Məmmədsadıq Sadıqov

Məmmədsadıq Sadıqov
Sadıqov Məmmədsadıq Mustafa oğlu
Məmmədsadıq Sadıqov.
Doğum tarixi	13 dekabr 1924(1924-12-13)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	1994(1994-Şablondakı doğum və ya ölüm tarixində texniki yanlışlıq var!-00) (70 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	iqtisad
Elmi dərəcəsi	elmlər doktoru
Elmi adı	professor
Təhsili	• Nuxa Dövlət Müəllimlər İnstitutu, natamam (1941–1942)  • V.Plexanov adına Moskva Dövlət İqtisad İnstitutu, aspirantura  • Sov.İKP MK yanında İctimai Elmlər Akademiyası doktorantura (1976–)
Evladları	Mustafa, Paşa, Rühangül
Atası	Mustafa
Anası	Leyla
Elmi rəhbəri	prof. Q.F.İvanovun
Mükafatları

Məmmədsadıq Sadıqov (1924–1994) — iqtisad elmləri doktoru, professor. Uzun müddət Bakı Ali Partiya Məktəbində siyasi iqtisad kafedrasının müdiri vəzifəsində çalışmışdır.

Haqqında məlumatlar

13 dekabr 1924-cü il tarixdə Nuxada (indiki Şəki) anadan olub.

Təhsili

1941-ci ildə Nuxa şəhər 7 saylı orta məktəbini bitirib.

1941-ci ildə Nuxa Dövlət Müəllimlər İnstitutuna daxil olsa da Böyük Vətən müharibəsinin başlanması səbəbindən təhsilini yarımçıq buraxmağa məcbur olub.

1947 – 1952-ci illərdə K.Marks adına Azərbaycan Xalq Təsərrüfatı İnstitutunun siyasi-iqtisad qrupunda, sonra isə V.Plexanov adına Moskva Dövlət İqtisad İnstitutunun aspiranturasına,

1976-cı ildən isə Sov.İKP MK yanında İctimai Elmlər Akademiyasının doktoranturasında təhsil alıb.

Hərbi xidmətdə

Məmmədsadıq Sadıqovun hərbi sənədlərindəki gənclik şəkli.

1942-ci ilin noyabr ayında Nuxa Rayon Hərbi Komissarlığından hərbi xidmətə götürülüb. Böyük Vətən müharibəsi iştirakçısıdır. Qara dəniz donanmasında xidmət edib.

1945-сi ilin may ayında baş qızıldonanmaçı (baş matros) rütbəsində idi.

5 yanvar 1947-ci il tarixdə ordudan tərxis olunub.

Elmi fəaliyyəti

1956-cı ildə “Şəhər ilə kənd arasında mühüm fərqlərin aradan qaldırılması” mövzusunda namizədlik dissertasiyasını müdafiə edib.

1961-ci ildə dosent elmi adını alıb.

1977-ci ildə “Şəhər ilə kənd arasında sosial-iqtisadi fərqlərin aradan qaldırılması” mövzusunda doktorluq dissertasiyasını müdafiə edib.

1979-cu ildə professor elmi adını alıb.

70-dək monoqrafiya, dərslik, dərs vəsaiti, elmi-kütləvi kitab və məqalələrin müəllifidir.

Kitabları

• Azərbaycanda məhsuldar qüvvələrin yerləşdirilməsi (Azərnəşr, 1962);
• Şəhər ilə kənd arasında mühüm fərqlərin aradan qaldırılmasında mühüm addım (Azərnəşr, 1968);
• Şəhər ilə kənd arasında fərqlərin aradan qaldırılması problemləri (Azərnəşr, 1970),
• Siyasi iqtisad (Maarif, 1972);
• Siyasi iqtisad (Maarif, 1975);
• Azərbaycan SSR kənd rayonları gənclərinin peşə yönümü və peşə seçiminin müasir vəziyyəti (AzNİİNTİ, 1976);
• Şəhər ilə kənd arasında sosial-iqtisadi fərqlərin aradan qaldırılması (Azərnəşr, 1978).

Əmək fəaliyyəti

1956-cı ildən Bakı Ali Partiya Məktəbinin siyasi iqtisad kafedrasında əvvəl müəllim, sonra dosent, daha sonra kafedra müdiri vəzifəsində çalışıb.

Təltif və mükafatları

Bir neçə orden və medallarla təltif edilmişdir;

• “Döyüş xidmətlərinə görə” medalı (29.05.1945);
• “Qafqazın müdafiəsinə görə” medalı;
• “1941–1945-ci illər Böyük Vətən müharibəsində Almaniya üzərində qələbəyə görə” medalı;
• “Xalqlar dostluğu” ordeni;
• II dərəcəli “Vətən Müharibəsi” ordeni.

Ailəsi

1930-cu ildə atası,

1943-cü ildə isə anası vəfat edib. Elə həmin ildə kiçik qardaşı da müharibədə həlak olub.

Həyat yoldaşı Leyla M.Ə.Rəsulzadə adına Azərbaycan Dövlət Universitetinin siyasi iqtisad kafedrasının dosenti, iqtisad elmləri namizədi olub.

Böyük oğlu Mustafa Sadıqov əməkdar müəllimdir, Azərbaycan Dövlət İqtisad Universitetinin dosentidir.

Kiçik oğlu Paşa Moskvada Beynəlxalq Əlaqələr İnstitutunu fərqlənmə diplomu ilə bitirib və Hindistanda ticarət nümayəndəsi vəzifəsində çalışıb.

Qızı Rühangül isə Dadaş Bünyadzadə adına Azərbaycan Xalq Təsərrüfatı İnstitutunu bitirib və Mingəçevirdə texnikumda siyasi iqtisad müəllimi işləyib.

Vəfatı

1994-cü ildə – 70 yaşında, Bakıda vəfat edib.

Ədəbiyyat

1. Садыхов Мамедсадых Мустафаевич : [arx. 27.03.2024] : [rus.] // [Садыхов Мамедсадых Мустафаевич Память народа]. — Müraciət tarixi: 27.03.2024.
2. Садыков Мамедсадык Мустафаевич : [arx. 27.03.2024] : [rus.] // [Садыхов Мамедсадых Мустафаевич Память народа]. — Müraciət tarixi: 27.03.2024.
3. Məmmədov Ə., Xalıqov F. Sadıqov Məmmədsadıq // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 495-496. — 1.000 nüsx.
4. Mete Ə. Tanınmış iqtisadçılar // O torpağın övladları. — Bakı: Nurlan, 2006. — Səhifələrin sayı:  608. — Səh.: 276-277. — 500 nüsx.
5. dos. Sadıqov Mustafa Məmmədsadıq oğlu : [arx. 12 Sep 2016 - 3 Mar 2022] // Azərbaycan Dövlət İqtisad Universiteti. — Müraciət tarixi: 27.03.2024.