Məmmədşərif Həmidov

Məmmədşərif Həmidov
Həmidov Məmmədşərif Həbibulla oğlu
Məmmədşərif Həmidov.
Doğum tarixi	23 fevral 1917(1917-02-23)
Doğum yeri	Nuxa (indiki Şəki), Yelizavetpol quberniyası, Rusiya İmperiyası
Vəfat tarixi	14 fevral 1969 (51 yaşında)
Vəfat yeri	Bakı, Azərbaycan SSR, SSRİ
Təhsili	• Ali zabitlər məktəbi (–1945)  • S.M.Kirov adına Azərbaycan Dövlət Universiteti, tarix fakültəsi (–1960)
Hərbi fəaliyyəti
Rütbə	general-mayor
Təltifləri

Məmmədşərif Həmidov (1917–1969) — Azərbaycan SSR hərbi komissarı, general-mayor, Azərbaycan SSR Ali Sovetinin deputatı və Azərbaycan KP MK üzvlüyünə namizəd.

Haqqında məlumatlar

23 fevral 1917-ci il tarixdə Nuxada (indiki Şəki) anadan olub.

Təhsili

1932-ci ildə Nuxada texniki-peşə məktəbini,

1945-ci ildə Ali zabitlər məktəbini,

1960-cı ildə S.M.Kirov adına Azərbaycan Dövlət Universitetinin tarix fakültəsini bitirib.

Əmək fəaliyyəti

1929-cu ildən – 12 yaşından, Nuxadakı ipəksarıma fabrikində şagird peşəsində əmək fəaliyyətinə başlayıb.

1932-ci ildən V.İ.Lenin adına Nuxa İpək Kombinatında usta peşəsində,

1937 – 1940-cı illərdə isə Nuxa komsomol və partiya komitələrində müxtəlif vəzifələrdə çalışıb.

Hərbi xidmətdə

1940-cı ildən Sovet Ordusuna xidmətə çağırılıb. Böyük Vətən müharibəsində vzvod komandirinin köməkçisi, batalyon qərargahının rəisi, diviziya qərargah əməliyyatının bölmə rəisinin köməkçisi olub.

1946 – 1949-cu illərdə Xaçmaz rayon hərbi komissarı,

1949 – 1956-cı illərdə Azərbaycan SSR hərbi komissarlığında şöbə rəisi,

1956 – 1960-cı illərdə Bakı şəhəri hərbi komissarı,

1960 – 1969-cu illərdə Azərbaycan SSR hərbi komissarı vəzifəsində çalışıb.

İctimai-siyasi fəaliyyəti

1939-cu ildən Sov.İKP üzvü olub.

1966-cı ildə – Azərbaycan KP-nin 27-ci qurultayında Azərbaycan KP MK üzvlüyünə namizəd,

1967-ci ildə isə 7-ci çağırış Azərbaycan SSR Ali Sovetinin deputatı seçilib.

Təltif və mükafatları

• II dərəcəli “Vətən müharibəsi” ordeni;
• “Qırmızı Ulduz” ordeni (25.01.1944);
• “Moskvanın müdafiəsinə görə” medalı (01.05.1944);
• II dərəcəli “Vətən müharibəsi” ordeni (30.11.1944);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (09.05.1945);
• “Köniqsberqin alınmasına görə” medalı (09.06.1945);
• “Döyüş xidmətlərinə görə” medalı (15.11.1950);
• “Qırmızı Ulduz” ordeni (26.10.1955).

Vəfatı

14 fevral 1969-cu il tarixdə – 51 yaşında, xidməti avtomobilinin indiki Göygöl – Gəncə avtomobil yolunda qəzaya düşməsi nəticəsində həlak olub. Bakıda Birinci Fəxri xiyabanda dəfn edilib.

Xatirəsi

Həlak olduğu yerdə (indiki Göygöl – Gəncə avtomobil yolunun kənarında) xatirə abidəsi qoyulub.

Adına küçə (Bakı), məktəb (Şəki) və gəmi var.

Ədəbiyyat

1. Гамидов Мамед Шариф Габибула Габибулла-оглы : Картотека награждений : [arx. 23.07.2021] : [rus.] // Память народа. — Müraciət tarixi: 23.07.2021.
2. Məmmədşərif Həmidov // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1987. — X  cild. — Səhifələrin sayı:  610. — Səh.: 196-197. — 80.000 nüsx.
3. Məmmədov Ə., Xalıqov F. Həmidov Məmmədşərif // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 230-231. — 1.000 nüsx.
4. Mete Ə. General Həmidov // O torpağın övladları. — Bakı: Nurlan, 2006. — Səhifələrin sayı:  608. — Səh.: 432-434. — 500 nüsx.