Mikayıl Cəbrayılov

Mikayıl Cəbrayılov
Cəbrayılov Mikayıl Əhmədiyyə oğlu
Mikayıl Cəbrayılov.
Doğum tarixi	27 aprel 1952(1952-04-27)
Doğum yeri	Oxud, Nuxa rayonu, Azərbaycan SSR, SSRİ
Vəfat tarixi	15 dekabr 1990 (38 yaşında)
Vəfat yeri	Xocalı rayonu, Azərbaycan SSR, SSRİ
Dəfn yeri	Oxud, Şəki rayonu, Azərbaycan, SSRİ
Vətəndaşlıq	SSRİ
Atası	Əhmədiyyə Cəbrayılov
Anası	Sürayyə Cəbrayılova
Təhsili	Milis Məktəbi (1976–1978)
Hərbi fəaliyyəti
Rütbə	milis baş leytenantı
Təltifləri
Commonsda da Mikayıl Cəbrayılov ilə əlaqəli mediafayllar var

Mikayıl Cəbrayılov (1952–1990) — Birinci Qarabağ müharibəsi şəhidi və Azərbaycanın Milli Qəhrəmanı. Fransa partizan hərəkatının əfsanəvi döyüşçüsü Əhmədiyyə Cəbrayılovun oğludur.

Haqqında məlumatlar

27 aprel 1952-ci il tarixdə Nuxa (indiki Şəki) rayonunun Oxud kəndində anadan olub.

Təhsili

1959 – 1967-ci illərdə Oxud kənd məktəbində səkkizillik təhsil alıb.

1967 – 1969-cu illərdə Şəki (Nuxa) şəhər 5 saylı fəhlə-gənclər məktəbində oxuyub.

1976 – 1978-cı illərdə Milis Məktəbində oxuyub və milis leytenantı rütbəsi alıb.

Əmək fəaliyyəti

1969-cu ildə V.İ.Lenin adına Şəki ipək kombinatında əmək fəaliyyətinə başlayıb.

1971-ci ildə Şəki şəhər Daxili İşlər şöbəsinə milis nəfəri vəzifəsinə qəbul edilib.

1978-ci ildən Şəki şəhərində sahə müvəkkili işləyirdi.

Vəfatı

12 dekabr 1990-cı il tarixdə dörd nəfər milis əməkdaşı ilə Qarabağa ezam olunub; onlar Cəmilli kəndinin müdafiəsini təşkil etməli idilər. Mikayıl Cəbrayılov dekabrın 15-də mühasirədə qalmış Cəmilli kəndinin əhalisi üçün ayrılmış 4 ton taxılı gətirmək üçün 15 nəfərlik dəstə ilə Kosalar kəndinə yola düşüb. Cəmilli – Kosalar kəndləri arasında ermənilər qəflətən hücuma keçiblər. Snayper gülləsi bir milis serjantını yaralayıb. Az sonra Mikayıl Cəbrayılov da çiynindən yaralanıb. O, maşından yerə atılıb və yoldaşlarının həyatını xilas etmək üçün atışmağa başlayıb; ermənilərin hücumunun qarşısını qəhrəmanlıqla alsa da son anda özü döyüş meydanında həlak olub.

Şəki rayonunun Oxud kəndində dəfn edilib.

Ailəsi

Ailəli idi. Bir övladı var.

Təltifləri

Ölümündən sonra SSRİ-nin “Qırmızı Ulduz” ordeninə və daha sonra “Azərbaycanın Milli Qəhrəmanı” adına layiq görülüb.

Xatirəsi

Şəki şəhərində bir küçəyə adı verilib.

Həlak olduğu kənd onun adını daşıyır.

• Mikayıl Cəbrayılov şəhid olarkən, üstündə olmuş şəxsi əşyaları
• 

  Şəki şəhərindəki tarix-diyarşünaslıq muzeyində Mikayıl Cəbrayılovla bağlı stend

• 

  Bloknot

• 

  Pul

• 

  Daraq

Ədəbiyyat

1. Qaffarov A., Əmrahov M., İsmayılova G., Mirzəyeva S., Salamov A., Paşayev İ., Süleymanov B., Həmidli T. Ağlama, anam, ağlama! // Şəki qartalları / M.İ.Əmrahov . — Bakı: “Hüquq ədəbiyyatı”. — Səhifələrin sayı:  424. — Səh.: 9-13. — (Ş 4702060206–001/h 062–98).;
2. Vüqar Əsgərov Azərbaycanın Milli Qəhrəmanları / Redaktor: Kamil İsmayılov. — Bakı: Qapp-poliqraf, 2005. — Səhifələrin sayı:  250. — Səh.: 25. Arxivləşdirilib; arxivləşdirmə tarixi: 26 aprel 2019.;
3. Cəbrayılov Mikayıl Əhmədiyyə oğlu // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 592 s.). — Bakı: “Azərbaycan Milli Ensiklopediyası” Elmi Mərkəzi, 2014. —V  c. — Səh. 241. — ISBN 978-9952-441-10-9..