Zaur Əliyev

Zaur Əliyev
Əliyev Zaur Eldar oğlu
Zaur Əliyev.

Zaur Əliyev (1989–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

24 iyul 1989-cu il tarixdə Şəkidə anadan olub.

Təhsili

1995 – 2004-cü illərdə Şəki şəhər 9 saylı tam orta məktəbində təhsil alıb.

2005-ci ildə Şəki Avtomobil Məktəbini sürücü ixtisası üzrə bitirib.

Əmək fəaliyyəti

2009 – 2010-cu illərdə fəhlə işləyib.

2010 – 2013-cü illərdə Beyləqanda yerləşən «N» saylı hərbi hissədə,

2014 – 2018-ci illərdə Şəki Hava Bürosunda,

2019-cu ilin əvvəlindən 30 sentyabr 2020-ci ilədək Şəkidə «Əfqan» firmasında sürücü vəzifəsində çalışıb.

Hərbi xidmətdə

2007 – 2009-cu illərdə həqiqi hərbi xidmətdə olub.

Vətən müharibəsi başladıqdan sonra 30 sentyabr 2020-ci il tarixdə könüllü olaraq orduya yazılıb və sürücü kimi Tərtər rayonunda gedən döyüşlərdə iştirak edib.

Şəhid olması

15 oktyabr 2020-ci il tarixdə – 31 yaşında, Ağdərə istiqamətində gedən döyüşdə qəhrəmancasına həlak olub. Həmin gün Şəkidə Çöl qəbiristanlığında dəfn edilib. Sonradan məzarı Dovşan düzü qəbiristanlığının şəhidlər üçün ayrılmış hissəsinə köçürülüb.

Təltif və mükafatları

• “Vətən uğrunda” medalı – ölümündən sonra (15.12.2020);
• “Suqovuşanın azad olunmasına görə” medalı — ölümündən sonra (24.06.2021);
• “İgidliyə görə” medalı — ölümündən sonra (24.06.2021);

Ailəsi

Ailəli idi, həlak olarkən bir yaşında oğlu var idi.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
3. Azərbaycan Respublikası Prezidentinin Silahlı Qüvvələrin hərbi qulluqçularının “İgidliyə görə” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : ZAUR Eldar oğlu Əliyev : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)