Nurməmməd Mustafayev

Nicat İmamverdiyev
İmamverdiyev Nicat Məhərrəm oğlu
Nicat İmamverdiyev.
Doğum tarixi	19 fevral 1995(1995-02-19)
Doğum yeri	Şəki, Azərbaycan
Vəfat tarixi	16 oktyabr 2020 (25 yaşında)
Vəfat yeri	Tərtər rayonu, Azərbaycan
Vəfat səbəbi	döyüşdə şəhid olub
Vətəndaşlıq	Azərbaycan
Mənsubiyyəti	Azərbaycan Ordusu
Atası	Məhərrəm İmamverdiyev
Anası	Çimnaz İsmayılzadə
Hərbi fəaliyyəti
Qoşun növü	Quru Qoşunları
Xidmət illəri	2013 – 2014; 2020
Rütbə	sıravi
Təltifləri

Nicat İmamverdiyev (1995–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

19 fevral 1995-ci il tarixdə Şəkidə anadan olub.

Təhsili

2001 – 2010-cu illərdə Şəki şəhər 1 saylı tam orta məktəbində doqquzillik natamam-orta,

2010 – 2013-cü illərdə Şəki şəhər 1 saylı Texniki Peşə Məktəbində elektrik qaz qaynaqçısı ixtisası üzrə texniki peşə təhsili alıb.

Əmək fəaliyyəti

2010 – 2013-cü illərdə peşə məktəbində təhsil alarkən paralel olaraq avtomobil təmiri sexində usta köməkçisi işləyib.

2014-cü ildə Hərbi xidməti başa vurduqdan sonra bir il öz ixtisası üzrə işlərdə çalışıb.

2015-ci ildən isə Şəkidəki “Ekonom market”də nəzarətçi-satıcı işləyib.

Hərbi xidmətdə

7 aprel 2013-cü il tarixdən 1 oktyabr 2014-cü il tarixədək Azərbaycan Respublikası Silahlı Qüvvələrində həqiqi hərbi xidmətdə olub.

27 sentyabr 2020-ci il tarixdə Vətən müharibəsinin başlamasından sonra yenidən hərbi xidmətə çağırılıb. Tərtər rayonunda gedən döyüşlərdə iştirak edib.

Şəhid olması

16 oktyabr 2020-ci il tarixdə – 25 yaşında, Ağdərə istiqamətində gedən ağır döyüşdə qəhrəmancasına həlak olub.

21 oktyabr 2020-ci il tarixdə nəşi ailəsinə təhvil verilib.

22 oktyabr 2020-ci il tarixdə Şəkidə Yuxarıbaş qəbiristanlığında dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Suqovuşanın azad olunmasına görə” medalı — ölümündən sonra (24.06.2021);
• “Cəsur döyüşçü” medalı – ölümündən sonra (24.06.2021).

Ailəsi

Ailənin tək övladı idi və subay idi.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
3. Azərbaycan Respublikası Prezidentinin Silahlı Qüvvələrin hərbi qulluqçularının “Cəsur döyüşçü” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 09.12.2021.
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : NİCAT Məhərrəm oğlu İmamverdiyev : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
5. Bəhram Çələbi. Şəki şəhidləri: İki evin iki tək övladı : [arx. 28.09.2022] // Azvision.az. — 2021. — 3 yanvar. — Müraciət tarixi: 15.10.2022.

Video

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)