Məmmədəmin Əsgərzadə

Məmmədəmin Əsgərzadə
Əskərzadə Məmmədəmin Əskər oğlu
Məmmədəmin Əsgərzadə.
Doğum tarixi	15 may 1919(1919-05-15)
Doğum yeri	Nuxa (indiki Şəki), Azərbaycan Cümhuriyyəti
Vəfat tarixi	7 fevral 2009 (89 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Uşaqları	Səadət, Məlahət və Əsgər
Hərbi fəaliyyəti
Rütbə	podpolkovnik
Təltifləri

Məmmədəmin Əsgərzadə (1919–2009) — həkim-hərbçi, tibb xidməti podpolkovniki (polkovnik-leytenant).

Haqqında məlumatlar

15 may 1919-cu il tarixdə Nuxada (indiki Şəki) anadan olub.

1933-cü ildə – 14 yaşı olarkən, Bakıda işləyən böyük qardaşı Saleh Əsgərzadənin yanına gedib.

Təhsili

Azərbaycan Tibb İnstitutunu bitirib.

Əmək və hərbçi fəaliyyəti

“Qızıl Şərq” hərbi şəhərciyi (Salyan kazarması); birinci sırada sağdan birinci kapitan Abbasəli Əliyev, ikinci sırada sağdan birinci podpolkovnik Məmmədəmin Əsgərzadə...

6 noyabr 1942-ci il tarixdə Sovet Ordusunda həkim-hərbçi kimi xidmətə başlayıb. Azərbaycan ərazisində təşkil edilmiş 223-cü diviziyanın həkimi olub. Qafqazdan Belqradadək döyüş yolu keçib.

30 aprel 1971-ci il tarixdə tibb xidməti podpolkovniki (polkovnik-leytenant) hərbi rütbəsi ilə Sovet Ordusundan tərxis olunub.

Digər

Azərbaycan ərazisində təşkil edilmiş 223-cü diviziya sonralar Belqrad şəhərinin azad edilməsi şərəfinə «223-cü “Qızıl Bayraq”lı Belqrad atıcı diviziyası» adlandırılıb. Diviziyanın polk komandirlərindən biri – Baxış Mehdiyev, 1983-cü ildə rusca çap olunmuş «223-cü Belqrad “Qızıl Bayraq”lısı» adlı kitabında Məmmədemin Əsgərzadənin həkim-hərbçi fəaliyyətindən də bəhs edib.

Təltif və mükafatları

• “Döyüş xidmətlərinə görə” medalı (26.12.1943);
• “Qafqazın müdafiəsinə görə” medalı (01.05.1944);
• “Qırmızı Ulduz” ordeni (11.03.1945);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (09.05.1945);
• “Qırmızı Ulduz” ordeni (31.05.1945);
• “Qırmızı Ulduz” ordeni (31.05.1945);
• “Belqradın azad edilməsinə görə” medalı (09.06.1945);
• “Vyananın alınmasına görə” medalı (09.06.1945);
• “Budapeştin alınmasına görə” medalı (09.06.1945);
• “Döyüş xidmətlərinə görə” medalı (21.08.1953);
• II dərəcəli “Vətən Müharibəsi” ordeni (06.04.1985).

Vəfatı

7 fevral 2009-cu il tarixdə – 89 yaşında, Bakıda vəfat edib.

Ailəsi

Mövsüm Salamov bacı-qardaşları ilə birlikdə (Birinci sırada soldan: Saleh Əsgərzadə, Səidə Salamova, Vahid Salamov; ikinci sırada sağdan: Qurbanəli Salamov, Mövsüm Salamov, Məmmədəmin Əsgərzadə)

.

• Atası: Əsgər Salamov, dəmirçi.
• Anası: Mariyə Hacı Zəkəriyyə qızı.
• Qardaş-bacıları: 1 bacısı və 4 qardaşı olub (şəkildə adları göstərilir).
• Övladları: Səadət Əsgərzadə – texnika elmləri doktoru, Əsgər Əsgərzadə və Məlahət Əskərzadə – həkim-kardioloq.

Ədəbiyyat

1. Аскер-Заде Мамедэмин Аскер-оглы : [arx. 17.07.2021] : [rus.] // Память народа. — Müraciət tarixi: 17.07.2021.
2. Əsgərzadə F. Bizim nəsil : [arx. 14.07.2021] : [azərb.] // Şəki Ensiklopediyası. — Müraciət tarixi: 14.07.2021.