Əlihüseyn Məmmədov

Əlihüseyn Məmmədov
Məmmədov Əlihüseyn Elşad oğlu
Əlihüseyn Məmmədov.
Doğum tarixi	24 yanvar 1998(1998-01-24)
Doğum yeri	Bakı, Azərbaycan
Vəfat tarixi	9 oktyabr 2020 (22 yaşında)
Vəfat yeri	Füzuli rayonu, Azərbaycan
Dəfn yeri	Dovşan düzü qəbiristanlığı, Şəki, Azərbaycan
Vətəndaşlıq	Azərbaycan
Mənsubiyyəti	Azərbaycan Ordusu
Atası	Elşad
Anası	Arzu
Təhsili	Azərbaycan Dövlət Neft və Sənaye Universiteti, istilik energetikası mühəndisliyi fakültəsi (2016–2020)
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

Əlihüseyn Məmmədov (1998–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

24 yanvar 1998-ci il tarixdə Bakıda anadan olub.

Təhsili

2004 – 2005 və 2009 – 2015-ci illərdə Şəki şəhər 18 saylı tam orta məktəbində,

2005 – 2009-cu illərdə Xarici Dillər Təmayüllü Gimnaziyada (Bakı),

2016 – 2020-ci illərdə isə Azərbaycan Dövlət Neft və Sənaye Universitetinin istilik energetikası mühəndisliyi fakültəsində təhsil alıb.

Əmək fəaliyyəti

2020-ci ilədək, universitetdə təhsil aldığı dövrdə, paralel olaraq “Araz” supermarketlər şəbəkəsində əvvəl satıcı, sonra kassir işləyib.

Hərbi fəaliyyəti

7 iyul 2020-ci il tarixdə Azərbaycan Respublikası Silahlı Qüvvələrində həqiqi hərbi xidmətə başlayıb. Beyləqanda yerləşən «N» saylı hərbi hissədə xidmət edib. Xidməti dövründə əsgər, atıcı olub.

27 sentyabr 2020-ci ildə başlayan Vətən müharibəsi zamanı “N” saylı hərbi hissənin tərkibində Füzuli, Cəbrayıl, Xocavənd istiqamətində gedən döyüşlərdə iştirak edib.

Şəhid olması

9 oktyabr 2020-ci il tarixdə – 22 yaşında, Füzuli istiqamətində gedən döyüşdə qəhrəmancasına həlak olub.

Əvvəl Şəki şəhərinin Qışlaq hissəsindəki qəbiristanlıqda, sonra isə Dovşan düzündəki qəbiristanlığın şəhidlər üçün ayrılmış hissəsində dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Füzulinin azad olunmasına görə” medalı – ölümündən sonra (25.12.2020);
• “Cəsur döyüşçü” medalı – ölümündən sonra (24.06.2021).

Ailəsi

Ailədə bir bacı, iki qardaş olublar. Subay idi.

Xatirəsi

Vaxtilə yaşamış olduğu Bakının Sabunçu rayonu ərazisindəki binanın divarında xatirə lövhəsi vurulub.

Ədəbiyyat

1. Azərbaycan Respublikası Silahlı Qüvvələrinin hərbi qulluqçularının “Füzulinin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (15 yanvar 2021).
2. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : ƏLİHÜSEYN Elşad oğlu Məmmədov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

1. Şəhid Əlihüseyn Məmmədovun anasının xatirələri : [arx. 01.02.2021] // AZƏRTAC. — 2020. — 30 dekabr. — Müraciət tarixi: 20.01.2022.
2. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : TAPDIQ Dövlətxan oğlu Qurbanəliyev : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
3. Azərbaycan Respublikası Prezidentinin Silahlı Qüvvələrin hərbi qulluqçularının “Cəsur döyüşçü” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 09.12.2021.
4. Telmanqızı Y. “Xəyalıımda qurduğum xoşbəxtliyə bir gün bu kəpənək kimi uçaraq qovuşacam...” : [arx. 20.01.2022] // https://xebertime.az/. — 2021. — 9 fevral. — Müraciət tarixi: 20.01.2022.
5. ADNSU-nun məzun şəhidinin xatirə lövhəsinin açılışı olub : [arx. 28 Jan 2021 - 6 Mar 2021] // ADNSU. — 2021. — 28 yanvar. — Müraciət tarixi: 20.01.2022.

Video-çarxlar

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)