Bu məqalə Şəki Ensiklopediyasının yaxşı məqalələrindən biridir və müəlliflik hüququ Şəki Ensiklopediyasına məxsusdur.

Lütfəli Həsənov

Şəki Ensiklopediyası səhifəsi
Jump to navigation Jump to search
Lütfəli Həsənov
Həsənov Lütfəli Əkbər oğlu
Lütfəli Həsənov
Lütfəli Həsənov
Doğum tarixi 10 may 1916(1916-05-10)
Doğum yeri Nuxa, Nuxa qəzası, Yelizavetpol quberniyası, Flag of Russia.svg Rusiya İmperiyası
Vəfatı 4 avqust 1976 (60 yaşında)
Vəfat yeri Şəki, Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Vətəndaşlığı Flag of the Soviet Union.svg SSRİ
İxtisası həkim
Təhsili Azərbaycan Dövlət Tibb İnstitutu (1932 – 1937)
İlk əsəri “Qızıl Bakı”, “Gecənin təranəsi” adlı şeirlər (“Ədəbiyyat” qəzeti, 1937)
Mükafatları "Qırmızı Ulduz" ordeni"Döyüş xidmətlərinə görə" medalı"Leninqradın müdafiəsinə görə" medalı"1941-1945-ci illər Böyük Vətən müharibəsində Almaniya üzərində qələbəyə görə" medalı

Lütfəli Həsənov – həkim, yazıçı və dramaturq, 1953 – 1976-cı illərdə Nuxada/Şəkidə həkim – terapevt işləmiş, Sanitariya Maarif Evinin müdiri olmuşdur. 2016-cı ildə Azərbaycan Respublikasının Mədəniyyət Nazirliyi tabeliyindəki müəssisələrdə 100 illik yubileyi qeyd olunub.

Haqqında məlumatlar[redaktə | əsas redaktə]

10 may 1916-cı il tarixdə Nuxada, sənətkar ailəsində anadan olub.

Təhsili[redaktə | əsas redaktə]

1931-ci ildə Nuxa şəhərindəki yeddiillik məktəbi bitirib.

1932 – 1937-ci illərdə Azərbaycan Dövlət Tibb İnstitutunda təhsil alıb.

Əmək fəaliyyəti[redaktə | əsas redaktə]

1937 – 1939-cu illərdə, Ağdaş rayonunda iki il həkim işləyib.

1939 – 1947-ci illərdə sovet ordusunda həkim kimi xidmət edib, o cümlədən, hərbi qospitalda şöbə müdiri vəzifəsində çalışıb.

1953 – 1976-cı illərdə Nuxada/Şəkidə həkim – terapevt işləyib, Sanitariya Maarif Evinin müdiri olub.

Məhkumluğu[redaktə | əsas redaktə]

1947-ci ildə antisovet təbliğatda günahlandırılaraq 7 il müddətinə azadlıqdan məhrum edilib.

Yaradıcılığı[redaktə | əsas redaktə]

Ədəbi yaradıcılığa şeir və hekayələrlə başlayıb. “Qızıl Bakı” və “Gecənin təranəsi” adlı şeirləri 1937-ci ildə “Ədəbiyyat” qəzetində dərc olunub.

1954-cü ildə Azərbaycan Yazıçılar İttifaqına üzv qəbul edilib.

“Qardaş torpağı” adlı ilk pyesi isə “Azərbaycan” jurnalında çap olunub. “Günəş” adlı pyesi 1957-ci ildə Kirovabad Dram Teatrında tamaşaya qoyulub. Sonrakı illərdə “Qara eynəkli adam”, “İntiqam”, “Dayaqsız adam”, “Baş həkim”, yaxud “O qayıdacaqmı?”, “Okeanın o tayında” adlı dram əsərlərini qələmə alıb, lakin birincisi istisna olmaqla, digərləri çap olunmayıb.

Lütfəli Həsənovun qələmə aldığı hekayələrdən bir çoxu isə “Nuxa fəhləsi” qəzetində dərc olunub. O, həm də uzun illər bu qəzetin redaksiyasının nəzdində fəaliyyət göstərən “Səbuhi” ədəbi məclisinə də rəhbərlik edib.

Şeir və dram əsərlərindən başqa, Lütfəli Həsənovun 1971-ci ildə “Ürəklə söhbət” adlı yaddaşı, 1967-ci ildə isə “Bizim iş təcrübəmiz” adlı metodik materialları da çap olunub.

Vəfatı[redaktə | əsas redaktə]

4 avqust 1976-cı il tarixdə Şəkidə vəfat edib.

Təltif və mükafatları[redaktə | əsas redaktə]

Ədəbiyyat[redaktə | əsas redaktə]

  • MƏDƏNİYYƏT VƏ TURİZM NAZİRLİYİ (2016). "2016-Cİ İL ÜÇÜN ƏLAMƏTDAR VƏ TARİXİ GÜNLƏR TƏQVİMİ" (PDF). www.azkurs.org (azərb.). www.azkurs.org. 155. 30 May 2017 – 21 Jan 2020 tarixində arxivləşdirilib.
  • Kamil Adışirinov (21.02.2014). ""Baş həkim" pyesini yazan həkim". shrem.io.ua (azərb.). shrem.io.ua. 26 Mar 2015 tarixində arxivləşdirilib.