Saat Əzizov

Saat Əzizov
Əzizov Saat Məcid oğlu
Saat Əzizov.
Anadan olub	15 may 1929(1929-05-15)
Anadan olduğu yer	Böyük Dəhnə, Zaqatala-Şəki mahalı, Azərbaycan SSR, ZSFSR, SSRİ
Vəfat edib	9 may 2000 (70 yaşında)
Vəfat etdiyi yer	Şəki, Azərbaycan
Uşaqları	Arifə, Gülarə, Məcid və Eldar.
Vətəndaşlıq	SSRİ→ Azərbaycan
Təhsili	• S.M.Kirov adına Azərbaycan Dövlət universiteti, jurnalistika fakültəsi (1950–1955)  • Bakı Ali Partiya Məktəbi (1971–1973)

Saat Əzizov (1929–2000) — sovet dövründə Şəkidə bir sıra məsul vəzifələrdə işləmiş şəxs. Müxtəlif illərdə Nuxa şəhər (rayon tabeliyində) sovetinin sədri, Nuxa şəhər (respublika tabeliyində) soveti sədrinin müavini və digər vəzifələrdə çalışmışdır.

Haqqında məlumatlar

15 may 1929-cu ildə Zaqatala-Şəki mahalının Böyük Dəhnə kəndində (hal-hazırda Şəki rayonundadır) anadan olub.

Təhsili

1946-cı ildə Böyük Dəhnə kənd orta məktəbini bitirib.

1946 – 1951-ci illərdə S.M.Kirov adına Azərbaycan Dövlət Universitetinin jurnalistika fakültəsində,

1971 – 1973-cü illərdə isə Bakı Ali Partiya Məktəbində təhsil alıb.

Əmək fəaliyyəti

1951 – 1957-ci illərdə “Nuxa fəhləsi” qəzetinin redaksiyasında fotoqraf, ədəbi işçi, şöbə müdiri,

1957-ci ildən Nuxa rayon komsomol komitəsinin birinci katibi,

1961-ci ilin may ayından Nuxa şəhər sovetinin sədri,

16 yanvar 1963-cü il tarixdən 1965-ci ilin yanvar ayının ortalarınadək Nuxa şəhər soveti sədrinin müavini,

1965-ci ilin yanvar ayının ortalarından sonra yenidən Nuxa şəhər sovetinin sədri,

1972 – 1976-cı illərdə Şəki Rayon İstehlak Cəmiyyətinin sədri,

1976 – 1983-cü illərdə Şəki rayon mədəniyyət şöbəsində inspektor, Şəki şəhər mədəniyyət şöbəsinin direktor əvəzi,

1983 – 1998-ci illərdə Kənd Təsərrüfatı Peşə məktəbinin (məktəb əvvəl Şəki rayonunun Orjonikidze (indiki Turan) qəsəbəsində, sonra isə Cəfərabad kəndində yerləşmişdir) direktoru vəzifəsində çalışıb.

1998-ci ildən əmək təqaüdünə çıxıb.

İctimai-siyasi fəaliyyətri

Dəfələrlə və ardıcıl olaraq Nuxa/Şəki rayon və şəhər xalq deputatları sovetlərinin deputatı seçilib.

Vəfatı

9 may 2000-ci il tarixdə – 70 yaşında, Şəkidə vəfat edib.

Ailəsi

İki qız və iki oğul atası olub.

Həmçinin, bax:

• Nuxa rayon və şəhər sovetlərinin deputatları (1957)
• Nuxa rayon və şəhər sovetlərinin deputatları (1959)
• Nuxa rayon və şəhər sovetlərinin deputatları (1961)
• Nuxa şəhər və Vartaşen rayon sovetlərinin deputatları (1963)
• Nuxa rayon və şəhər sovetlərinin deputatları (1965)
• Şəki (Nuxa) rayon və şəhər Sovetlərinin sədr, sədr müavini və katiblərinin siyahısı