin”, “Günəş”, “Təbiət”) dərc olunub, bəziləri isə radio və televiziyada səsləndirilib.

Kitabları

  1. Günəşli dünyam.
  2. İnsan ol.
  3. Şəkim mənim.
  4. Dünya və insan.

Vəfatı

14 dekabr 2020-ci il tarixdə – 78 yaşında, uzun sürən xəstəlikdən sonra Şəkidə vəfat edib. Məhəmməd əfəndi qəbiristanlığında dəfn olunub.

Ədəbiyyat

  1. Orsər R. Qurtuluş Süleymanlı // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 457-460. — 500 nüsx. — ISBN 978-9952-8176-5-2.