Faiq Əhmədov

Faiq Əhmədov
Əhmədov Faiq Abduləvvəl oğlu
Faiq Əhmədov.
Doğum tarixi	16 oktyabr 1940(1940-10-16)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	15 fevral 2011 (70 yaşında)
Vəfat yeri	Bakı, Azərbaycan
Dəfn yeri	Şəki, Azərbaycan
Vətəndaşlıq	SSRİ→ Azərbaycan
İş yeri	Bakı Dövlət Universiteti, optika və molekulyar fizika kafedrası (kafedranın müdiri)
Elmi dərəcəsi	fizika-riyaziyyat elmləri doktoru
Elmi adı	professor
Təhsili	• S.M.Kirov adına Azərbaycan Dövlət Universiteti, fizika-riyaziyyat fakültəsi (1957–1962)  • M.V.Lomonosov adına Moskva Dövlət Universiteti, aspirantura(1962–1965)
Evladları	Sahir və Nicat
Mükafatları

Faiq Əhmədov (1940–2011) — fizika-riyaziyyat elmləri doktoru, professor, Azərbaycan Respublikasının əməkdar müəllimi, Bakı Dövlət Universitetinin optika və molekulyar fizika kafedrasının müdiri.

Haqqında məlumatlar

16 oktyabr 1940-cı il tarixdə Nuxada (indiki Şəki) anadan olub.

Təhsili

1957-ci ildə Nuxa şəhər 12 №-li orta məktəbini bitirib.

1957 – 1962-ci illərdə S.M.Kirov adına Azərbaycan Dövlət Universitetinin fizika-riyaziyyat fakültəsində,

1962 – 1965-ci illərdə M.V.Lomonosov adına Moskva Dövlət Universitetinin aspiranturasında təhsil alıb.

Elmi fəaliyyəti

1966-cı ildə “Kristallaşan polimerlərin mexaniki xassələrinin tədqiqi” mövzusunda namizədlik dissertasiyasını,

1992-ci ildə isə “Quruluş xüsusiyyətlərini nəzərə alaraq makromolekulyar sistemlərdə relaksasiya keçidlərinin tədqiqi” mövzusunda doktorluq dissertasiyasını müdafiə edib.

100-dən artıq elmi məqalənin və 12 kitabın müəllifidir.

Əmək fəaliyyəti

1966-cı ildən S.M.Kirov adına Azərbaycan Dövlət Universitetinin/Bakı Dövlət Universitetinin optika və molekulyar fizika kafedrasında işləyib; o cümlədən,

1966-cı ildən müəllim,

1969-cu ildən baş müəllim,

1971-ci ildən dosent,

1993-cü ildən professor,

1996-cı ildən kafedranın müdiri vəzifəsini tutub.

Digər

ASE-də 150-dən artıq məqalənin müəllifidir.

Bakı Dövlət Universitetinin İxtisaslaşmış Müdafiə Şurasının üzvü olub.

Təltif və mükafatları

• “Azərbaycan Respublikasının əməkdar müəllimi” fəxri adı (2009).

Vəfatı

15 fevral 2011-ci il tarixdə – 70 yaşında, Bakıda vəfat edib. Şəkidə Dağ dibi qəbiristanlığında dəfn olunub.

Ədəbiyyat

1. Məmmədov Ə., Xalıqov F. Əhmədov Faiq // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 197. — 1.000 nüsx.
2. Əhmədov Faiq Abduləvvəl oğlu : [arx. 7 Jul 2011 - 3 Aug 2020] // Bakı Dövlət Universiteti, fizika fakültəsi. — Müraciət tarixi: 16.10.2021.
3. Əhmədov Faiq Abduləvvəl oğlu // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII  c. — Səh. 263. — ISBN 978-9952-441-13-0.