Nabat Abdullayeva

Nabat Abdullayeva
	Abdullayeva Nabat Cumay qızı
	Nabat Abdullayeva.
Doğum tarixi	20 may 1925
Doğum yeri	Nuxa (indiki Şəki), Şəki qəzası, Yelizavetpol quberniyası, Azərbaycan SSR, ZSFSR, SSRİ
Vəfat tarixi	27 dekabr 2006 (81 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
İş yeri	Azərbaycan Dövlət Pedaqoji Universiteti, Azərbaycan dili və onun tədrisi kafedrası (professor)
Elmi dərəcəsi	filologiya elmləri doktoru
Elmi adı	professor
Təhsili	• Nuxa Pdaqoji Texnikumu (–1941) • V.İ.Lenin adına Azərbaycan Dövlət Pedaqoji İnstitutu, filologiya fakültəsi (1946–1950) • V.İ.Lenin adına Azərbaycan Dövlət Pedaqoji İnstitutu, filologiya fakültəsi, aspirantura

Nabat Abdullayeva (1925–2006) — filologiya elmləri doktoru, Azərbaycan Dövlət Pedaqoji Universitetinin Azərbaycan dili və onun tədrisi kafedrasının professoru.

Haqqında məlumatlar

20 may 1925-ci il tarixdə Nuxada (indiki Şəki) anadan olub.

Təhsili

1941-ci ildə Nuxa Pdaqoji Texnikumunu bitirib.

1946 – 1950-ci illərdə V.İ.Lenin adına Azərbaycan Dövlət Pedaqoji İnstitutunun filologiya fakültəsində, daha sonra isə bu institutun aspiranturasında təhsil alıb.

Elmi fəaliyyəti

1965-ci ildə ADPİ-nin müvafiq şurasında Azərbaycan EA-nın müxbir üzvü Ə.M.Dəmirçizadənin rəhbərliyi altında “Müasir Azərbaycan dilində cüttərkibli sadə cümlə” mövzusunda namizədlik dissertasiyasını,

1980-ci ildə Nəsimi adına Dilçilik İnstitutunda D.004.07.01 İxtisaslaşdırılmış Şurasında 10.02.06 - Türk dilləri ixtisası üzrə doktorluq dissertasiyasını müdafiə edib.

Ali məktəblər üçün bir sıra dərslik, dərs vəsaiti, proqramlarının və 50-dən çox elmi məqalənin müəllifidir. 3 doktorluq (azərbaycan, türkmən, qazax), 14 namizədlik dissertasiyasına rəsmi opponentlik edib.

Əmək fəaliyyəti

1954 – 2006-cı illərdə Azərbaycan Dövlət Pedaqoji Universitetinin (əvvəlki adları: Azərbaycan Dövlət Pedaqoji İnstitutu; N.Tusi adına Azərbaycan Dövlət Pedaqoji İnstitutu) Azərbaycan dili və onun tədrisi kafedrasında işləyib; o cümlədən,

1954-cü ildən müəllim,

1966-cı ildən baş müəllim,

1968-ci ildən dosent,

1982-ci ildən isə professor vəzifəsini tutub.

Vəfatı

27 dekabr 2006-cı il tarixdə – 81 yaşında, Bakıda vəfat edib.

Ədəbiyyat

Məmmədov Ə., Xalıqov F. Abdullayeva Nabat // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 22-24. — 1.000 nüsx.
Şükürov R., Orsər R. Abdullayeva Nabat Cumay qızı // İşıq məbədi. — Bakı: İdeal-Print, 2010. — Səhifələrin sayı: 310. — Səh.: 167. — (Ş 4702060200). — 1.000 nüsx. — ISBN 978995244710.
Abdullayeva Nabat Cumay qızı // Azərbaycan Milli Ensiklopediyası : ensiklopediya : [25 cilddə] (tiraj: 10 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2009. —I c. — Səh. 39. — ISBN 978-9952-441-02-4.