Fərrux İsmayılov

Fərrux İsmayılov
İsmayılov Fərrux Cabbar oğlu
Fərrux İsmayılov, 1970-ci il.
Azərbaycan KP Nuxa Şəhər Komitəsinin birinci katibi 1953 — 1955
Sələfi	Soltan Əzizov
Xələfi	Zəbi Quliyev
Şəxsi məlumatlar
Doğum tarixi	24 iyun 1913(1913-06-24)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	29 sentyabr 1971 (58 yaşında)
Vəfat yeri	Şəki, Şəki rayonu, Azərbaycan SSR, SSRİ
Həyat yoldaşı	Əfşan
Uşaqları	Təranə, Vəfa və Cənanə
Təhsili	Nuxa Pedaqoji Texnikumu (–1932)  • Azərbaycan Dövlət Pedaqoji İnstitutu, tarix fakültəsi (1934–1939, 1947)  • Bakı Ali Partiya Məktəbi(az) (1947–1949)  • Ali Partiya Məktəbi(ru) yanında birilllik kurs (Moskva, 1949–1950)
Təltifləri

Fərrux İsmayılov (1913–1971) — Azərbaycan sovet partiya və dövlət məmuru, tanınmış pedaqoq, Şəki şəhər 19 №-li orta məktəbinin direktoru. Daha əvvəllər Azərbaycan KP Nuxa Şəhər Komitəsinin birinci katibi vəzifəsində çalışmışdır.

Haqqında məlumatlar

24 iyun 1913-cü il tarixdə Nuxada (indiki Şəki), yoxsul ailədə anadan olub.

Təhsili

1932-ci ildə Nuxa Pedaqoji Texnikumunu bitirib.

1934 – 1939-cu illərdə Azərbaycan Dövlət Pedaqoji İnstitutunun tarix fakültəsində təhsil alıb, lakin orduya çağırıldığına görə təhsilini Böyük Vətən müharibəsindən sonra – 1947-ci ildə tamamlayıb.

1947 – 1949-cu ildə Bakı Ali Partiya Məktəbində təhsil alıb.

1949 – 1950-ci illərdə Moskva Ali Partiya Məktəbi nəzdində rəhbər partiya işçiləri hazırlayan birillik kursu bitirib.

Əmək fəaliyyəti

1932-ci ildə orta məktəb müəllimi kimi əmək fəaliyyətinə başlayıb.

1945-ci ildə Azərbaycan KP MK Nuxa Şəhər Komitəsində mühazirəçi,

1949 – 1951-ci illərdə Azərbaycan KP MK-da təlimatçı,

1951 – 1953-cü illərdə Azərbaycan KP Nuxa Şəhər Komitəsinin əvvəl katibi, sonra ikinci katibi,

1954-cü ilin yanvar ayından Azərbaycan KP Nuxa Şəhər Komitəsinin birinci katibi,

1954 – 1966-cı illərdə əvvəl Nuxa Şəhər Zəhmətkeş Deputatları Soveti İcraiyyə Komitəsi sədrinin müavini, sonra “Bilik” cəmiyyəti Nuxa rayon şöbəsi idarə heyətinin sədri, daha sonra Azərbaycan KP Nuxa Şəhər Komitəsi siyasi maarif kabinetinin müdiri,

1966 – 1971-ci illərdə Nuxa/Şəki şəhər 19 №-li orta məktəbin direktoru vəzifəsində çalışıb.

Digər

1939 – 1945-ci illərdə sovet ordusunda hərbi xidmətdə olmuş, Böyük Vətən müharibəsi iştirak etmiş, Moskva və Stalinqrad cəbhələrində vuruşmuşdur.

Təltif və mükafatları

Bir orden və bir neçə medalla təltif olunub.

• “1941 – 1945-ci illər Böyük Vətən müharibəsində Almaniya üzərində qələbəyə görə” medalı (1945).

Vəfatı

29 sentyabr 1971-ci il tarixdə – 58 yaşında, Şəkidə vəfat edib.

Həmçinin, bax:

• Azərbaycan KP Şəki şəhər partiya komitəsinin birinci katibləri.

Ədəbiyyat

1. Исмаилов Фаррух Джаббарович : [arx. 28.09.2021] : [rus.] // Память народа. — Müraciət tarixi: 28.09.2021.
2. Məmmədov Ə., Xalıqov F. İsmayılov Fərrux // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 286-287. — 1.000 nüsx.
3. Şükürov R., Orsər R. İsmayılov Fərrux Cabbar oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 170. — (Ş 4702060200). — 1.000 nüsx. — ISBN 978995244710.