Əbdülhəmid Həmidov

Əbdülhəmid Həmidov
Həmidov Əbdülhəmid Məcid oğlu
Əbdülhəmid Həmidov.
Anadan olub	15 may 1906(1906-05-15)
Anadan olduğu yer	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat edib	26 dekabr 1979 (73 yaşında)
Vəfat etdiyi yer	Şəki, Azərbaycan SSR, SSRİ
Təhsili	Nuxa Dövlət Müəllimlər İnstitutu (–1948)
Mükafatları

Əbdülhəmid Həmidov (1906–1979) — sovet dövründə Şəkidə partiya və dövlət məmuru olmuş, həmçinin, jurnalist kimi fəaliyyət göstərmiş tanınmış şəxs; müxtəlif illərdə “Nuxa fəhləsi” qəzetinin redaktoru, Nuxa şəhər zəhmətkeş deputatları soveti icraiyyə komitəsinin sədri və digər məsul vəzifələrdə çalışmışdır.

Haqqında məlumatlar

15 may 1906-cı il tarixdə Nuxada (indiki Şəki), fəhlə ailəsində anadan olub.

Təhsili

1948-ci ildə Nuxa Dövlət Müəllimlər İnstitutunu bitirib.

Əmək fəaliyyəti

1919 – 1923-cü illərdə Nuxadakı ipək fabriklərində fəhlə işləyib.

1927 – 1929-cu illərdə qəza komsomol komitəsinin təbliğat-təşviqat və təşkilat şöbələrinin müdiri vəzifəsində çalışıb.

Daha sonralar, Nuxa şəhər partiya komitəsində təlimatçı, Nuxa şəhər radio verilişlərinin müvəkkili, Nuxa şəhər zəhmətkeş deputatları soveti icraiyyə komitəsinin sədri və sədr müavini, Nuxa şəhər partiya komitəsində təşkilat şöbəsinin müdiri və s. vəzifələrdə çalışıb. O cümlədən, müxtəlif illərdə “Gənc işçi” qəzetinin şöbə müdiri, “Nuxa fəhləsi” qəzetinin redaktoru, redaktor müavini və şöbə müdiri olub.

Təltif və mükafatları

• “Qırmızı Əmək Bayrağı” ordeni (SSRİ);
• “Qafqazın müdafiəsinə görə” medalı;
• “1941-1945-ci illər Böyük Vətən müharibəsində Almaniya üzərində qələbəyə görə” medalı;
• Lenin yubiley medalı (1970);
• Azərbaycan SSR Ali Sovetinin Fəxri fərmanı – mətbuat və poliqrafiya sahəsində uzun illər səmərəli işlədiyinə görə və “Şəki fəhləsi” qəzetinin 50 illiyi ilə əlaqədar olaraq (1971).

İctimai-siyasi fəaliyyəti

1923-cü ildə komsomol sıralarına daxil olub.

1927-ci ildən kommunist partiyasının üzvü olub.

1948-ci ildə Nuxa rayon Sovetinə, 1959-cu ildə isə Nuxa şəhər Sovetinə deputat seçilib.

Vəfatı

26 dekabr 1979-cu il tarixdə – 73 yaşında, Şəkidə vəfat edib.

Ədəbiyyat

1. Ə.M.Həmidov (nekroloq) (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1980. —10 yanvar  c. — № 1 – 2 (1362). — Səh. 4.