Vəhyəddin Səlimov

Vəhyəddin Səlimov
Səlimov Vəhyəddin Salman oğlu
Vəhyəddin Səlimov.
Digər adı	Məhyəddin
Anadan olub	23 fevral 1920(1920-02-23)
Anadan olduğu yer	Nuxa (indiki Şəki), Azərbaycan Cümhuriyyəti
Vəfat edib	2 avqust 1992 (72 yaşında)
Həyat yoldaşı	Tatyana Andreyevna Bragina
Uşaqları	Səlim, Elmira, Rəna
Atası	Salman
Anası	Mədinə
Vətəndaşlıq	SSRİ→ Azərbaycan
Təhsili	• Nuxa fəhlə fakültəsi və Nuxa sənaye texnikumu  • Azərbaycan Dövlət Tibb İnstitutu, müalicə-profilaktika fakültəsi (1936–1941)
Mükafatları
Adının digər versiyaları	Vehyeddin Selimov, Vahyeddin Salimov, Mehyeddin Selimov, Mahyeddin Salimov, Махяддин Селимов, Махяддин Салимов, Вахяддин Селимов, Вахяддин Салимов, Мәһјәддин Сәлимов, Вәһјәддин Сәлимов

Vəhyəddin Səlimov (1920–1992) — tanımış həkim-cərrah. Uzun müddət Şəkidə xəstəxanada cərrahiyyə şöbəsinin müdiri vəzifəsində çalışmış, 1967-ci ildən isə həm də ictimai əsaslarla Azərbaycan SSR Səhiyyə Nazirliyinin Şəki-Zaqatala zonası üzrə baş cərrahı olmuş, Gəncə, Zaqatala, Qax, Oğuz, Qəbələ, Balakən və digər rayon xəstəxanalarında həyata keçirilən ağır cərrahiyyə əməliyyatlarına məsləhətçi həkim kimi dəvət edilmişdir. Azərbaycanda cərrah kadrların yetişməsində xidmətləri var.

Haqqında məlumatlar

23 fevral 1920-ci il tarixdə Nuxada (indiki Şəki) fəhlə ailəsində anadan olub.

Təhsili

1927 – 1932-ci illərdə Nuxada ibtidai təhsil alıb, sonra Nuxa fəhlə fakültəsində və Nuxa sənaye texnikumunda,

1936 – 1941-ci illərdə isə Azərbaycan Dövlət Tibb İnstitutunun müalicə-profilaktika fakültəsində təhsilini davam etdirib.

Həbi xidmətdə

Vəhyəddin Səlimovun hərbi sənədlərindəki gənclik fotoşəkli.

6 iyul 1941-ci il tarixdə Bakı şəhər hərbi komissarlığından hərbi xidmətə qəbul edilib. Tibb xidməti həkimi rütbəsi ilə 81-ci atıcı diviziyanın 323-cü atıcı alayında xidmət edib.

6 sentyabr 1941-ci il tarixdə Çerniqovda (Ukrayna SSR) itkin düşmüş elan olunub (əslində almanlara əsir düşmüşdü).

1942 – 1944-cü illərdə Polşa, Fransa və Almaniyada hərbi əsirlərinin olduğu hərbi xəstəxanada,

1944-cü ilin avqust ayından isə partizan dəstəsində Fransanın Liypi şəhərində həkim-cərrah işləyib.

1944 – 1945-ci illərdə Fransada SSRİ vətəndaşları üçün həkim-cərrah və hərbi xəstəxanada rəis vəzifəsində çalışıb.

1945-ci ilin avqust ayından SSRİ-də 2.100 №-li qospitalda,

1945 – 1947-ci illərdə xüsusi hərbi düşərgədə,

1947 – 1949-cu illərdə Leninabad vilayətinin (Qırğızıstan SSR) Proletarsk şəhərində,

1949 – 1955-ci illərdə Arxangelsk vilayətinin (RSFSR) Pukso-Ozero rayonundakı Pliseyskiy şəhər xəstəxanasında,

1955-ci ildən Nuxa rayonarası xəstəxanasında (Azərbaycan SSR) həkim-cərrah,

1957-ci ildən Nuxa rayonarası xəstəxanasında cərrahiyyə şöbəsinin müdiri vəzifəsində çalışıb.

Əmək fəaliyyəti

Şəki Mərkəzi Rayon Xəstəxanasının həkim və feldşerləri xəstəxananın baş həkimi Fərrux Həmidzadənin kabinetində (soldan: Samiyə Ocaqova, Vəhyəddin Səlimov, Gülü İlyasov (feldşer, ayaq üstə), Əsəd Məmmədov, Cabbar, Rövşən (feldşer), Adilə, Nəsib Əbdürrəhmanov, Fərrux Həmidzadə (baş həkim), Cavahir Abbasova, Sabir Həmidov), 1973-cü il.

Təltif və mükafatları

• “1941 – 1945-ci illər Böyük Vətən müharibəsində qələbənin 20 illiyi” yubiley medalı (1965)
• “Qırmızı Əmək Bayrağı” ordeni (1966);
• “Səhiyyə əlaçısı” döş nişanı (1966).

Hesabatlarda

1966 – 1968-ci illərdə travmatologiya, urologiya, akuşero-ginekologiya və digər sahələr üzrə 1173,

1983 – 1985-ci illərdə isə 1107 xəstə üzərində uğurlu cərrahiyyə əməliyyatları keçirmişdir.

Vəfatı

2 avqust 1992-ci il tarixdə – 72 yaşında, Şəkidə vəfat edib.

Xatirəsi

Şəki şəhərində bir küçəyə adı verilib.

Ədəbiyyat

1. Салимов Вахверти Салман-оглы : [arx. 05.06.2023] : [rus.] // Память Народа. — Müraciət tarixi: 05.06.2023.
2. Салимов Вахаддин Салман-оглы : [arx. 05.06.2023] : [rus.] // Память Народа. — Müraciət tarixi: 05.06.2023.
3. Sarıtorpaq Kərimuşaqları və ya papaqçılae // Şəkidə məhəllə adları, soyadlar və ləğəblər / Zəkəriyyə Əlizadə və Sevinc Bəharəddin qızı. — AMEA Şəki Regional Elmi Mərkəzi. — Bakı: Nafta–Press, 2004. — 2 kitab. — I  kitab. — Səhifələrin sayı:  345. — Səh.: 164-166. — 550 nüsx.
4. Məmmədov Ə., Xalıqov F. Səlimov Vəhyəddin // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 354-355. — 600 nüsx. — ISBN 5-8066-1708-4.