Ədil xan Yelisuyski

Ədil xan Sultanov
Sultanov Ədil xan Əhməd xan oğlu
Ədilxan Sultanov, 1915-ci il.
Digər adı	Ədil xan İlisuyski
Doğum tarixi	dekabr 1882(1882-12-00)
Doğum yeri	Nuxa (indiki Şəki), Nuxa qəzası, Rusiya İmperiyası
Vəfat tarixi	1970(1970-Şablondakı doğum və ya ölüm tarixində texniki yanlışlıq var!-00)
Vəfat yeri	Kirovabad (Gəncə), Azərbaycan SSR, SSRİ
Həyat yoldaşı	Bilqeys xanım Mehrəli bəy qızı
Uşaqları	Firdovsi (Bilqeys xanımdan), iki oğlan (ikinci arvaddan)
Atası	Əhməd xan
Anası	Pəri xanım
Vətəndaşlıq	SSRİ

Ədil xan Sultanov (1882–1970) — atçılıq sahəsi üzrə tanınmış mütəxəssis. Həm İlisu sultanlarının, həm Şəki xanlarının, həm də Xoyskilərin nəslindən idi

Haqqında məlumatlar

1882-ilin dekabr ayında Nuxada (indiki Şəki) anadan olub.

1891-ci ildə – 9 yaşı olarkən, 31 yaşlı atası vəfat edib.

Təhsili

1901-ci ildə Tiflis real məktəbini bitirib.

1904 – 1907-ci illərdə Novorossiya Universitetində təhsil alıb.

Əmək fəaliyyəti

1907-ci ildə Nuxanın 7 verstliyində, atasının şərəfinə onun adını daşıyan Əhmədbəyli at zavodunu (atçılıq təsərrüfatı) yaradıb. Bir neçə ildən sonra həmin zavodu Daşüz kəndinə köçürüb.

1914-cü ildə onun at zavodunda 300 başdan artıq at olub. Birinci Dünya müharibəsinin başlanmasından sonra bu atlardan əvvəl 60, sonra 40, daha sonra 25 başını rus ordusuna verib.

1920-ci ildə Azərbaycanda sovet hökumətinin qurulmasından sonra isə onun yerdə qalan 160 baş atdan ibarət at zavodu milliləşdirilib. Lakin bu təsərrüfatın idarə edilməsinə elə özü də rəhbər təyin edilib və 1928-ci ilədək həmin vəzifədə qalıb.

1928-ci ildə Tiflisə köçüb və Zaqafqaziya SFSR Kənd təsərrüfatı nazirliyində atçılıq sahəsi üzrə müxtəlif vəzifələrdə çalışıb.

Ailəsi

Ədil xan (solda, ayaq üstə); Mehrəli bəy – Ədil xanın qayınatası (solda, oturan yerdə), Xanoğlan bəy – Ədil xanın qaynı və Mehrəli bəyin oğlu (sağda, ayaq üstə); Bilqeys xanım – Ədil xanın arvadı, Mehrəli bəyin qızı və Xanoğlan bəyin bacısı (oturan yerdə, sağda)

İki dəfə ailə qurub.

Birinci arvadı Bilqeys xanım Mehrəli bəy qızından doğulmuş qızı Firdovsi Azərbaycanın sovetləşməsindən sonra Türkiyədə qalıb (1960-cı illərdə bir dəfə Kirovabada (indiki Gəncə) gəlib və atası ilə görüşüb). İkinci arvadından doğulmuş iki oğlu isə özü ilə birlikdə Kirovabadda yaşayıb.

Vəfatı

1970-ci ildə – 88 yaşında, Kirovabadda (indiki Gəncə) vəfat edib.

Nəsil şəcərəsi

İsmayıl xan

Hacı Tuti ağa

İsgəndər xan Xoyski

Səadət bəyim

?

Səkinə bəyim

əvvəl Zaman bəy Şeyxəlibəyov, sonra Həsən xan Sultanov

Səltənət bəyim

Cahangir xan Xoyski

Səltənət bəyim

Əhməd xan

Pəri xanım

Əfşan xanım

Əmiraslan xan Xoyski

Sara bəyim

Sehran bəyim

Teymur xan

Ədil xan

Cəfər ağa

Bilqeyis bəyim

Azad Xan-Xoyski (Cahangirli)

Ədəbiyyat

1. Nəbiyev Ə. Конный завод в «Ахмедбейли» // Əhməd Nəbiyevin qələmə aldığı Şəki haqqında tarixi-etnoqrafik materiallar (əlyazma). — təx. 1970.
2. Ədilxan İlisuyski (1888–1970) // İlisu (ensiklopedik məlumat kitabı) / Murtuzayev S.M. (tərtibçi). — İkinci nəşr. — Bakı: Vətən, 2012. — Səhifələrin sayı:  416. — Səh.: 334 – 336. Arxivləşdirilib; arxivləşdirmə tarixi: 27 yanvar 2024.
3. Salamoğlu A. Ədil xan. — Bakı: Şərq – Qərb, 2008. — Səhifələrin sayı:  288. — 200 nüsx.