Hüseyn Rəsulov

Hüseyn Rəsulov
Rəsulov Hüseyn Bəxtiyar oğlu
Hüseyn Rəsulov.
Anadan olub	23 yanvar 1923(1923-01-23)
Anadan olduğu yer	Nuxa (indiki Şəki), Nuxa qəzası, Azərbaycan SSR, ZSFSR, SSRİ
Vəfat edib	28 aprel 1991 (68 yaşında)
Vəfat etdiyi yer	Şəki, Azərbaycan
Vətəndaşlıq	SSRİ
Təhsili	• Nuxa Pedaqoji Məktəbi (–1941)  • Nuxa Dövlət Müəllimlər İnstitutu (1943–1945)
Mükafatları

Hüseyn Rəsulov (1923–1991) — tanınmış pedaqoq, Azərbaycan SSR əməkdar müəllimi. Uzun müddət əvvəl Şəki şəhər 10 №-li orta məktəbinin direktoru vəzifəsində çalışmış, sonra isə uzun müddət Şəki rayon Xalq Maarif şöbəsinin müdiri olmuşdur. Həmçinin, ədəbi yaradıcılıqla da məşğul idi.

Haqqında məlumatlar

23 yanvar 1923-cü il tarixdə Nuxada (indiki Şəki) anadan olub.

Təhsili

1941-ci ildə Nuxa Pedaqoji Məktəbini bitirib.

1941-ci ilin sentyabr ayından 1942-ci ilin fevral ayına qədər Suxumu hərbi-piyada (atıcı-pulyomotçu) məktəbində,

1943 — 1945-ci illərdə Nuxa Dövlət Müəllimlər İnstitutunda təhsil alıb.

Hərbi xidmətdə

5 avqust 1941-ci ildə Sovet Ordusu sıralarına çağırılıb.

1942-ci ilin fevral ayında kiçik leytenant rütbəsi alıb (Suxumu hərbi-piyada (atıcı-pulyomotçu) məktəbinini bitirdiyinə görə).

8 mart 1942-ci il tarixdə SSRİ Silahlı Qüvvələrinə xidmətə götürülüb.

1942-ci ilin mart ayından dekabr ayına kimi 416-cı Azərbaycan diviziyasında bölük və vzvod komandiri olub.

1942-ci ilin dekabr ayında əlindən yaralandığına görə ordudan tərxis edilib.

Əmək fəaliyyəti

1941-ci ildə bir neçə ay Nuxa rayonunun Aşağı Göynük kəndində müəllim,

1945 – 1946-cı illərdə Nuxa şəhər 6 №-li orta məktəbində müəllim və dərs hissə müdiri işləyib.

1946 – 1974-cü illərdə Nuxa/Şəki şəhər M.Qorki adına 10 №-li orta məktəbində işləyib; o cümlədən, əvvəl ibtidai siniflər üzrə tədris hissə müdiri,

1950-ci ildən direktor,

1959-cu ildən Nuxa şəhər soveti sədrinin müavini,

1974-cü ilin mart ayından 1974-cü ilin sentyabr ayınadək Şəki şəhər Xalq Maarif şöbəsinin,

1974-cü ilin sentyabr ayından 1986-ci ilədək Şəki rayon Xalq Maarif şöbəsinin müdiri olub.

Daha sonra Şəki şəhər Xalq Maarif şöbəsində metodist vəzifəsində çalışıb.

Ədəbi fəaliyyəti

1950-ci illərin əvvəllərində ədəbi yaradıcılığa başlayıb. Yaradıcılığında əsas yeri epik əsərlər tutub. Əsərlərini respublika və yerli mətbuatda “Hüseyn Rəsullu” imzası ilə çap etdirib.

1957-ci ildə “Günəş” pyesi Kirovabad Dram Teatrında,

1959 – 1965-ci illər arasında həmmüəllifi olduğu (Lütfəli Həsənovla birlikdə) “Bağışla məni, əzizim” pyesi Məmmədkəbir Hacıoğlunun rejissorluğu ilə Nuxa Xalq Teatrında tamaşaya qoyulub.

İctimai aktivliyi

1957-ci, 1959-cu və 1961-ci illərdə altıncı, yeddinci və səkkizinci çağırış Nuxa şəhər sovetinin deputatı seçilib.

Təltif və mükafatları

• “Qabaqcıl maarif xadimi” döş nişanı;
• “Azərbaycan SSR əməkdar müəllimi” fəxri adı (1965);
• I dərəcəli “Vətən Müharibəsi” ordeni (1987).

Vəfatı

28 aprel 1991-ci il tarixdə – 68 yaşında, Şəkidə vəfat edib.

Ədəbiyyat

1. Расупов Гусейн Бахтыр-оглы : [arx. 19.07.2021] : [rus.] // Память народа. — Müraciət tarixi: 19.07.2021.
2. Расулов Гусейн Бахтияр-оглы : [arx. 19.07.2021] : [rus.] // Память народа. — Müraciət tarixi: 19.07.2021.
3. Mete Ə. Rəsulov Hüseyn Bəxtiyar oğlu // O torpağın övladları. — Bakı: Nurlan, 2006. — Səhifələrin sayı:  608. — Səh.: 122. — 500 nüsx.
4. Şükürov R., Orsər R. Rəsulov Hüseyn Bəxtiyar oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 196-197. — (Ş 4702060200). — 1.000 nüsx. — ISBN 978995244710.
5. Orsər R. Hüseyn Rəsulov // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 265-268. — 500 nüsx. — ISBN 978-9952-8176-5-2.
6. Adışirinov K.F. (kitaba keçid) // Yaqub Mahirin poetik irsi (dövrü, mühiti, həyatı və yaradıcılığı) / AMEA Şəki Regional Elmi Mərkəzi. — Bakı: Elm və təhsil, 2020. — Səhifələrin sayı:  353. — Səh.: 43. — ISBN 978-9952-8175-0-7. Arxivləşdirilib; arxivləşdirmə tarixi: 20 aprel 2021.

Həmçinin, bax:

• Şəki (Nuxa) rayon və şəhər Sovetlərinin sədr, sədr müavini və katiblərinin siyahısı
• Altıncı çağırış Nuxa rayon və şəhər sovetlərinin deputatlarının siyahısı (1957)
• Yeddinci çağırış Nuxa rayon və şəhər sovetlərinin deputatlarının siyahısı (1959)
• Səkkizinci çağırış Nuxa rayon və şəhər sovetlərinin deputatlarının siyahısı (1961)