Qurban Cəlilov

Qurban Cəlilov
Cəlilov Qurban Nizaməddin oğlu
Qurban Cəlilov
Qurban Cəlilov.
Doğum tarixi	27 oktyabr 1927(1927-10-27)
Doğum yeri	Qışlaq, Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat tarixi	1 oktyabr 2000 (72 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	texnika elmləri doktoru
Elmi adı	professor
Təhsili	S.M.Kirov adına Azərbaycan Dövlət Uni­versiteti, riyaziyyatçı ixtisası (–1950) Azər­baycan SSR Elmlər Akademiyası Fizika və Riyaziyyat İnstitutu, aspirantura (1950–)
Evladı	Nizaməddin Cəlilov
Mükafatları

Qurban Cəlilov (1927–2000) — texnika elmləri doktoru, professor, Azərbaycan Milli Elmlər Akademiyasının həqiqi üzvü, AMEA Dərin Neft və Qaz Yataqları Problemləri İnstitutunun yeraltı hid­ro­dinamika şöbəsinin rəhbəri.

Haqqında digər məlumatlar

27 oktyabr 1927-ci ildə Nuxanın (indiki Şəki) Qışlaq kən­­dində anadan olub.

Təhsili

1934 – 1945-ci illərdə orta təhsil alıb.

1950-ci ildə S.M.Kirov adına Azərbaycan Dövlət Uni­versitetini riyaziyyatçı ixtisası üzrə biti­rib və Azər­baycan SSR Elmlər Akademiyası Fizika və Riyaziyyat İnstitutunun aspiranturasına daxil olub.

Elmi fəaliyyəti

1954-cü ildə “Neft konturunun hərəkəti və quyunun sulaşması ilə əlaqədar bəzi məsələlərin hidrodi­namik tədqiqi” mövzusunda namizədlik,

1963-cü ildə isə “Neftdaşıma (neftlilik) konturunun yerdəyişməsi, quyuların sulaşması və süzülmənin fəza məsə­lələri” mövzusunda doktorluq dissertasiyası mü­dafiə edib.

1966-cı ildə professor elmi adını alıb.

1972-ci ildə “Neft, qaz və qaz­kondensat yataqlarının işlənməsi və istis­marı” ixtisası üzrə Azərbaycan SSR EA-nın müxbir üzvü,

1989-cu ildə isə “Neft və qaz yataqlarının işlənməsi” ixtisası üzrə Azərbaycan SSR EA-nın həqiqi üzvü seçilib.

1980-cı ildən Azərbaycan Milli Elmlər Akademiyasının Yer haqqında elmlər bölməsinin akademik-katibinin müavini olub.

220-dən çox elmi əsərin, 4 monoqrafiyanın və 2 müəlliflik şəhadətnaməsinin müəllifidir.

2 elm­lər doktorunun elmi məsləhətçisi və 24 elmlər namizədinin elmi rəh­bəri olub.

Əmək fəaliyyəti

1954 – 1958-ci illərdə Azərbaycan SSR EA-nın Neft Ekspedi­si­yasında,

1958 – 1960-cı illərdə Azərbaycan SSR EA-nın Elmi-Tədqiqat Neftçıxarma İnstitutunda bö­yük elmi işçi vəzifəsində çalışıb.

1960-cı ildən Azərbaycan SSR EA Dərin Neft və Qaz Yataqları Problemləri İnstitutunda işləyib; o cümlədən,

1961 – 2000-cı illərdə yeraltı hid­ro­dinamika şöbəsinə rəh­bər­lik edib və həmçinin,

1974 — 1988-ci illərdə institutun elmi işlər üzrə direktor müavini vəzifəsində çalışıb.

İkinci iş yerləri

Azərbaycan Texniki Universitetində, Bakı Dövlət Universitetində və “Təfəkkür” universitetində mühazirələr oxuyub.

Təltif və mükafatları

• Vladimir İliç Leninin anadan olmasının 100 illiyi ilə əlaqədar yubiley medalı;
• “Xalqlar Dostluğu” ordeni;
• Azərbaycan SSR Ali Sovetinin və Azərbaycan SSR EA Rəyasət Heyəti­nin fəxri fərmanları;
• “Neft sənayesi əlaçısı” nişanı;
• Akademik İ.M.Qubkin adına mü­ka­fat.

Digər

Azər­baycan Sovet Ensiklopediyasının Texnika Elmləri Redaksiyası üzrə elmi məsləhətçisi, SSRİ EA-da neft-qaz yataqlarının işlənməsi üzrə elmi şuranın, Beynəlxalq Neftçi-Mühəndislər Cəmiyyətinin, Azərbaycan SSR EA Dərin Neft və Qaz Yataqları Problemləri İnstitutunda və Azərbaycan Dövlət Neft Akademiyasında ixtisaslaşdırılmış elmi şuraların, Azərbaycan Neft Ensiklopediyasının redaksiya heyətinin üzvü idi.

Vəfatı

1 oktyabr 2000-ci il tarixdə – 72 yaşında, Bakıda vəfat edib.

Ailəsi

• Oğlu: Nizaməddin Cəlilov – ədliyyə general-mayorudur (2013) və 2016-cı ildən Azərbaycan Respublikası Dövlət Təhlükəsizliyi Xidmətinin Heydər Əliyev Adına Akademiyasının rəis müavini vəzifəsində çalışır.
• Nəvəsi: Arzu Cəlilova – Azərbaycan bədii gimnastı, bədii gimnastika üzrə gənclər arasında I Dünya Çempionatının (Moskva, Rusiya Federasiyası, 2019-cu il) gümüş və bürünc, Avropa Çempionatının (Quadalaxara, İspaniya, 2018-ci il) bürünc medalçısıdır.

Ədəbiyyat

1. Məmmədov Ə., Xalıqov F. Cəlilov Qurban // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 88-90. — 1.000 nüsx.
2. "Vəfat etmiş həqiqi üzvlər/Cəlilov Qurban Nizaməddin oğlu". http://science.gov.az (azərb.). Azərbaycan Milli Elmlər Akademiyası. 28 Mar 2018 – 9 Aug 2020 tarixində arxivləşdirilib.
3. CƏLİLOV QURBAN NİZAMƏDDİN OĞLU // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 592 s.). — Bakı: “Azərbaycan Milli Ensiklopediyası” Elmi Mərkəzi, 2014. —V  c. — Səh. 271. — ISBN 978-9952-441-10-9.
4. Professor Qurban Cəlilovun materialları muzeydə qorunur : [arx. 01.10.2023] // Milli Azərbaycan Tarixi Muzeyi. — 2022. — 27 oktyabr. — Müraciət tarixi: 01.10.2023.