İzzət Nəbiyev

İzzət Nəbiyev
Nəbiyev İzzət Əhməd oğlu
İzzət Nəbiyev.
Doğum tarixi	26 yanvar 1923(1923-01-26)
Doğum yeri	Nuxa (indiki Şəki), Nuxa qəzası, Azərbaycan SSR, ZSFSR, SSRİ
Vəfat tarixi	yanvar 1993(1993-01-00) (70 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
İş yeri	Azərbaycan Neft və Kimya İnstitutu, telemexanika və elektronika kafedrası
Elmi dərəcəsi	texnika elmləri doktoru
Elmi adı	professor
Təhsili	• M.Əzizbəyov adına Azərbaycan Sənaye İnstitutu (1940–1941 və 1945–1949)  • V.M.Molotov adına Energetika İnstitutu, aspirantura (1951–1954)  • Azərbaycan KP MK yanında “Marksizm – Leninizm Universiteti” (1977–1980)
Atası	Əhməd Nəbiyev (1885−+1970)
Anası	Maral Əfəndiyeva-Nəbiyeva (1889−1967)
Mükafatları

İzzət Nəbiyev (1923–1993) — avtomatika və telemexanika üzrə görkəmli sovet və Azərbaycan alimi, texnika elmləri doktoru, professor, Azərbaycan SSR əməkdar elm və texnika xadimi, SSRİ Dövlət mükafatı laureatı.

Haqında məlumatlar

26 yanvar 1923-cü il tarixdə Nuxada (indiki Şəki), pedaqoq ailəsində anadan olub.

Təhsili

1930 – 1940-cı illərdə Bakı şəhər 132 №-li orta məktəbində təhsil alıb.

1935 – 1940-cı illərdə Asəf Zeynallı adına Musiqi məktəbinin tar sinfində oxuyub.

1940 – 1941 və 1945 – 1949-cu illərdə M.Əzizbəyov adına Azərbaycan Sənaye İnstitutunda təhsil alıb.

1941 – 1942-ci illərdə Hərbi Aviamühəndislər Məktəbinin kursantı olub.

1951 – 1954-cü illərdə V.M.Molotov adına Energetika İnstitutunun (Moskva) aspiranturasında,

1977 – 1980-ci illərdə Azərbaycan KP MK yanında “Marksizm – Leninizm Universiteti”ndə təhsil alıb.

Əmək fəaliyyəti

1942 – 1945-ci illərdə Xolzunov adına Kirovabad pilot aviaməktəbində aviasilahlar üzrə serjant-mexanik vəzifəsində işləyib.

1949 – 1951-ci illərdə Azneft birliyi “Stalinneft” tresti, təmir mühafizəsi üzrə mühəndis,

1954 – 1956-cı illərdə M.Əzizbəyov adına Azərbaycan Sənaye İnstitutunun elektrik ölçmələri və qurğuların avtomatlaşdırılması kafedrasında assistent,

1956 – 1960-cı illərdə isə dosent olub.

1960 – 1963-cü illərdə M.Əzizbəyov adına Azərbaycan Sənaye İnstitutunun istehsal proseslərinin avtomatlaşdırılması fakültəsinin dekanı vəzifəsində çalışıb.

1963 – 1970-ci illərdə M.Əzizbəyov adına Azərbaycan Sənaye İnstitutunun avtomatika, telemexanika və elektronika kafedrasında dosent,

1970 – 1991-ci illərdə kafedrasının müdiri,

1991 – 1993-cü illərdə isə professor olub.

İkinci iş yerləri

1957 – 1993-cü illərdə “Neftkimyaavtomat” Elmi-Tədqiqat və Layihə İnstitutunda (Sumqayıt) əvəzçiliklə işləyib.

Elmi fəaliyyəti

1954-cü ildə namizədlik dissertasiyasını müdafiə edib.

1956-cı ildə dosent elmi adını alıb.

1972-ci ildə doktorluq dissertasiyasını müdafiə edib.

1977-ci ildə professor elmi adını alıb.

Telemexanikaya dair azərbaycan və rus dillərində dərsliklərin, 9 monoqrafiyanın, 200-ə yaxın məqalənin, 45 ixtiranın, 6 cihazın müəllifidir.

5 elmlər doktorunun, 70-dən çox elmlər namizədinin elmi rəhbəri olub.

Elmi-təşkilati aktivliyi

• SSRİ Xalq Təhsili üzrə Dövlət Komitəsi Elmi-Metodik Şurasının avtomatika və texniki sistemlərin idarəedilməsi bölməsinin sədr müavini (1974-cü ildən).
• Azərbaycan SSR üzrə Dövlət Komitəsi Elmi-Metodik Şurasının avtomatika və texniki sistemlərin idarəedilməsi bölməsinin sədri (1975-ci ildən).
• Azərbaycan Respublikası Prezidenti yanında Ali Attestasiya Komissiyasının texniki elmlər üzrə ekspert şuraının üzvü (1991 – 1993).

Partiyalılığı

1979-cu ildən Sov.İKP-nin üzvü olub.

