Diqqət! 4 aprel 2024-cü il tarixdən saytın yeni versiyası sheki.org domenində fəaliyyət göstərir. Bu köhnə versiyadır və yenilənməsi məhdudlaşdırılıb. Lakin 6 yanvar 2025-ci il tarixədək bu vəziyyətdə internetdə qalacaqdır...
Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur.

İrodion Nanobov

Şəki Ensiklopediyası səhifəsi
Jump to navigation Jump to search
İrodion İordanoviç Nanobov
Doğum tarixi ≈ 1840
Uşaqları
  • Михаил Nanobaşvili (Mişel d'Arial), tenor, opera solisti;
  • İrakli İrodionoviç Nanobov
  • Aleksiy İrodionoviç Nanobov
Atası İordan
Peşəsi keşiş (pravoslav)

İrodion İordanoviç Nanobov (rus.: Иродион Иорданович Нанобов) — pravoslav kilsə xadimi, 1877 – 1884-cü illərdə Nuxa Üçmüqəddəs kilsəsinin, daha sonra Zaqafqaziya Dəmir yolları kilsəsinin keşişi olub. Məşhur tenor, opera solisti Mişel d'Arialın atasıdır.

Haqqında məlumatlar

Sabiq Nuxa Üçmüqəddəs kilsəsinin binası, 2013-cü il

1876-cı ildə Telavi ruhani məktəbində xəttatlıq və nəğmə fənni[1], Telavi müq. Nina qadın təhsil müəssisəsində isə öz təriqəti üzrə dini qaydalar (həm də gürcü dili) dərsi deyirdi[2]. 1877-ci ildə Nuxa Üçmüqəddəs kilsəsinin keşişi olub. 8 noyabr 1877-ci il tarixli “Kavkaz” qəzetində göstərilir ki Nuxa şəhər kilsəsinin keşişi İrodion Nanabov 117 manat 85 qəpik pul toplayıb Qızıl Xaçın Qafqaz Bölməsinə təhvil verib[3].

Tarixi 1880-сı ildən əvvələ aid edilməyən bir sənəddə də Nuxa Üçmüqəddəs kilsəsinin keşişi olduğu, yaşının isə 40 olması qeyd edilib[4].

1881, 1883 və 1884-ci il mənbələrində də Nuxada keşiş olması və üçillik Nuxa şəhər məktəbində öz təriqəti üzrə dini dərs deməsi göstərilir[5][6][7].

1887-ci ildə Zaqafqaziya Dəmir yolları kilsəsinin keşişi idi[8].

1896-cı ildə Tiflisdəki Zaqafqaziya Dəmir yolları məktəbində öz təriqəti üzrə dini dərs deyirdi. Oğlu Aleksiy İrodionoviç Nanobov da həmin vaxt, həmin məktəbin müəllimi idi[9].

Bəzi məlumatlara görə İrodion Nanabovun gözəl səsi varmış və keşişlikdən əvvəl Gürcüstan ekzarxı yanında xor ansamblının üzvü olubmuş; oğlu Mixail Nanobaşvili isə dünyada tanınan tenor olub, 1920-ci ildə Parisə mühacirət etmiş “Mişel d'Arial” adı ilə orada opera solisti kimi fəaliyyət göstərmişdir[10].

İstinadlar

  1. ↑ Кавказский календарь, 1876 (2).
  2. ↑ Кавказский календарь, 1876.
  3. ↑ Кавказ, 1877.
  4. ↑ Электронный каталог РГИА, 1880.
  5. ↑ Кавказский календарь, 1881.
  6. ↑ Кавказский календарь, 1883.
  7. ↑ Кавказский календарь, 1884.
  8. ↑ Де Бур Юрий Львович, 2016.
  9. ↑ Кавказский календарь, 1895.
  10. ↑ Малхаз Эбралидзе, 2012.

Ədəbiyyat

  1. Кавказ. — Тифлис, 1877. — № 226.
  2. Духовныя училища: // Кавказский календарь. — Тифлис, 1876 (2). — С. 65.
  3. Телавское женское учебное заведение Св. Нины. // Кавказский календарь. — Тифлис, 1876. — С. 87.
  4. Народныя училища. // Кавказский календарь. — Тифлис, 1881.
  5. Народныя училища. // Кавказский календарь. — Тифлис, 1883.
  6. Народныя училища. // Кавказский календарь. — Тифлис, 1884. — С. 92.
  7. Тифлисск. дирекция народн. училищ. // Кавказский календарь. — Тифлис, 1895. — С. 277.
  8. "Нанобов Иродион Иорданович" (русский). fgurgia.ru. 1880. 23.09.2019 tarixində arxivləşdirilib.
  9. Де Бур Юрий Львович - российский, советский и латвийский актёр (rus.). ourbaku.com (2016). Arxivləşdirilib (23 sentyabr 2019).
  10. Мишель д’Ариал – грузинский тенор «Гранд-опера» (rus.). 5nata5.livejournal.com (2012). Arxivləşdirilib (24 sentyabr 2019).
 Nuxa Üçmüqəddəs kilsəsi
Keşişlər Yevstafi Xusiyev (1851 – 1867) • Semyon Begiyev (1868 – 1876) • İrodion Nanobov (1877 – 1884) • Vasili Karbelov (1885 – 1887) • Canayev (1888 – 1889) • David Utiyev (1890 – ən tezi 1916)Şəki - Dairəvi məbəd, Nuxa Üçmüqəddəs kilsəsi.jpg
Zəbur oxuyan Qavriil Peçenski (1894 – 1896)
Mənbə — "https://shaki.info/wiki/index.php?title=İrodion_Nanobov&oldid=48208"