Tural Adışirin

Tural Adışirin
	Adışirin Tural Kamil oğu
	Tural Adışirin.
Doğum tarixi	26 fevral 1990 (34 yaş)
Doğum yeri	Oxud, Şəki rayonu, Azərbaycan SSR, SSRİ
İş yeri	AMEA Şəki Regional Elmi Mərkəzi (elmi işçi)
Təhsili	• Azərbaycan Müəllimlər İnstitutunun Şəki filialı, filologiya, azərbaycan dili və ədəbiyyatı fakültəsi, bakalavriat (2007–2011) • Lənkəran Dövlət Universiteti, filologiya, azərbaycan dili və ədəbiyyatı fakültəsi, magistratura (2017–2019)
Atası	Kamil Adışirinov

Tural Adışirin — şair, publisist və ədəbiyyatşünas, “Manera.az” ədəbi-mədəni saytının redaktoru, Dünya Gənc Türk Yazarlar Birliyi İdarə Heyətinin üzvü, AMEA Şəki Regional Elmi Mərkəzinin folklorşünaslıq və el sənətləri şöbəsinin elmi işçisi.

Haqqında məlumatlar

26 fevral 1990-cu il tarixdə Şəki rayonunun Oxud kəndində anadan olub.

Təhsili

1997 – ci ildə Oxud kənd səkkizillik məktəbində,

1997 – 1999-cu illərdə Qoxmuq kənd tam orta məktəbində,

2000 – 2007-ci illərdə Şəki şəhər 9 saylı beynəlmiləl tam orta məktəbində,

2007 – 2011-ci illərdə Azərbaycan Müəllimlər İnstitutunun Şəki filialının filologiya, azərbaycan dili və ədəbiyyatı fakültəsinin bakalavriatnda,

2017 – 2019-cu illərdə Lənkəran Dövlət Universitetinin filologiya, azərbaycan dili və ədəbiyyatı fakültəsinin magistraturasında təhsil alıb.

Əmək fəaliyyəti

2011 – 2014-cü illərdə Oğuz rayon Malıx kənd ümumi orta məktəbində,

2014 – 2017-ci illərdə isə Şəki rayon Suçma kənd tam orta məktəbində azərbaycan dili və ədəbiyyat müəllimi işləyib.

1 iyun 2019-cu il tarixdən AMEA Şəki Regional Elmi Mərkəzin folklorşünaslıq və el sənətləri şöbəsinin elmi işçisidir.

Elmi fəaliyyəti

6 elmi məqalənin müəllifidir.

5-i beynəlxalq, 3-ü isə respublika əhəmiyyətli olmaqla 8 elmi konfransda iştirak edib.

Ədəbi-bədii yaradıcılığı

Şeirləri Azərbaycanın (“Azərbaycan”, “Ədəbiyyat qəzeti”, “525-ci qəzet”, “Kaspi”, “Ədalət” qəzetləri və “Ulduz” jurnalı), İranın (“Sancaq” qəzeti (Təbriz)), Türkiyənin (“Antalya Sanat Dergisi” (Antalya)) və Özbəkistanın (“Kitab dünyası” qəzeti) ədəbi dövri-mətbuatında, Qazaxıstanda çap edilmiş “Yeni zaman Azərbaycan şeir antologiyası”nən II cildində, Azərbaycanda çap edilmiş “Şəkidən gələn səslər” toplusunun I cildində, hələ çap olunmamış “Oxud məktəbinin maarif pərvanələri” ensiklopedik toplu dərc olunub.

Ədəbiyyat

Orsər R. Tural Adışirin // Şəkidən gələn səslər. — Bakı: Elm və təhsil, 2018. — I cild. — Səhifələrin sayı: 856. — Səh.: 832-836. — 500 nüsx. — ISBN 978-9952-8176-5-2.
Adışirinov K. TURAL KAMİL oğlu ADIŞİRİNOV // Oxud məktəbinin maarif pərvanələri.