Təltif və mükafatları

• “1941 – 1945-ci illər Böyük Vətən müharibəsində Almaniya üzərində qələbəyə görə” medalı (1946);
• SSRİ XTNS-nin “Böyük gümüş medalı” (1961);
• SSRİ XTNS-nin “Bürünc” medalı (1963, 1982);
• “1941 – 1945-ci illər Böyük Vətən müharibəsində qələbənin 20 illiyi” yubiley medalı (1966);
• SSRİ XTNS-nin “Gümüş” medalı (1969, 1987);
• SSRİ Dövlət mükafatı (avtomatlaşdırma sistemlərinin və texniki vasitələr kompleksinin işlənməsi və Azərbaycan neft sənayesində tətbiqinə görə, – 1969);
• SSRİ Ali və Orta İxtisas Təhsili Nazirliyinin fəxri fərmanı (Neft və kimya sahəsində elmi tədqiqatların inkişafında və yüksək ixtisaslı mütəxəssislərin hazırlanmasında yüksək nailiyyətlərinə görə, – 1971);
• SSRİ Nazirlər Sovetinin Qol saatı mükafatı (Böyük Vətən müharibəsində qələbənin 30 illiyi münasibəti ilə, – 1975);
• “1941 – 1945-ci illər Böyük Vətən müharibəsində qələbənin 30 illiyi” yubiley medalı (1976);
• “Azərbaycan SSR əməkdar elm və texnika xadimi” fəxri adı (1981);
• SSRİ Cihazqayırma, Avtomatlaşdırma Vasitələri və İdarəetmə Sistemləri Nazirliyinin “Cihazqayırma əlaçısı” döş nişanı (1984);
• “Əmək veteranı” medalı (1984);
• “SSRİ-nin fəxri ixtiraçısı” (rus.: «Почетный изобретатель СССР) fəxri adı (1984);
• “1941 – 1945-ci illər Böyük Vətən müharibəsində qələbənin 40 illiyi” yubiley medalı (1986).

Vəfatı

1993-cü ilin yanvar ayında − 70 yaşında, Bakıda vəfat edib.

Ailəsi

• Atası: Əhməd Nəbiyev Qori seminariyasının məzunu olub və 1 il Moskva Kommersiya İnstitutunda, sonra isə Peterburq Universitetində təhsil alıb. Lenin ordeni və “Azərbaycan SSR əməkdar müəllimi” fəxri adı ilə təltif edilib.
• Anası: Maral Əfəndiyeva-Nəbiyeva Rəşid bəy Əfəndiyevin qızı idi və tanınmış pedaqoq, Azərbaycanın ilk maarifçi qadınlarından biri olub.

Ailə fotoşəkilləri

• 

  Əhməd Nəbiyev (İzzət Nəbiyevin atası), Nuxa, 1907-ci il.

• 

  Əhməd Nəbiyev (İzzət Nəbiyevin atası), Sankt-Peterburq, 1907-ci il.

• 

  Əhməd Nəbiyev (İzzət Nəbiyevin atası), Sankt-Peterburq, 1908-ci il.

• 

  Əhməd Nəbiyev və Maral Əfəndiyeva (İzzət Nəbiyevin atası və anası), Car kəndi, 1913-cü il.

• 

  Əhməd Nəbiyev, qızı Rüxsarə, anası Məsumə, həyat yoldaşı Maral Əfəndiyeva.

• 

  Əhməd Nəbiyev (İzzət Nəbiyevin atası), Qarğabazar, 1913-cü il.

• 

  Nəbiyevlər ailəsi, Bakı, 1924-cü il.

• 

  Rəşid bəy Əfəndiyevin ailə üzvləri; soldan: 1) Mahtaban, 2) Cəmilə, 3) Məmməd Əfəndiyev, 4) Naimə, 5) Maral Əfəndiyeva-Nəbiyeva. Arxada: İzzət Nəbiyev.

Xatirəsi

• Azərbaycan Dövlət Neft və Sənaye Universitetində vaxtilə onun rəhbərlik etdiyi avtomatika, telemexanika kafedranın foyesində və yaşadığı binanın divarında heykəltəraş Ömər Eldarov tərəfindən hazırlanmış xatirə lövhələri vurulub.
• Bakıda bir küçəyə adı verilib.
• 1999-cu ildə Azərbaycan Dövlət Neft Akademiyası elmi şurasının qərarı ilə həyat və fəaliyyətinə həsr olunmuş kitab çap olunub.

Ədəbiyyat

1. Nəbiyev İzzət Əhməd oğlu // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1983. — VII  cild. — Səhifələrin sayı:  623. — Səh.: 216. — 80.000 nüsx.
2. Abdullayev İ.M., Yusifov S.Y. Nəbiyev İzzət Əhməd oğlu / Azərbaycan respublikası Təhsil Nazirliyi, Azərbaycan Dövlət Neft Akademiyası. — Bakı: “Azərbaycan Ensiklopediyası” Nəşriyyat-Poliqrafiya Birliyi, 1999. — Səh.: 68. — 300 nüsx. — ISBN 8-89600-261-x. Arxivləşdirilib; arxivləşdirmə tarixi: 13 noyabr 2024.
3. Məmmədov Ə., Xalıqov F. Nəbiyev İzzət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 443-445. — 1.000 nüsx.
4. Mete Ə. Avtomatika sahəsində görkəmli alim // O torpağın övladları. — Bakı: Nurlan, 2006. — Səhifələrin sayı:  608. — Səh.: 274-275. — 500 nüsx.