Teymur Rüstəmov

Teymur Rüstəmov
Rüstəmov Teymur Aslan oğlu
Teymur Rüstəmov.
Doğum tarixi	17 noyabr 1960 (1960-11-17)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	• Əzim Əzimzadə adına Rəssamlıq məktəbi;  • Tbilisi Dövlət Rəssamlıq Akademiyası
Mükafatları
facebook səhifəsi

Teymur Rüstəmov — tanınmış heykəltəraş, Bakıda ucaldılmış Xocalı faciəsini təcəssüm etdirən məşhur “Ana harayı” abidəsinin müəlliflərindən biri.

Görkəmli heykəltəraş və medalyer Aslan Rüstəmovun oğlu, Azərbaycan Respublikasının xalq rəssamı Cahangir Rüstəmovun qardaşı oğlu, tanınmış heykəltəraş Mahmud Rüstəmovun qardaşı, tanınmış bloger və Avropa Yenidənqurma və İnkişaf Bankının Qırğızıstan, Tacikistan və Türkmənistan üzrə regional direktoru Aytən Rüstəmovanın həyat yoldaşıdır.

Haqqında məlumatlar

17 noyabr 1960-cı il tarixdə Bakıda anadan olub.

Təhsili

Bakıda Əzim Əzimzadə adına Rəssamlıq məktəbində və Tbilisi Dövlət Rəssamlıq Akademiyasında təhsil alıb.

Yaradıcılığı

Azərbaycan Rəssamlar İttifaqının üzvü və Tacikistan Rəssamlıq Akademiyasının həqiqi üzvüdür.

Yaradıcı işləri Azərbaycanda və başqa ölkələrdə təşkil olunmuş bir çox incəsənət sərgilərində nümayiş etdirilib və dəfələrlə mükafatlanıb.

Bakıda ucaldılmış Xocalı faciəsini təcəssüm etdirən məşhur “Ana harayı” abidəsi ilə yanaşı, Bakıdakı Heydər Əliyevin büstünün (Milli Aviasiya Akademiyası), Mirməmməd Cavadzadənin qəbirüstü abidəsinin (Fəxri xiyaban), həmçinin, Goranboydakı “Xocalı faciəsi” abidəsinin, Həştərxandakı (Rusiya) Müslim Maqomayevin büstünün həmmüəlliflərindən biridir (atası Aslan Rüstəmov və qardaşı Mahmud Rüstəmov ilə birlikdə).

Digər

2017 – 2021-ci illərdə ailə vəziyyəti ilə əlaqədar olaraq Tacikistanda yaşamış və orada yaradıcı fəaliyyətlə məşğul olmuşdur.

2021-ci ildən isə ailə vəziyyəti ilə əlaqədar olaraq Bişkekdə yaşayır və yaradıcı fəaliyyətini orada davam etdirir.

Təltif və mükafatları

“Tərəqqi” medalı (2012).

Ədəbiyyat

1. Гармония арт-искусства семьи Рустамовых : [arx. 24 Aug 2017 - 14 Apr 2021] : [rus.] // Блог Бахрама Багирзаде. — Müraciət tarixi: 15.11.2021.
2. Məmmədov A. Bişkekdə azərbaycanlı heykəltəraşın sərgisi keçirilir (azərb.) // Vüqar Əliyev (baş redaktor) Mədəniyyət : qəzet. — Bakı: Azərbaycan, 2022. — В. 20 aprel. — № 30 (1903). — Səh. 8. Arxivləşdirilib; arxivləşdirmə tarixi: 1 may 2022.

   Məmmədov A. Bişkekdə azərbaycanlı heykəltəraşın sərgisi keçirilir : [arx. 07.05.2022] // Mədəniyyət qəzeti. — 2022. — 20 aprel. — Müraciət tarixi: 07.05.2022.