Səidə İmanzadə

Səidə İmanzadə
	İmanzadə Səidə Nəbi (Əhməd) qızı
	Səidə İmanzadə.
Doğum tarixi	29 dekabr 1910
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	1992 (82 yaşında)
Vətəndaşlıq	SSRİ→ Azərbaycan
Elmi dərəcəsi	elmlər namizədi
Elmi adı	dosent
Təhsili	Azərbaycan Pedaqoji İnstitutu, tarix və ictimaiyyət fakültəsi (1930 – 1934)
Evladı	Mübariz İmanzadə
Mükafatları	;

Səidə İmanzadə (1910 – 1992) — tarix elmləri namizədi, pedaqoq, dosent, Azərbaycan SSR əməkdar müəllimi.

Haqqında məlumatlar

29 dekabr 1910-cu il tarixdə Nuxada anadan olub.

1924-cü ildə ailəsi ilə birlikdə Bakıya köçüb.

Təhsili

Nuxada qızlar mədrəsində və qızlar məktəbində,

Bakıda Türk Sənaye Məktəbində oxuyub.

1928 – 1930-cu illərdə Bakıda fəhlə fakültəsində,

1930 – 1934-cü illərdə isə Azərbaycan Pedaqoji İnstitutunun tarix və ictimaiyyət fakültəsində təhsil alıb.

Əmək fəaliyyəti

1934-cü ildə təyinatla Bakı şəhər 98 №-li orta məktəbə (Pirallahı adasında) müəllim işləməyə göndərilib.

1938 – 1943-cü illərdə Bakı şəhər 132 №-li orta məktəbin müdiri olub.

1943-cı ildən S.M.Kirov adına Azərbaycan Dövlət Universitetində əvvəl müəllim, sonra isə dosent vəzifəsində çalışıb. O cümlədən,

1965 – 1968-ci illərdə tarix fakültəsinin dekanı olub.

Elmi fəaliyyəti

1954-cü ildə “Azərbaycanda qadın hərəkatının tarixindən” mövzusunda namizədlik dissertasiyasını müdafiə edib.

40-dan artıq məqaləsi mətbuatda dərc olunub.

35 elmlər namizədinin elmi rəhbəri olub.

Kitabları

Oktyabr sosialist inqilabı və Azərbaycanda qadın azadlığı. Bakı, Azərnəşr, 1957 (105 səhifə);
İslam dini və qadın azadlığı məsələsi. Bakı, 1958 (45 səhifə);
Qadınlar cəmiyyətdə və ailədə. Bakı, Azərnəşr, 1963 (60 səhifə);
Qadının – ananın şərəfini yüksəldək. Bakı, Azərnəşr, 1967 (128 səhifə);
Qadınlar sülh uğrunda mübarizədə. Bakı, 1970 (65 səhifə);

İctimai-siyasi aktivliyi

Ümumittifaq “Bilik” cəmiyyətinin fəxri üzvü,

Bakı Qadınlar Şurasının sədri olub.

16 çağırış ardıcıl olaraq Bakı Şəhər Sovetinin deputatı seçilib.

Mükafatları

“Lenin” ordeni (1946);
“Şərəf Nişanı” ordeni;
“1941-1945-ci illər Böyük Vətən müharibəsində Almaniya üzərində qələbəyə görə” medalı;
“Qafqazın müdafiəsinə görə” medalı;
Azərbaycan SSR Ali Sovetinin Fəxri fərmanı, dəfələrlə;
Azərbaycan SSR əməkdar müəllimi;
SSRİ Ali və Orta İxtisas Təhsili Nazirliyinin fəxri fərmanı;
“Əməkdə fərqlənməyə görə” medalı;
digər medallar.

Vəfatı

1992-ci ildə – 82 yaşında, Bakıda vəfat edib.

Xatirəsi

28 dekabr 2010-cu il tarixdə Azərbaycan Milli Elmlər Akademiyasının Rəyasət Heyətində Səidə İmanzadənin anadan olmasının 100 illiyinə həsr edilmiş tədbir keçirilmişdir.

11 yanvar 2013-cü il tarixdə Bakı Dövlət Universitetində,

23 iyun 2014-cü il tarixdə isə Şəki şəhərindəki “Şəki-Palas” otelinin konfrans zalında Səidə İmanzadənin 100 illik yubileyinə həsr olunmuş «Nura boyanmış ömür» kitabının təqdimat mərasimi keçirilib. Hər iki tədbirdə Səidə İmanzadənin oğlu – Azərbaycan Respublikasının Tunisdəki səfiri, Mübariz İmanzadə də iştirak edib.

İstifadə edilmiş mənbələr

Məmmədov Ə., Xalıqov F. İmanzadə Səidə // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 277 – 278. — 1.000 nüsx.
"Görkəmli alim Səidə İmanzadənin anadan olmasının 100 illiyi qeyd edilmişdir". https://azertag.az (azərb.). AZƏRTAC. 28.12.2010. 25 Dec 2020 tarixində arxivləşdirilib.
"Səidə İmanzadənin 100 illiyi qeyd olunub". http://bsu.edu.az (azərb.). Bakı Dövlət Universiteti. 11/01/2013. 15 Jan 2013 - 24 Oct 2020 tarixində arxivləşdirilib.
"Şəkidə görkəmli alim və pedaqoq Səidə İmanzadəyə həsr edilmiş "Nura boyanmış ömür" kitabının təqdimatı olmuşdur". http://www.sheki-ih.gov.az/ (azərb.). www.sheki-ih.gov.az. 2014-06-25. 25 Dec 2020 tarixində arxivləşdirilib.